Нийслэлийн хот тохижилтын газраас “Ардын хувьсгал” хэмээсэн бичвэр бүхий цэцэгт мандлыг байгуулжээ. Тодруулбал, нийслэлийн төв талбайн Д.Сүхбаатар жанжны хөшөө тойруулан Ардын хувьсгалын 100 жилийн ойн Үндэсний их баяр наадмыг тохиолдуулан цэцгэн мандалд зориулан олон төрлийн гоёлын цэцэг тарьсан байна. Түүнчлэн төв талбайн гэрэлтүүлгийн 16 цамхагт зургаан өнгийн 64 савтай цэцгийг байрлуулжээ. Мөн Хонхтой цэцэрлэгт хүрээлэнгийн өмнө хэсэгт 26 саванд гоёлын цэцэгс тарьж хотынхоо үзэмжинд өнгө нэмлээ.