Элчин сайд Р.Болд Туркийн ШУА-ийн Ерөнхийлөгчтэй уулзав


Элчин сайд Р.Болд Туркийн Шинжлэх Ухааны Академийн Ерөнхийлөгч Проф.ДР. Музафер Шекертэй уулзаж, хоёр талын ШУА-иудын хамтын ажиллагааг идэвхжүүлэх талаар ярилцав. Шекерийн зүгээс  Монголд байгуулах Чингис хааны музейн үзмэрийг баяжуулах, 2020 оны хавар Анкарад болох Олон улсын Монгол судлалын холбооны Европын бага хурлыг зохион байгуулахад дэмжлэг үзүүлж болохоо илэрхийлэв. Элчин сайдын зүгээс Туркийн ШУА-ийн Хүндэт гишүүнээр Монголын Хэл зохиолын хүрээлэнгийн эрдэм шинжилгээний тэргүүлэх ажилтан, шинжлэх ухааны доктор, профессор, академич Л.Болдыг сонгосонд талархал илэрхийлэв.

Эх сурвалж: ГХЯ


Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.