Сонгуулийн
урьдчилсан дүн гарахтай зэрэгцээд Хөрөнгийн биржүүдэд манай улсад үйл
ажиллагаа явуулж буй компаниудын хувьцааны ханш хэлбэлзэж байна.
Тухайлбал, "Оюу Толгой”-ийн хөрөнгө оруулагч "Rio Tinto” компанийн нэгж
хувьцааны ханш Нью-Йоркийн Хөрөнгийн биржид 3.42 хувиар өсч, 29.95
ам.доллар болжээ. Түүнчлэн Торонтогийн хөрөнгийн биржид "Turquoise Hill
Resources” компанийн нэгж хувьцааны ханш 2.39 хувиар өсч, 4.28 канад
доллар болсон байна. Тус компанийн ханш энэ сарын 27-оос хойш тасралтгүй
өсч байгаа аж.
Мөн
Гацууртын хөрөнгө оруулагч "Centerra gold"-ийн хувьцааны ханш
Торонтогийн Хөрөнгийн биржид өсчээ. Биржийн арилжаа хаагдах үед нэгж
хувьцааны ханш 0.93 хувиар өсч, 7.63 канад доллар болжээ.
Харин
Азийн Хөрөнгийн биржүүдийн арилжаа нээгдээд удаагүй байгаатай зэрэгцээд
хувьцаануудын ханшид хэлбэлзэл бага байгаа юм. "Mongolian Mining
Corporation”-ийн нэгж хувьцааны ханш лхагва гарагт биржийн арилжаа
хаагдах үед 1.28 хувиар буурч, 0.077 хонгконг доллар болсон байна.
М.Баясгалан
Сэтгэгдэл