Мөрийтэй тоглоом зохион байгуулж, бусдын дансаар мөнгө гарган авдаг байж болзошгүй үйлдлээр Хаан, Төрийн банкны болон Улсын бүртгэлийн ажилтнуудыг өнгөрсөн шөнө Эрүүгийн цагдаагийн албанаас баривчилсан байна. Энэ тухай мэдээлэл хэвлэл мэдээллийн хэрэгслээр өнөөдөр /2024.09.11/ цацагдаж буй. Банкны болон Улсын бүртгэлийн ажилтнууд иргэдийн мэдээллийг “зарж”, хувь хүний нууцыг задруулдаг байж болзошгүй юм. Уг бүлэглэлийг хууль хяналтын байгууллагаас шалгаж байна. Бүлэг этгээдийн дунд банкны 8, Улсын бүртгэлийн газрын 7 ажилтан багтаж байгаа аж.