Өчигдөрийн УИХ, Засгийн газрын хуралдаанаар Онцгой байдлын ерөнхий газрын дарга, хошууч генерал Т.Бадралыг БНХАУ-д суух Элчин сайдаар Ерөнхийлөгчтэй зөвшилцөн томилсон. Харин өнөөдрөөс эхлэн түүний оронд томилох хүмүүсийн сунгаан яваад эхэлжээ. Үүнд, Нийслэлийн онцгой байдлын дарга, хурандаа Ж.Чүлтэмсүрэн, Нийслэлийн цагдаагийн газрын дарга, хурандаа Д.Ядамдорж, Онцгой байдлын ерөнхий газрын дэд дарга, хурандаа Б.Ууганбаяр гээд хүмүүсийн нэр яригдаж байна. Үүнээс харахад Онцгой байдлын салбарт ажиллаж байгаагүй гэдгээрээ Нийслэлийн цагдаагийн газрын дарга, хурандаа Д.Ядамдоржийг зүтгүүлэхгүй байх. Учир нь Онцгой байдлын ерөнхий газар өнөөгийн Коронавирусийн цар тахлын үед хорио цээрийг мөрдүүлэх, гамшгийн эсрэг бэлэн байдлыг хангахад чухал үүрэгтэй байгууллага. 

Мөн Гамшигаас хамгаалах тухай хуульд "Онцгой байдлын даргаар тухайн байгууллагад 10 аас доошгүй жил ажилласан, удирдах албан тушаалд таваас доошгүй жил ажилласан албан хаагчийг томилно” гэж заасан байдаг. Дээрх шалгуурт тэнцэх хүмүүсээс Нийслэлийн онцгой байдлын дарга, хурандаа Ж.Чүлтэмсүрэнгийн нэр хамгийн хүчтэй яригдаж байна. Тэрээр сүүлийн жилүүдэд монголчуудын талаас илүү хувь нь амьдардаг Нийслэлийн онцгой байдлын байгууллагыг нэр хүндтэй сайн удирдан авч яваа. Мөн коронвирусийн цар тахлын үед хорио цээрийг дэглэмийн Нийслэлд хамгийн сайн мөрдүүлж байгаа хүн юм.

Нийслэлийн онцгой байдлын дарга, хурандаа Ж.Чүлтэмсүрэнгийн товч намтарыг уншигч та бүхэн хүргэж байна.