Монголын улстөрчид хаа яваа газраа хэрүүл шуугиан тарьж, талцал хуваагдлыг бий болгож байдгийн нэгэн жишээ З.Энхболдын твиттерт "шидсэн чулуу” байлаа. Түүний "шидсэн чулуу” "бай”-гаа онолгүй өөр газар бууж твиттерийг талцуулаад байна.
Улстөрчдийн хошуу дүрсэн салбар бүрт хэрүүл тэмцэл, талцал хуваагдал, үзэн ядалт, хорон муу санаа цухалздаг болсон нь "Бадарчин явсан газар балагтай” гэдэг үгийг сануулж байна. Энэ удаа ч Ерөнхийлөгчийн Тамгын газрын дарга З.Энхболдын өөрийнхөө шагнал өгөх хүн сонгохдоо "нүдтэй” гэдгээ гайхуулах гэсэн оролдлого, Урлагийн салбарт чамгүй амжилт гаргасан дуучин Д.Болдыг үгүйсгэсэн жиргээ Монголын урлагийнхан дотор талцал, хуваагдал үгүйсгэлийг бий болгож орхилоо.
Бид үүгээрээ хэн нэгний талд орох гэсэнгүй. Улстөрчид "хортой үйлдэл, хоржоонтой” үгсээ улстөрийнхөө хүрээнд, өөр хоорондоо л өрнүүлнэ биз салбар дамжин хэрүүл тарьж, хиншүү хярвас үнэртүүлж, нийгмийн сэтгэл зүйгээр тоглохын хэрэг юу байна.
Н.БАТАА
Сэтгэгдэл