БНХАУ-ын умард бүсээс өмнөд хэсэг рүү нүүрс тээвэрлэх шинэ төмөр замыг ирэх долоо хоногт нээхээр болсныг салбарын холбоо мэдэгдлээ. 

ӨМӨЗО-ыг Жяншитай холбосон 1800 км үргэлжлэх зам нь нүүрс тээвэрлэх, хүнд даацын хамгийн урт төмөр замд тооцогдож байна. Ашиглалтад орсноор дотоодод олборлосон нүүрсийг баруун бүсээс зүүн бүс рүү тээвэрлэж, дараа нь далайн замаар төв эсвэл өмнөд бүсэд хүргэдэг олон дамжлага шаардлагагүй болно. Гол зорилго нь нүүрсний гарц өндөр ӨМӨЗО-ы бүсээс Шаньсид нүүрс хүргэж, цаашлаад төвийн бүсийн Хубэй, Хунан мужийг түүхий эдээр хангах юм байна. 

БНХАУ-ын анхны хүнд даацын, нүүрс тээвэрлэх төмөр зам дакюн нь 1992 онд ашиглалтад орж байсан, 653 км урттай. Энэ төмөр замаар 2018 онд 450 сая тонн тээвэрлэж байжээ. Харин шинэ төмөр замаар жилд 200 сая тонн нүүрс тээвэрлэхээр тооцоолжээ. Энэ нь Японы жилийн хэрэглээнээс ч өндөр гэсэн үг юм байна.

Б.Дашням