"PRO theatre”-ын  5 дахь шинэ уран бүтээл "ШАДАР ГУРВАН ЦЭРЭГ” физикл драм ирэх сарын 1-ээс эхлэн Оросын Шинжлэх ухаан Соёлын төвийн тайзнаа (РЦНК) тоглогдох гэж байна. Тус жүжигт эрэлхэг зоригт Артаньян болон хүчирхэг шадар цэргүүд болох Атос, Арами, Портос нарын амьдрал, хайр дурлалыг тухайн үеийн нийгэм, цаг үетэй нь хослуулан харуулдаг алдартай уран бүтээл билээ. 

Жүжгийн үйл явдал 17-р зуунд өрнөх бөгөөд гол дүр болох Д’Артаньян гэгч зальтай, овжин, эрч хүчээр дүүрэн залуу Франц улсын цэргийн албанд элсэн орж өөр шигээ хүч тэнхээ ид бяраар дүүрэн гурван шадар цэрэгтэй танилцсанаар жүжиг эхэлнэ. Тэд хаан, хатан, хамба 3-ын зөрчил, үхэл хагацал, хайр сэтгэл, хууран мэхлэлт гээд олон үйл явдлуудтай нүүр тулах хэдий ч нөхөрлөлийн үнэ цэнэ болсон зан чанар, үнэнч шударгаар тэр бүгдийг даван туулж гарсан онцгой үйл явдлууд өрнөдөг. 

Тэгвэл дээрх дэлхийн алдартай энэ бүтээл физикл драм хэлбэрээр Монголд анх удаа тоглогдох гэж байна. "Pro theatre"-ийн жүжигчдийн сонголтын хувьд энэ цаг үеийн авъяаслаг залуусын төлөөлөл тоглож байгаа юм.