Шинэ коронавирусын халдвар илэрсэн Франц улсын иргэнтэй нэг онгоцоор 121 хүн нисч ирсэн гэх мэдээлэл байгаа. Эдгээр иргэдийн талаар одоог хүртэл судалгаа хийсээр байгаа бөгөөд МХЕГ-ын дарга Н.Цагаанхүүгийн мэдээлснээр цуг нисч ирсэн зарим иргэн Орхон, Сэлэнгэ аймаг, Оюутолгой руу явсан байна.

Түүнчлэн, нэг онгоцонд ирсэн ДЭМБ-ын төлөөлөгч нар Төрийн ордонд орж, УИХ-ын дарга Г.Занданшатартай уулзжээ. Түүнчлэн, ДЭМБ-ын төлөөлөгч нар нийслэл болон Сэлэнгэ, Дарханд эрүүл мэндийн байгууллагаар ажилласан гэх мэдээлэл байна.

ДЭМБ-ын төлөөлөгч нараас яаралтай шинжилгээ авсан бөгөөд шинжилгээний хариу маргааш гарах юм байна.