Манай улс өнгөрсөн онд 94.6 сая тонн нүүрс экспортолсныг Аж үйлдвэр, эрдэс баялгийн яамнаас мэдээллээ. Энэ нь 85 сая тонныг нийлүүлэхээр төлөвлөснөөс бараг 10 саяар давуулсан дүн болжээ. 2025 онд зэсийн баяжмал 2.4, төмөр 9.4, хайлуур жонш 1.9 сая тонныг бэлтгэн нийлүүлсэн байна. Түүнчлэн 161.3 мянган тонн цайрын баяжмал экспортолжээ. Энэ талаар Аж үйлдвэр, эрдэс баялгийн дэд сайд Б.Энхтүвшин “Дотоодын нийт бүтээгдэхүүний 25, төсвийн 28, экспортын орлогын 93 хувийг эрдэс баялгийн салбараас бүрдүүллээ. Гадаадын хөрөнгө оруулалтын 75, аж үйлдвэрлэлийн салбарын бүтээмжийн 78 хувийг мөн бүрдүүлсэн. Ирэх онд стратегийн ач холбогдол бүхий бүтээгдэхүүний ханган нийлүүлэлтийг сайжруулах зорилгоор 200 мянган тонн АИ-92, дизелийн түлш хадгалах савыг барих ажлыг эхлүүлнэ” гэжээ.

Ташрамд дурдахад манай улс өнгөрсөн жил 83.7, 2023 онд 70 сая тонн нүүрс экспортолсон байна.