ДЭМБ-аас шинэ төрлийн коронавирусийн өвчлөлийн онош батлагдсан тохиолдол дэлхий даяар гурван саяд хүрсэн тухай мэдээллээ. 884 мянган хүн эдгэрсэн бол эндэгдлийн тоо 209 мянгад хүрчээ. Нас баралтын түвшин 6.92 хувьтай байна.

Халдварын тохиолдлын тоо 1.5 саяд хүрсэн мэдээллийг бид дөрөвдүгээр сарын 10-нд хүлээж авч байсан бол ойролцоогоор 18 хоногийн дотор энэ тоо хоёр дахин нэмэгдсэн нэмэгдэж байна.

Ихэнх тохиолдол АНУ-д бүртгэгдсэн бүх халдварын гуравны нэгийг эзэлж байна. Жонс Хопкинсийн их сургуулийн мэдээлснээр тус улсад 972,969 батлагдсан тохиолдол бүртгэгдсэнээс 55,118 хүннас барсан байна. 

Австрали, Шинэ Зеланд, Иран, Испани зэрэг улсуудад халдварын дэгдэлт намжиж, нас баралтын түвшин буурч байгаа тул нийтийг хамарсан хөл хориог сулруулахаар зэхэж байна. Итали улс тавдугаар сарын 4-ний өдрөөс эхлэн хоёр сар үргэлжилсэн хатуу хяналтаа сулруулна гэж мэдэгдлээ.

НҮБ-ын тэргүүн цар тахалтай тэмцэх нэрийн дор хүний эрхийн зөрчил хурцдаж байгааг санууллаа.