Загварын ертөнцөд цахиур хагалан гарч ирж буй Хулан өөрийн брэндийн шинэ коллекцоо танилцуулах шоугаа саяхан зохион байгуулсан юм.

Хамгийн сайн чанарын арьсаар хийсэн, эдэлгээ даах цүнх, гутал, хувцасны JKulan брэндийг үүсгэн байгуулагч Т.Хулан нь "Урлах эрдэм” дээд сургуулийг Загвар зохион бүтээгч мэргэжлээр төгсөөд Малайз улсад өндөр чанартай үхэр, тугалын ширээр туфль, цүнх, мөн силкэн алчуур гэх мэт зүйлсийг урлан гараагаа эхлүүлсэн гэдэг. Тэгвэл 10 гаруй жил арвин туршлага хуримтлуулсны эцэст өдгөө эх орондоо өөрийн брэндийг үүсгэн загварын ертөнцөд хэдийнэ өөрийн өнгө төрхийг тамгалж чадсан нэгэн болжээ.

Монгол бүсгүйн сэтгэлээс урган гарсан, дэлхийн алдарт брэндүүдтэй эн зэрэгцэхүйц "luxury” загвар, чанарыг эх орныхоо бүсгүйчүүддээ зориулж буй түүний энэ хавар, зуны шинэ коллекцоос танилцуулъя.