Цаг уур, орчны шинжилгээний газраас 24-нд баруун аймгуудын нутгийн зүүн хэсэг, төвийн аймгуудын нутгийн зарим газраар, 25-нд говь болон зүүн аймгуудын нутгаар цас орж, цасан шуурга шуурч, ихэнх нутгаар хүйтний эрч чангарч, зам, даваа, гүвээнд халтиргаа гулгаа үүсэж, үзэгдэх орчин хязгаарлагдахыг анхааруулж байна.
-
Нэгдүгээр сарын 25-нд баруун аймгуудын нутгийн зүүн хэсэг, төв, зүүн болон говийн аймгуудын ихэнх нутгаар,
-
Нэгдүгээр сарын 26-нд зүүн аймгуудын ихэнх нутаг, төв болон говийн аймгуудын нутгийн зүүн хэсгээр,
-
Нэгдүгээр сарын 27-нд зүүн аймгуудын нутгийн зүүн хэсгээр,
-
Нэгдүгээр 28-нд нутгийн хойд хэсгээр цас орж, цасан шуурга шуурна.
Салхи 25, 26-нд говь, тал, хээрийн нутгаар зарим үед секундэд 16-18 метр, 28-нд нутгийн зарим газраар секундэд 14-16 метр хүрч ширүүснэ. 25-наас ихэнх нутгаар хүйтний эрч чангарч, Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө -42...-47 градус, өдөртөө -28...-33 градус, Их нууруудын хотгор, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн, Халх голын хөндийгөөр шөнөдөө -34...-39 градус, өдөртөө -22...-27 градус, говийн бүс нутгийн өмнөд хэсгээр шөнөдөө -18...-23 градус, өдөртөө -11…-16 градус, бусад нутгаар шөнөдөө -26…-31 градус, өдөртөө -16...-21 градус хүйтэн байна.
Иймд, малчид болон ард иргэдийг хөдөө орон нутаг болон хол замд гарахдаа аюулгүй байдлаа сайтар хангаж, цаг агаарын урьдчилсан мэдээллийг авч, анхаарал болгоомжтой байхыг сэрэмжүүлж байна.
Сэтгэгдэл