Scandal.mn

Уламжлалт их өр

Author: zulaa on 25-01-2016, 13:33

Орос улс их өрийн үлдэгдэл 174 сая долларыг "тэглэх” нь

More 573 0

Category: Онцлох / Нийтлэл

Шатахууны үнэ яагаад буурахгүй байгааг МАН-аас бас асуу

2016/01/25

Шатахууны үнэ яагаад буурахгүй байгааг МАН-аас бас асуу

Author: namuunaa on 25-01-2016, 11:42

Өнгөрсөн баасан гаригт УИХ-ын чуулганы хуралдаанд Уул уурхайн сайд Р.Жигжид мэдээлэл хийлээ. Энэ үеэр УИХ дахь МАН-ын бүлгийн дарга Д.Бямбацогт түүнийг нэлээн ээрүүлдэж

More 602 0

Category: Онцлох / Технологи / Нийтлэл

Р.Амаржаргал Ч.Сайханбилэгийг огцруулах саналаасаа татгалзжээ

2016/01/20

Р.Амаржаргал Ч.Сайханбилэгийг огцруулах саналаасаа татгалзжээ

Author: namuunaa on 20-01-2016, 14:09

More 582 0

Category: Нийтлэл / Улс төр

Засаг унах уу, үлдэх үү?

Author: namuunaa on 20-01-2016, 11:53

УИХ-ын гишүүн Г.Уянга, Х.Болорчулуун нар өчигдөр ерөнхий сайд Ч.Сайханбилэгийг огцруулах саналаа өргөн барилаа. Өнгөрсөн хавраас хойш яригдсан ч гишүүдийн гарын үсэг бүрдээгүйн улмаас хүлээгд

More 764 0

Category: Онцлох / Нийтлэл

Хот 22 мандаттай болох уу

Author: namuunaa on 19-01-2016, 10:40

More 847 0

Category: Гол мэдээ / Нийтлэл

Өнөөдөр Монгол шиг задгай, иргэдийнхээ ухамсар сэтгэхүйг хамгаалалтгүй орхисон улс орон тун цөөн.
Эргэн тойронд дэлхий ертөнцөд хүйтэн дайн эхэлж хажуугаар нь мэдээллийн экспанс, АРДЧИЛАЛ нэрийн доор колоничлол улам бүр голомтлон өргөжиж идэвхжиж байгааг бид анзаарах ёстой.
Эзэн Чингис хаан "Сэтгэлийг эзэмдвээс бие хааш одох” гэж сургасан нь чухамхүү энэ мэдээллийн дайны тухай, хүний мөн чанарын тухай өгүүлсэн хэрэг.
Гадаадын бүх мэдээлэл, суртал нэвтрүүлэг, сурталчилгааг тархиндаа шүүлтүүргүй нэвчээж байгаа Монголчууд дээрээс нь нэмээд дотоодын хэвлэл мэдээллийн байгууллагууддаа гадны хөрөнгө оруулалтыг задгай оруулж байна. Нөгөө талаас хэвлэлийн эрх чөлөөг эрх баригчдаас эрчимтэй хумихын зэрэгцээ хэвлэл мэдээллийн байгууллагууд улам бүр олигархжсан, улс төр-санхүүгийн бүлэглэл том компаниудын санхүүжилтэд дулдуйдсан, гадаадын компанийн санхүүжүүжилтээс хараат байдалд орчихоод байна.
Мэдээлэл мэдлэг өгөхөөс илүүтэй нөлөөлөл болсон байна.
Хүн төрөлхтөн түүхэн туршдаа солилцсон бүх мэдээлэлтэй тэнцэхүйц мэдээллийг ердөө сүүлийн таван жилд солилцсон гэсэн тооцоо байна. Мэдээллийн хаалт хориггүй, замбараагүй, буруу нөлөөлөлтэй урсгал Монголчуудыг "Манкурт боол” болгон хувиргажээ.
Манкурт боолыг яаж бий болгодог вэ? Олзны хүний үсийг хусаад дөнгөж алсан хонины ширээр орооход хонины үс дотогшоо ургаж хүний тархийг нэвт торлон хэрдэг гэдэг. Ийм боол эзнийхээ тушаалыг биелүүлдэг, өөрийн ухамсаргүй, хүн биш, амьд бараа болдог.
Яг үүн шиг өнөөгийн Монголчуудын тархи руу үй олон мэдээлэл яг хонины ноос мэт шурган орж, өөрийн бодолгүй, өөрийн үнэт зүйл, үзэл санаагүй Манкуурт боол болгон хувиргаж байна. Тиймээс энэ салбарт хамгийн түрүүнд хийх ёстой зүйл бол гадаадын хөрөнгө оруулалтыг хязгаарлах.
Харийн шашин сурталчилдаг, цагаан хоол сурталчилдаг, хятадын, солонгосын, америкийн бас хаанах нь тодорхойгүй эзэнтэй олон телевиз хэтэрхий чөлөөтэй, ямарваа хяналтгүй ажиллаж байна. Англи, хятад, герман хэлээр нэвтрүүлгээ явуулдаг олон радио станцууд гаднаас биш бүр дотоодоос нэвтрүүлгээ цацаж байна.
Бүх мэдээллийн хэрэгслийг олон нийтийн болгоё!
Хоёрдугаарт гадаадын мэдээллийн экспанс, суртал нэвтрүүлгээс гадна дотоодын манипуляц, мэдээллийн төөрөгдүүлэлт хийж, бодит бус мэдээлэл дамжуулдаг, хэсэг бүлгийн эрх ашигт үйлчилдэг хэвлэл мэдээллийн хэрэгслийг хориглож цөөнхийн эрх мэдлээс салгах шаардлагатай болсон байна. Мөнгөтэй л бол дуртай хүн хэвлэл мэдээллийн хэрэгслийг төдийгүй мэдээллийг нь өмчилдөг, олон нийт ямар мэдээлэл авах эрхтэй эрхгүйг шийддэг, сэтгүүлч ямар мэдээллийг яаж олон нийтэд хүргэхийг зааварладаг, өөр өөрийн дураар монгол хүний оюун тархинд шууд халдаж болдог эрх чөлөө нэртэй боолчлолыг халах шаардлага монгол үндэстний өмнө амин тулгарч байна.
Хэвлэлийн салбарыг либералчлах, хэвлэлийн эрх чөлөөг хангах зүй боловч үүгээр халхавчлан гадаад дотоодын дуртай хүн хүсэл зорилгоо олон нийтэд зориуд тулган хүлээлгэсэн.
Мэдээлийн хэрэгслийг олон нийтийн өмч давамгайлсан байдлаар зохион байгуулах хэрэгтэй байна. Гадаадын суртал нэвтрүүлгийн зорилготой мэдээ мэдээллийг хатуу хянах ёстой ч дотооддоо хэвлэлийн эрх чөлөөг өргөжүүлэх, мэдээллийн урсгалыг цөөн эздийн бус олон нийтийн хяналтад шилжүүлэх, ил тод байдлыг хэвлэлээр дамжуулан улам дэлгэрүүлэх нь зүйтэй. "Харийнхан Монголд илүү эрхтэй” гэсэн нэвширсэн ойлголтыг ялангуяа мэдээллийн салбарт хамгийн түрүүнд таслан үгүй болгох ёстой.
Гаднаас мянган мянгаар нь ажилчид оруулж ирээд нэг л мэдэхэд монголчуудыг эзлэх гэж байна гэлцэж байх зуур ямар ч шүүлтүүр цензургүй мэдээлэл ямар ч хаалтгүй орж ирээд та бидний, залуу үеийнхний оюун тархийг хордуулан ховсдон эзэлж байгааг анзаарахгүй байж болохгүй.
Интернэтээс хүчирхийлэл, садар самууныг сурталчилсан сайтуудыг хаах нь эрх чөлөөг боогдуулан хааж байгаа хэрэг огтоос биш юм. Бидний тархи хогийн сав биш, мэдээлэлд ч бас үндэсний эрх ашгийн шүүлтүүрээр хандая. Арилжааны сувгуудаар залуу үеийн ёс суртахуун, оюун санаанд гаж нөлөө үзүүлэх нэвтрүүлэг гарахаас сэрэмжлэн хэвлэл мэдээллийн хэрэгслийн дэргэд олон нийтийн зөвлөл ажиллуулах шаардлагатай болоод байна.
Дахин хэлье. Энэ дайнд цэрэг эр биш хүүхэд, монголын ирээдүй үрэгдэж байна. Монгол үндэстний оюун санаа үрэгдэж байна. Ийм л учраас үндэсний эрх ашгаар засаглах засаглах хэрэгтэй байна.
Хэрэв мэдээллийн энэ дайнд л монгол үндэстний оюун санааг сүйрүүлэлгүй авч үлдэж чадах аваас бид ялах учиртай юм. Давшилт хийж чаддаггүй юмаа гэхэд ухралгүй, хамгаалж ядаж эрүүл тархитай үлдэх ёстой бус уу?
Монголчуудын гал голомт болсон 3 сая монголчуудын оюун санааг энэ дайнд алдах аваас бид Монгол Үндэстнээ, улс орноо алдана!
https://www.facebook.com/dmnegdel/photos/a.1402932456652727.1073741829.1402550363357603/1669807429965227/?type=3&theater
Share

More 543 0

Category: Нийтлэл

Баячууд хүүхдүүдээ моринд байтугай монголд ч ойртуулдаггүй

2016/01/15

Баячууд хүүхдүүдээ моринд байтугай монголд ч ойртуулдаггүй

Author: zulaa on 15-01-2016, 13:12

Өвлийн морин уралдааныг хориглоё гэж манай "Өдрийн сонин” сүүлийн 25 жил тэмцэж байна.

More 620 0

Category: Гол мэдээ / Нийтлэл

МАН, МАХН-ЫН БАЙРЫГ ХУРААХ УУ?

2016/01/13

МАН, МАХН-ЫН БАЙРЫГ ХУРААХ УУ?

Author: namuunaa on 13-01-2016, 16:43

More 501 0

Category: Нийтлэл / Улс төр

Ардчилагчид ардчиллын дархлаа руу дайрч эхэллээ

2016/01/13

Ардчилагчид ардчиллын дархлаа руу дайрч эхэллээ

Author: namuunaa on 13-01-2016, 14:19

More 675 0

Category: Онцлох / Нийтлэл

Нүүрсний үнэ өгсөх найдвар алга Монголчуудын амьдрал улам хэцүү болоход бэлэн байгаарай

2016/01/13

Нүүрсний үнэ өгсөх найдвар алга Монголчуудын амьдрал улам хэцүү болоход бэлэн байгаарай

Author: tonshuul on 13-01-2016, 12:12

Нүүрсний үнийн супер мөчлөг нэгэнт дуусгавар болж, үнэ нь "газарт унасан” тул маш олон тооны уурхайнуудын хувьд олборлолтоо цаашид үргэлжлүүлэх нь эдийн засгийн хувьд үр ашиггүй болжээ.

Нүүрсний үнэ дэлхийн зах зээл дээр эрчимтэй унаж буй энэ үед 2016 онд нийлүүлэх фьючерс хэлцлийн үнэ Европ тивд 50 доллароос доош оров. Энэ нь сүүлийн 10-15 жилийн хугацаан дахь хамгийн доод үзүүлэлт юм. Тодруулбал, Амстердам, Роттердам, Антверпен хотууд руу 2016 онд ачих нүүрсний үнэ тонн нь 49,95 доллар болж буурсан тухай Блүүмбэрг агентлаг мэдээлжээ. Өөрөөр хэлбэл, 2012 оны 10 дугаар сард үнэ 116 долларт хүрч цойлж байсан "алтан сайхан үе" ард хоцорлоо.

Өмнө нь үнийг хэт доош нь буулгахгүй байлгаж байсан гол хүчин зүйл бол сэтгэлзүйн хувьд "үнэ 50 доллароос доош унах вий” гэсэн айдас байлаа. Одоогоор үнэ хамгийн доод цэгтээ хүрч унасан мэт харагдаж байгаа боловч зарим хүчин зүйлүүдийг тооцон үзвээс цаашид ч буурах төлөвтэй байна.

Bloomberg Intelligence-ийн илтгэлд дурдсанаар, 2016 онд эрчим хүчний нүүрсний зах зээл дэх илүүдэл нөөц 118 сая тоннд хүрэхээр байгаа нь 2013 оны үзүүлэлттэй харьцуулахад 3 дахин их тоо юм.

АНУ болон Австралийн уурхайнууд олборлолт, экспортоо нэмэгдүүлэх тал дээр нэлээд ажилласан боловч Азийн орнуудад нүүрсний эрэлт урьдчилан таамаглаж байснаас доогуур түвшинд байлаа. Барууны орнууд дэлхийн дулааралтай тэмцэх үүднээс нүүрсний хэрэглээгээ хязгаарлах болов. Эдгээр хүчин зүйлийн улмаас зөвхөн АНУ-д гэхэд хэдэн зуугаар тоологдох уурхайнууд хаагдлаа.

Харин Австрали зэрэг оронд үндэсний валютын ханш унаж, хөдөлмөрийн бүтээмж нэмэгдсэнээр олборлолтын зардал буурсан учраас уурхайнууд алдагдалгүй ажилласан хэвээр байна. Энэ нь олборлолтыг бууруулах, үнийг өсгөхөд саад болж байгаа юм.

Блүүмбэрг-ийн шинжээч А.Косгроув-ын үзэж байгаагаар, үнэ 40 доллароос бууж эхлэнгүүт уурхайнууд олборлолтоо бууруулж эхлэхээр байна. Ингэснээр зарим уурхай хаагдаж, дампуурч эсвэл олборлолтоо бууруулсны дүнд 2017 он гэхэд илүүдэл нөөц 89 сая тонн болж багасах тооцоо бий. Үүний дараа л үнэ алгуур өгсөж эхлэх дүр зураг харагдаж байгаа юм. Гэтэл одоохондоо бол зөвхөн Америкийн уурхайнууд л олборлолтоо багасгаад байгаа, гэхдээ яваандаа бусад орнуудынх ч мөн адил ийм алхам хийхээс өөр аргагүйд хүрэх болов уу.

Өнгөрсөн 2015 онд дэлхийн даяарх нүүрсний хэрэглээ 2014 онтой харьцуулахад 47 сая тонноор буурсан байна. Энэ тухай Эдийн засгийн хамтын ажиллагаа, хөгжлийн байгууллагын /ОЕСД/ илтгэлд дурджээ. Уг байгууллагын илтгэлд нүүрсний хэрэглээ болон үнэ унасан шалтгаануудыг тодорхой дурдсан байна. Үүнд 1.АНУ-д занарын хийн олборлолт нэмэгдсэн, 2. нүүрс олборлолтын салбарт зардал буурсан 3. нүүрс экспортлогч гол орнуудын үндэсний валютын ханш суларсан 4. нефтийн үнэ хямдарсан 5.Хятадын эдийн засгийн өсөлт удааширсан, 6.нарны болон салхины эрчим хүч гарган авах өөрийн өртөг хямдарсан 7.уур амьсгалын өөрчлөлттэй тэмцэх бодлого хүчээ авч, нүүрснээс татгалзан, сэргээгдэх эрчим хүчийг өргөнөөр ашиглах болсон 8. хуучин цахилгаан станцууд ашиглалтаас гарсан гэх дарааллаар гол шалтгаануудыг нэрлэжээ.

Долоодахь шалтгааны тухайд цөөн тоо баримт дурдахад, сүүлийн 10 жилийн хугацаанд Европын Холбооны орнуудад нүүрсний хэрэглээ 15 хувиар, АНУ-д 17 хувиар тус тус буурсан нь дэлхийн дулаарал, уур амьсгалын өөрчлөлттэй тэмцэх зорилгоор өндөр хөгжилтэй орнуудын эрх баригчид экологийн шаардлагаа улам бүр чангатгаж буйг харуулж байна. Өөр нэгэн жишээ дурдахад, өнгөрсөн онд гэхэд хятадууд 55 ГВт /55 мянган МВт-ын/ хүчин чадал бүхий УЦС, АЦС, салхи, нарны цахилгаан станцуудыг ашиглалтад оруулжээ. Цаашдаа 2020 он гэхэд эрчим хүчний түлшний баланст нүүрсний эзлэх хэмжээг 62 хувь болгож багасгах зорилт тавьжээ. Одоогоор 70 гаруй хувьтай байгаа аж.

5 дахь шалтгааны тухайд, Хятадад барилгын салбар болон гангийн үйлдвэрлэлийн өсөлт удааширсан нь коксжих нүүрсний эрэлтийг бууруулсан билээ. Зөвхөн 2015 онд гэхэд энэ түүхий эдийн үнэ 30 хувиар унаж, дунджаар 46,85 доллар/тн болсон байна.

Хятадууд гаднаас нүүрс авахаа багасгаж, дотоод нөөц бололцоогоо бүрэн ашиглах бодлого баримтлах нь илэрхий боллоо. Олон улсын эрчим хүчний агентлагийн /IEA/ 5 жилийн прогноз-д дурдсанаар, 1999 оноос хойш анх удаа 2014 онд Хятадын нүүрсний импорт 219 сая тонн болж буурсан бол 2020 он гэхэд 128 сая тонн болж огцом багасахаар байна. Энэ бууралт нь Энэтхэг болон Зүүн Өмнөд Азийн орнуудын өсөн нэмэгдэж буй эрэлтээр нөхөгдөх боловч эдгээр хэрэглэгчдийн зах зээл хангалттай хэмжээгээр тэлэхгүй байна. Үүнээс шалтгаалан нүүрсний үнэ өмнөх үзүүлэлтдээ дахин хэзээ ч хүрэхгүй гэсэн "гутранги” дүгнэлтийг дээрх байгууллага хийжээ.

Нүүрсний зах зээлд нөлөөлж өөр нэгэн хүчин зүйл бол АНУ-д эхэлсэн занарын хувьсгалын нөлөөгөөр дэлхийн эрчим хүчний бүтцэд гүнзгий өөрчлөлт гарсан явдал юм. 2010 оноос занарын хийн олборлолт тус улсад санаанд оромгүй байдлаар огцом өссөн нь байгалийн хийн үнийг унагасны зэрэгцээ дотоодын эрчим хүчний зах зээл дээр нүүрстэй өрсөлдөх гол түүхий эд болж хувирав. Үүнээс шалтгаалан америкчууд нүүрсээ экспортлохоос аргагүйд хүрсэн бөгөөд энэ нь зах зээлийн үнийг унагахад нэрмээс боллоо.Ер нь бол, дэлхий дээр байгалийн хий, түүхий нефть, нефтийн кокс зэрэг түүхий эдийн нөөц асар ихээр хуримтлагдаад байгаа учраас нүүрсний салбар өрсөлдөөнд ялагдах тийшээ хандаж байна.

Одоогоор нүүрс олборлогчдын гол найдлага нь Энэтхэг улс болоод байгаа билээ. Олон улсын эрчим хүчний агентлагийн /IEA/ тооцоолсноор, 2020 он гэхэд тус улс дэлхий дээрх хамгийн том нүүрс импортлогч болох бөгөөд 2035 он гэхэд нүүрсний хэрэглээ нь өнөөгийнхтэй харьцуулахад хоёр дахин өснө. Нүүрсний салбар нь Энэтхэгийн эрчим хүчний баланст гол үүрэг гүйцэтгэдэг ба улс орноо үйлдвэржүүлэхэд чиглэсэн Нарендра Моди-гийн Засгийн газрын төлөвлөгөөнд чухал байр суурь эзэлдэг. World Resources Institute байгууллагын судалгаагаар, дэлхий даяар барихаар төлөвлөж буй нийт ДЦС-уудын 40 хувийг энэтхэгчүүд барихаар төлөвлөж байгаа гэнэ. Үүнтэй холбоотойгоор 2015 онд Энэтхэг улс нүүрсний хэрэглээгээ мэдэгдэхүйц нэмэгдүүлсэн, энэ онд мөн адил өсгөхөөр төлөвлөжээ. Гэсэн хэдий ч энэ нь үнийн өсөлтийг хангах хүчин зүйл болж чадахгүй байна.

Ерөнхийд нь харвал, 2016 онд зах зээлийн байдал 2015 оныхоос дээрдэхгүй нь. "Эрчим хүчний нүүрсний үнийн хувьд "хонгилын үзүүрт гэрэл ёлтойх” хүртэл 3-4 жилийн зай бий. Зах зээлд тэсч үлдэхийн тулд олборлогчид зардлаа бууруулж, бүтээмжээ дээшлүүлэхээс аргагүйд хүрнэ” гэж Рио Тинто компанийн зэс- нүүрс хариуцсан Гүйцэтгэх захирал Жан-Себастьян Жак дүгнэсэн байна.
Б.Адъяахүү

More 527 0

Category: Гол мэдээ / Нийтлэл