Туркийн баруун  этгээдийн Измирын шүүх байгууллага тус улсын Ерөнхийлөгч Режеп Тайип Эрдоган руу "бүдүүлэг дохио зангаа үзүүлсэн” гэх хэргээр эдийн засагч эмэгтэйд нэг жилийн хорих ялыг ногдуулжээ. 

Хоёр ч хүүхэдтэй Филиз Акинси гэх эмэгтэй 2014 оны гуравдугаар сард Измирын орон нутгийн сонгуулийн кампанит ажлаар очсон Эрдоганы сууж явсан автобус руу доромжилсон өнгө аястай  дохио зангаа үзүүлсэн байна. 

Улмаар түүний хэргийг хэлэлцэх зургаа дахь удаагийн шүүх хуралдаан саяхан болж, эмэгтэйд 11 сар 20 хоног хоригдох ял ногдуулжээ. Анхан шатны шүүх хуралдаанаар түүнд зургаан сарын ял ногдуулж байсан ч, яллагдагч эмэгтэйг олны танил хүн байсан гэх үндэслэлээр ялыг хоёр дахин нэмэгдүүлсэн байна. Бүсгүй шүүх хурлын үеэр "Би ямар ч буруугүй.

Хэрэг хийгээгүй” хэмээж, нулимс урсгаж байсан гэнэ. Туркид сүүлийн үед Ерөнхийлөгч Режеп Тайип Эрдоганыг доромжилсон хэргээр баривчлагдах хүмүүсийн тоо эрс нэмэгджээ.