Азийн Хөгжлийн Банк (АХБ)-ны Олон улсын “Худалдаа, нийлүүлэлтийн сүлжээний санхүүжилтийг дэмжих хөтөлбөр”-өөс ХААН Банкийг 2024 оны “Монгол Улс дахь шилдэг хамтрагч банк”, “Хүйсийн тэгш байдлаар манлайлагч банк”-аар тус тус тодруулж, ХААН Банкны Байгууллагын банк хариуцсан дэд захирал Т.Ууганбаяр, Хүний нөөц хариуцсан дэд захирал Ш.Ганбямба нар шагналын цомыг гардан авсан юм.

ХААН Банк нь 2013 оноос тус хөтөлбөрт идэвхтэй оролцож, дэлхийн нэр хүнд бүхий 200 гаруй банктай худалдааны санхүүжилтийн чиглэлээр хамтран ажиллаж, харилцагчдынхаа худалдааны бизнесийг дэмжих, хэрэгцээ шаардлагад нийцэхүйц худалдааны санхүүжилтийн бүтээгдэхүүн үйлчилгээг цаг тухайд нь чанартай хүргэх боломжийг бүрдүүлээд буй юм.

Түүнчлэн харилцагчдадаа санал болгодог худалдааны санхүүжилтийн бүтээгдэхүүн үйлчилгээний хүрээнд гадаад худалдаа эрхлэгч аж ахуйн нэгжүүд ачилтын өмнөх болон дараах зээлийн бүтээгдэхүүнүүдээс гадна баримтат аккредитив, баталгаа, батлан даалтын аккредитивийн бүтээгдэхүүнүүдийг ашиглан гадаад худалдааны эрсдэлийг удирдах, санхүүжилтийн зардлыг бууруулах боломж олгодог. Энэ ч үүднээс “Монгол дахь шилдэг хамтрагч банк”-аар ХААН Банкийг долоо дахь жилдээ шалгаруулан өргөмжлөөд байна. 

Эдгээр шагнал нь бидний үйл ажиллагаа, бүтээгдэхүүн үйлчилгээг олон улсын түвшинд хүрснийг үнэлж буйн илрэл төдийгүй ХААН Банкны худалдааны санхүүжилтийн бүтээгдэхүүн, үйлчилгээг сонгон үйлчлүүлдэг эрхэм харилцагчид, олон талын дэмжлэг үзүүлж ирсэн олон улсын банк, санхүүгийн байгууллагууд, АХБ-ны хамт олонд болон ХААН Банкны нийт ажилтнуудын маань хамтын хичээл зүтгэл, ололт амжилт юм. Амжилтыг хамтдаа бүтээлцсэн та бүхэндээ талархал илэрхийлье.

ХААН Банкны худалдааны санхүүжилтийн бүтээгдэхүүн, үйлчилгээний талаар дэлгэрэнгүй мэдээллийг ЭНД дарж авна уу.

Хамтын өсөлт төгөлдөр - ХААН Банк

Хадгаламж хэзээ ч багадахгүй. Гагцхүү түүнийг дадал зуршил болгосноор та өөрийн хүсэж зорьсондоо хүрч чадна. Ирээдүйнхээ төлөө хуримтлал үүсгэж буй харилцагчдадаа зориулан ХААН Банк 2024 оны 8-р сарын 12-ны өдрөөс 12-р сарын 31-ний өдрийг дуустал хугацаанд хуримтлуулах дадлыг тань дэмжсэн ээлжит урамшуулалт аянаа зарлалаа.

Энэхүү урамшуулалт аянд 2024 оны  8-р сарын 12-ны өдрөөс 12-р сарын 31-ний өдрийг дуустал хугацаанд, эсвэл 2024 оны 8-р сарын 12-ны өдрөөс өмнө интернет банкаараа дамжуулан нээсэн 6 болон түүнээс дээш сарын хугацаатай төгрөгийн хадгаламжийн дансандаа орлого нэмсэн харилцагчид хамрагдах боломжтой юм.

Таны хуримтлалдаа нэмсэн орлогын 100,000 төгрөг тутамд эсвэл хадгаламжийн дансандаа нэмсэн орлого 100,000 төгрөг хүрэх тутамд нэг тохирлыг эрх үүсэх бөгөөд нэг харилцагч хэдэн ч тохирлын эрх цуглуулж болно. Хэрвээ та хадгаламжгүй бол яг одоо Khan Bank аппликэйшний Данс>Шинээр данс нээх цэсээр дамжуулан хормын дотор хадгаламжаа үүсгээрэй.

Ийнхүү гэрэлт ирээдүйгээ баталгаажуулж, санхүүгийн зөв дадал өөртөө суулгасан 5 харилцагчид NURA эрүүл мэндийн багц шинжилгээний эрх бэлэглэх юм.

Тохирлын хуваарь:

• 1-р ээлжийн тохирол: 2024.08.12-2024.09.30-ны өдрийг дуустал хугацаанд аяны болзол хангасан харилцагчдаас 5 харилцагчийг  2024.10.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулж NURA эрүүл мэндийн багц шинжилгээний эрхийн бичгээр урамшуулна.
• 2-р ээлжийн тохирол: 2024.10.01-2024.10.31-ний өдрийг дуустал хугацаанд аяны болзол хангасан харилцагчдаас тохирлын эзнийг 2024.11.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулна.
• 3-р ээлжийн тохирол: 2024.11.01-2024.11.30-ны өдрийг дуустал хугацаанд аяны болзол хангасан харилцагчдаас тохирлын эзнийг  2024.12.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулна.
• 4-р ээлжийн тохирол: 2024.12.01-12.31-ний өдрийг дуустал хугацаанд аяны болзол хангасан харилцагчдаас тохирлын эзнийг  2025.01.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулна.

Шууд дамжуулалтыг хөндлөнгийн аудит болон харилцагчдын төлөөллөөс бүрдсэн багийн хяналт дор явуулна.

Тохирлын эрх шалгах:

Харилцагч та ХААН Банканд бүртгэлтэй утасны дугаараас 131917 тусгай дугаарт tohirol, Tohirol, Tokhirol, tokhirol текстийг мессежээр илгээн тохирлын тоог шалгах боломжтой. Дэлгэрэнгүй тохирлын дугаарыг банканд бүртгэлтэй и-мэйл хаягтаа хүлээн авна.

Тохирлын эрх хасагдах нөхцөл:

• Аяны хугацаанд орлого хийсэн боловч хугацаатай хадгаламжийн хугацаа дууссан бол;
• Болзол хангасан хугацаатай хадгаламжийн дансыг гэрээт хугацаанаас өмнө цуцалсан бол;
• Өмнөх ээлжийн тохирлуудад шалгарсан харилцагч дараагийн ээлжийн тохирлуудад дахин хамрагдах боломжгүй.

Харилцагч та ХААН Банкны онлайн хадгаламжийн бүтээгдэхүүн үйлчилгээний төрлүүдээс өөрийн хүсэл зорилгод нийцэх бүтээгдэхүүн үйлчилгээг сонгон хуримтлуулж хэвшээрэй. Дэлгэрэнгүй нөхцөл, мэдээлэлтэй энд дарж танилцана уу.

Хамтын өсөлт төгөлдөр - ХААН Банк

Дэлхийн эрүүл мэндийн байгууллагаас 2024 оны 8 дугаар сарын 14-ний өдөр сармагчны цэцэг өвчний халдварын тархалттай холбоотойгоор эрүүл мэндийн “онц байдал” зарласан. Энэ нь Эбола, COVID-19 зэрэг халдваруудын үед авч хэрэгжүүлж байсан хариу арга хэмжээтэй ижил юм. Энэ онд бүртгэгдсэн тохиолдлуудын 90 хувь нь Бүгд Найрамдах Конго улсад бүртгэгдсэн ба одоогийн байдлаар Бурунди, Кени, Руанда, Уганда зэрэг Африкийн 15 улсад бүртгэгдээд байна. Гэвч сорьцын шинжилгээ, хяналтын чадвар хязгаарлагдмал байгаагаас тархалтын жинхэнэ хэмжээ тодорхой бус хэвээр байна.

COVID-19 халдвартай харьцуулахад сармагчны цэцэг өвчин нь агаар дуслын замаар бус ойрын хавьтлаар халдварладаг бөгөөд хурдан мутацид ордоггүйгээрээ ялгаатай. Удирдах байгууллагууд тархалтыг хэрхэн хяналтдаа байлгах зохистой арга хэмжээг авч байгаа хэдий ч Африкийн хувьд хариу арга хэмжээг авахад төвөгтэй, өвөрмөц сорилтуудтай тулгараад байна. Үүнд вакцины хомсдол, олон нийтийн мэдээлэл дутмаг байдал, ХДХВ болон хүнс тэжээлийн дутагдал зэрэг асуудлууд нөлөөлөхийн зэрэгцээ улс орнуудыг хамарсан системийн авлига нь эмнэлгийн тусламж үйлчилгээний чухал санхүүжилтийг үгүй хийж байна.

“Онц байдал” зарлаж байгаа нь арга хэмжээ авах цаг нь болсон гэсэн дохио юм. Олон улсын хамтын нийгэмлэг тархалтыг хумихад дэмжлэг, санхүүжилт үзүүлж, шинжилгээ, вакцин, эмчилгээний хүртээмжийг сайжруулах нь тэргүүлэх чиглэл байх ёстой. Гэвч Африк нь вакцины хүртээмжгүй, тэгш бус байдал зэрэг удаан хугацааны асуудлуудтай нүүр тулгарсаар байна. Тэргүүлэгч орнууд шаардлагатай тунгийн зөвхөн тодорхой хэсгийг л авдаг. Африкийн Халдварт өвчин судлалын төв 10 сая вакцин хэрэгцээтэй гэж мэдээлж байгаа боловч одоогийн байдлаар зөвхөн гурван хувьд нь хүрэлцэхүйц байна. Түүнчлэн хөгжингүй орнууд вакцин хуримтлуулж байгаа нь Африкийн улсуудын хүн амыг хамгаалахад хэцүү байдал бий болгож байна.

Сармагчны цэцэг өвчний тархалт нь бидэнд өнгөрсөн хугацаанд үүссэн алдааг дахин давтахгүй байх боломжийг олгож байна. COVID-19 халдварын үеэр вакцины хуваарилалтын явцад танил тал, хамаатан садандаа давуу байдал бий болгох, төсвийн хөрөнгө шамшигдуулах, ашиг сонирхлын зөрчил үүсгэх зэрэг авлигын эрсдэлүүд бий болсон. Жишээ нь, Руанда улсын COVID-19 вакцинжуулалтын явц нь ил тод биш, худалдан авалт дутсан зэрэг асуудал үүсгэсэн. Кени, Канад, Перу, Польш зэрэг улс орнуудад чинээлэг хүмүүс вакциныг бусдаас түрүүлж хийлгэхийн тулд мөнгө төлөх явдал гарч байсан.

Дээрх авлигын эрсдэлүүд нь дархлаажуулалтын түвшинг бууруулах, вакцинжуулалтыг удаашруулах, нийтийн эрүүл мэндийн тусламж үйлчилгээний хүртээмжийг багасгаж, өвчний тархалтыг хянах үйл явцад саад учруулна. Сармагчны цэцэг өвчнөөс урьдчилан сэргийлэх, хариу арга хэмжээ авахад эдгээр асуудлуудаас зайлсхийхийн тулд ил тод байдал, хариуцлагыг улам бүр нэмэгдүүлэх шаардлагатай байна.  

Эх сурвалж: transparency.org

БНСУ-ын супер од Rain, Sandara Park, Bloo нарын тоглолтын тасалбарыг худалдан авахад 50%-ийн буцаан олголт өгнө гэвэл та итгэх үү? ХААН Банк энэхүү гайхалтай боломжийг харилцагчдадаа олгож байна.

Та тоглолтын тасалбарыг зөвхөн маргааш буюу 2024 оны 9-р сарын 10-ны өдрийн 12:00-00:00 цагийн хооронд Digi Pay аппликэйшн доторх Shoppy.mn мини апп-аар худалдан аваарай.

Буцаан олголтын нөхцөл:

• Буцаан олголт авахын тулд Digi Pay аппликэйшн доторх “Үйлчилгээ” цэсний Shoppy.mn мини апп-аар худалдан авалт хийх шаардлагатай.
• Нэг харилцагчид өгөх буцаан олголтын дээд хэмжээ 100,000₮ байна.

Буцаан олголтын хугацаа:

• Буцаан олголт 2024 оны 9-р сарын 13-ны өдөр таны данс руу шилжин орно.

Digi Pay аппликэйшнийг дараах холбоосоор татаж авна уу: https://bit.ly/Digi_Pay

Санхүүгээ хэмнэхийн зэрэгцээ Солонгосын супер оддын тоглолтыг үзэх алтан боломжийг та битгий алдаарай!

Хамтын өсөлт төгөлдөр – ХААН Банк

ХААН Банк ЮнионПэй карт эзэмшигч харилцагчдадаа зориулан худалдан авалт бүрд буцаан олголт авах боломжтой “ЮнионПэйтэй ертөнцийг нээгээрэй” ээлжит урамшуулалт аянаа зарласныг дуулгахад таатай байна.

2024 оны 9-р сарын 1-нээс 12-р сарын 31-нийг дуустал үргэлжлэх энэхүү аяны хүрээнд ХААН Банкны ЮнионПэй (UnionPay) карт эзэмшигчид БНХАУ дахь ПОС төхөөрөмж болон Хятадын онлайн худалдааны вэбсайтуудаас худалдан авалт хийх бүрдээ үнийн дүнгийн 5%-ийг буцаан олголт хэлбэрээр авах боломжтой.

Аяны онцлох нөхцөлүүд:

• Гүйлгээний дээд дүн: 5,600,000₮
• Гүйлгээний доод дүн: 30,000₮
• Буцаан олголтын дээд дүн: 280,000₮
• Буцаан олголтын доод дүн: 1,500₮

Буцаан олголт нь сар бүрийн 10-ны өдөр ХААН Банкны гүйлгээ хийсэн картын данс руу автоматаар шилжин орно. Жишээ нь та 9-р сарын 1-нээс 9-р сарын 30-ны хооронд Хятадын онлайн худалдааны платформоос нийт 2,000,000 төгрөгийн худалдан авалт хийсэн бол 10-р сарын 10-нд таны данс руу 100,000 төгрөгийн буцаан олголт автоматаар орох юм. Урамшуулал зөвхөн хувь хүний ЮнионПэй картад хамаарах тул байгууллагын ЮнионПэй карт эзэмшигчид хамрагдахгүй.

Харилцагч та өөрийн ЮнионПэй картыг Интернэт банк болон Khan Bank аппликэйшнээр дамжуулан хялбархан удирдах боломжтой. Тухайлбал карт захиалах, сунгах, нөхөн авах, идэвхжүүлэх, төлөв өөрчлөх, хуулга харах, ПИН код солих, блок гаргах зэрэг үйлчилгээг авах боломжтой.

"ЮнионПэйтэй ертөнцийг нээгээрэй" урамшуулалт аян нь ХААН Банкны харилцагчдад олон улсын худалдан авалтыг илүү ойртуулж, санхүүгээ хэмнэх боломжийг санал болгож байна. ХААН Банктай хамт илүү олон боломжийг нээцгээе!

Хамтын өсөлт төгөлдөр – ХААН Банк

Хорт хавдрын шалтгаант нас баралтаар Монгол Улс дэлхийд нэгдүгээр байранд, тэр дундаа элэг болон ходоодны хорт хавдрын улмаас хорвоог орхиж буй статистик үзүүлэлтээр монголчууд мөн л дэлхийд тэргүүлж байна. Аюулын харанга дэлдсэн энэ өвчнөөс урьдчилан сэргийлж болдгийг, эрт оношилж, илрүүлбэл бүрэн эдгэрэх боломжтой гэдгийг ХААН Банк сангаас санхүүжүүлж, Хавдрын өвчин судлалын үндэсний төв, Монголын үндэсний олон нийтийн радио телевиз хамтран хэрэгжүүлдэг “Хавдрын эсрэг үндэсний аян” ард иргэдэд ойлгуулахыг чухалчилж ирсэн билээ.

Аян эхлүүлснээс хойших 14 жилийн хугацаанд хорт хавдрыг эрт үед нь илрүүлэх, эмчлэх, өвчний эрсдэлт хүчин зүйлс, тэдгээрээс сэргийлэх талаар иргэдэд ухуулан, таниулах ажлыг амжилттай хэрэгжүүлсэн нь хүн амын дундах хорт хавдрын талаарх мэдлэг, мэдээлэл сайжирч, хорт хавдраас сэргийлэхэд тодорхой хувь нэмрээ оруулж байгаа билээ.

Энэ удаа “Хавдрын эсрэг үндэсний аян”-ы баг бүрэлдэхүүн Монгол орны алс баруун хязгаар Баян-Өлгий аймгийг зорьж, нээлтийн арга хэмжээг өнөөдөр Өлгий хотын төв талбайд зохион байгууллаа. 2023 оны жилийн эцсийн тайлангаар Баян-Өлгий аймагт шинээр бүртгэгдсэн хорт хавдарт элэг 23,7%, ходоод 23.1%, улаан хоолой 11.8%, бөөр 10,1%, хөх 4.1%, бүдүүн гэдэс 3,0%, бусад байрлалын хорт хавдар 24.3%-ийг тус тус эзэлж байна. Өвчлөлийн түвшин буюу 100,000 хүн амд ногдох тоогоор улсын дундажтай харьцуулахад бага үзүүлэлт боловч шинээр бүртгэгдсэн хорт хавдрын тохиолдлын 73.1% нь хожуу үедээ оношлогдсон нь анхаарал татаж буй юм.

Хавдрын өвчлөлөөс урьдчилан сэргийлэх мэдлэг мэдээлэл өгч, үзлэг оношилгоо хийх, эрт илрүүлэх зорилготой  аяны баг бүрэлдэхүүн 9-р сарын 7-ныг хүртэл Баян-Өлгий аймагт,  9-р сарын 15-21-нд Баянхонгор аймагт ажиллана.

Өнгөрсөн хугацаанд ХААН Банк сан энэхүү аяны хүрээнд 133 мянга гаруй хүнд үзлэг хийж, хортой хавдрын 656 тохиолдол илрүүлэн, нийт 1.3 тэрбум төгрөг зарцуулсан нь эрүүл мэндийн салбарт хувийн хэвшлээс оруулсан томоохон хөрөнгө оруулалт болсны дээр мэргэжлийн байгууллага, хувийн хэвшлийн сайн түншлэлээр нийгмийн хариуцлагаа ухамсарлан, нийгэмд бодитой өөрчлөлт авчирсан сайн жишээ болж буй.

Урьдчилан сэргийлэх үзлэгт иргэн та тогтмол хамрагдан, сэтгэлзүйн эрүүл мэнддээ анхаарч, эрүүл хооллож, тогтмол дасгал хөдөлгөөн хийж, хорт зуршлаас татгалзаж чадвал хорт хавдраас сэргийлэх боломжтой гэдгийг эмч мэргэжилтнүүд зөвлөж байна.

ХААН Банкны Жижиг дунд бизнесийн академиас бизнес эрхлэгч эмэгтэйчүүдийг дэмжихээр бизнесээ эрхлэн явуулахад дутагдаж буй ур чадвар, санхүүгийн болон санхүүгийн бус хэрэгцээ шаардлагуудыг судлан тодорхойлж, түүнд үндэслэн “Эмэгтэй бизнес эрхлэгчдийг дэмжих хөтөлбөр”-ийг боловсруулан 2020 оноос хэрэгжүүлж буй билээ.