АН-ын ҮЗХ-ны гишүүн, Дархан-Уул аймгийн АН-ын даргаар ажиллаж байсан Эдийн засагч Л.Наранбаатар МАН-д элслээ. Тэрбээр эх орон, ард түмнийхээ төлөө хоёргүй сэтгэлээр улс төрийн сонголтоо ийн хийсэн хэмээн тайлбарлаад "Улс эх орныхоо хөгжлийг түүчээлж, ачааны хүндийг үүрсээр ирсэн 100 жилийн түүхтэй, Монголын ууган намд гишүүнээр элслээ. МАН нь тусгаар тогтнол, эрх чөлөө, шударга ёс, эв нэгдэл, улс эх орны язгуур эрх ашгийг дээдэлсэн нийгмийн ардчилал (Социал Демократ)-ын үзэл баримтлалтай нам юм. Улс төр бол багийн тоглолт" гэв.