УИХ-ын Эдийн засгийн байнгын хорооны хуралдаанаар"Төрөөс мөнгөний бодлогын талаар 2019 онд баримтлах үндсэн чиглэл батлах тухай” УИХ-ын тогтоолын төслийн хэлэлцэх эсэхийг шийдвэрлэлээ.

Энэ үеэр Монголбанкны Ерөнхийлөгч Т.Баяртсайхан ипотекийн зээлийн асуудлаар мэдээлэл өгсөн юм. Тэрбээр "Ипотекийн зээлийн санхүүжилтийн зорилгоор одоогоор Төв банкнаас 4.2 их наяд төгрөг зарцуулаад байгаа бөгөөд цаашдаа уг хөтөлбөрийг аль түвшинд хэрэгжүүлэх нь оновчтой талаар шийдэл гаргахаар ажиллаж байгаа.

Одоогийн байдлаар ипотекийн зээлийн санхүүжилтийн зориулалтаар Монголбанкнаас жилд 240 тэрбум, Засгийн газраас 120 тэрбум төгрөгийн эх үүсвэр гаргаж байгаа. Жилд дунджаар 300-400 орчим тэрбум төгрөгийн санхүүжилт хийгдээд байгаа" гэсэн юм.