Токио хотын Шибуяа дүүрэгт 28 настай Монгол залуу үл таних эмэгтэйг "Зочид буудал руу явна” гэж дуудаж, улмаар барилгын цахилгаан шатанд ёс бус үйлдэл хийж, түрийвчийг нь хулгайлсан гэх хэргийн талаар Японы хэвлэл мэдээллийн хэрэгслүүдээр мэдээлж байна.

Токио хотын цагдаагийн газраас мэдээлснээр Монгол Улсын иргэн З нь клубт шөнөжин архи уусан бөгөөд гэртээ харих замдаа Шибуяа орчимд танихгүй эмэгтэйг "Зочид буудал руу явна" гэж дуудсан. Үүний дараа тус газраас 500 орчим метрийн зайд байрлах түрээсийн байрны цахилгаан шатанд эмэгтэйг суулган гэмт хэрэг үйлджээ.

З нь садар самууны хэргээ үгүйсгэж байгаа ч дээрмийн хэргээ хүлээн зөвшөөрч, "Архи уусан, хэвийн шийдвэр гаргах боломжгүй байсан" гэж цагдаад мэдүүлжээ.

Эх сурвалж: livedoor news