Аргентин Улсад 3 хоногийн үндэсний гашуудал зарлалаа


Дэлхийн хөл бөмбөгийн од Диего Марадона 60 насандаа тэнгэрт халилаа. Тэрбээр арваннэгдүгээр сарын 4-нд тархины хагалгаанд ороод долоо хоногийн дараа эмнэлгээс гарсныг тус улсын иргэд мэдэж байсан юм.

Гэвч харамсалтай нь Марадона орон нутгийн цагаар өчигдөр буюу энэ сарын 25-ны өглөө Аргентины Тигре хотын Сан-Андерс дүүрэг дэх гэртээ зүрхний шигдээсээр нас нөгчсөнийг Аргентины хөл бөмбөгийн холбоо албан ёсоор зарлалаа. 
Үүнтэй холбогдуулан тус улсын Ерөнхийлөгч гурав хоногийн үндэсний гашуудал зарлаж буйг Ерөнхийлөгчийн албанаас мэдээлснийг Аргентины TN24 телевиз мэдээлсэн юм. 
Б.Сарнай

Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.