Монгол Улсын Ерөнхийлөгчийн тангараг өргөх ёслолд зориулж жанжин Д.Сүхбаатарын талбайд төрийн далбаа мандууллаа.

Найм дахь удаагийн Ерөнхийлөгчийн сонгуульд ялалт байгуулсан У.Хүрэлсүх өнөөдөр буюу зургаадугаар сарын 25-ны өдрийн 11:40 цагт Ерөнхийлөгчийн тангараг өргөнө.

Ерөнхийлөгчийн тангараг өргөх ёслолын үеэр Сүхбаатарын талбайд цэргийн парад зохион байгуулахаар тогтоолын төсөл баталсан хэдий ч үүнийг цуцалсан талаар Зэвсэгт хүчний жанжин штабаас мэдээлсэн. Улмаар өнөөдөр хүндэт харуул жагсаж, тангараг өргөх ёслолыг цомхон хийнэ гэсэн юм.

Гэрэл зургийг Г.Аргуужин