Модель С.Төгс бусад олны танил бүсгүйчүүдийг бодоход үсээрээ "тоглох" дуртай нэгэн. Түүний хувьд салбарынхан дундаа анх цагаан үсээр дэгжирхсэн гэхэд хилсдэхгүй. Тэгвэл цагаан үснээсээ уйдсан бүсгүй гэнэтхэн л тас хар халимагтай болж орхисон. Саяхнаас тэрбээр мөн л үсний стилээ өөрчилж, үс залгуулаад урт ягаан үсээр гангарах болжээ. Гэсэн хэдий ч түүний өөрчлөлт зарим нэгэнд нь таалагдаагүй бололтой. Тиймдээ ч үснийх нь өнгийг шүүмжлээд амжсан. Харин модель бүсгүй үүний хариуд "Энэ өнгө хамгийн гоё өнгө. Өөр хүмүүсийн юу гэж бодох надад хамаатай байсан бол би наана нь хүмүүсээс асуух байсан байх" хэмээн хатуухан хариу өгчээ.