Монгол Улсын Ерөнхийлөгч өрх бүрт нэг сая төгрөгийн дэмжлэг үзүүлэх санаачилга гаргасан. Ингэхдээ 200 мянган төгрөгийг гар дээрээ бэлэн авч, үлдсэн 800 мянган төгрөгт тааруулан үндэсний үйлдвэрлэгчээс хүнсний бүтээгдэхүүн сонгон авах юм. Тус санаачлагыг МАН-ын бүлэг удаа дараа эсэргүүцсэн. Тэгвэл өнөөдөр УИХ дахь МАН-ын бүлэг цахимаар хуралдлаа. Цахим хуралдааныг Бүлгийн дарга Д.Тогтохсүрэн даргалж, хуралдааны эхэнд Монгол Улсын Ерөнхийлөгч Х.Баттулгаас УИХ-д өргөн барьсан УИХ-ын тогтоолын төслийг авч хэлэлцлээ.

Бүлгийн гишүүд уг тогтоолын талаар санал бодлоо хэлж, гишүүдийн олонх нь холбогдох байнгын хороогоор хэлэлцүүлж, ярих нь зүйтэй гэж үзлээ.