Өнөөдөр ТАВАН салбар чиглэлийнхэн вакцинжуулалтад хамрагдана


         Өнөөдөр ТАВАН салбар чиглэлийнхэн вакцинжуулалтад хамрагдана

      Улсын онцгой комисс  хуралдаж коронавируст халдварын нөхцөл байдал, вакцинжуулалтын явц болон бусад асуудлыг хэлэлцэв. Хэдийгээр халдварын тоо нэмэгдэж байгаа ч иргэдийн амьдрал, аж ахуйн нэгж, байгууллагуудын үйл ажиллагааг аль болох хэвийн үргэлжлүүлэхийг зорьж байна. Иймээс нийтийг хамарсан хөл хорио тогтоохгүй, шаардлагатай бол тухайн газарт хэсэгчилсэн байдлаар зохицуулна гэдгийг Монгол Улсын Шадар сайд, Улсын онцгой комиссын дарга хэлэв. Цаашид хаа хаанаа хариуцлагатай байж, халдвар хамгааллын дэглэмээ сахиж байхыг уриаллаа. Цаашид:

- Тухай бүр нь зөвлөн туслаж байгаа ч халдвар хамгааллын дэглэм, тусгай шаардлага хангаагүй зарим аж ахуйн нэгжийн үйл ажиллагаанд хязгаарлалт тогтоож, хариуцлага тооцох 

-Дархлаажуулалтыг эрчимжүүлэх

-Олон нийтийг хамарсан урлагийн тоглолт, үзвэр, үйлчилгээний газруудын цагийн хуваарьт зохицуулалт хийх

-Орон нутаг явж байгаа иргэдийг тухайн аймгийн Онцгой комисс халдварын нөхцөл байдал, эрсдэлийн тооцоо,  судалгаанд үндэслэж хүлээж авах эсэх шийдвэрээ гаргах зэргийг үүрэг, чиглэл болгов.

Хурлын дараа Монгол Улсын Шадар сайд, Улсын онцгой комиссын дарга  С.Амарсайхан мэдээлэл өглөө.  Өнөөдөр буюу 2021 оны 03 дугаар сарын 09-ний өдөр 15.800 гаруй иргэнийг дархлаажуулалтад хамруулах болсон байна.

2021.03.09

- Улаанбаатар цахилгаан түгээх

- Тохижилт үйлчилгээний компани

- Цэвэрлэх байгууламж

- Хил хамгаалах

- Дотоод хэргийн их сургууль зэрэг байгууллага

2021.03.10-наас  

- Худалдаа, үйлчилгээний салбар

2021.03.11-наас

- Боловсролын байгууллагын багш, ажилтан, алба хаагчдыг гэх мэтээр төлөвлөгөөний дагуу дархлаажуулна. Дүүрэг бүрт 10-15, хотын хэмжээнд 85 цэг ажиллах юм. Вакциныг төлөвлөсний дагуу татаж аван долоодугаар сард дархлаажуулж дуусахыг зорьж байна. Ирэх сар хүртэл болох байсан урлагийн 17 тоглолтын 90 гаруй хувь нь цуцлагдсан, 10 орчим хувь нь танхимын 50 хувийн дүүргэлттэй үйлчилж байна гэсэн судалгаа гарчээ. 


Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.