Монгол Улсын Хөдөлмөрийн Баатар, Монгол Улсын Гавьяат Тамирчин, Мэргэжлийн сумо бөхийн 69 дэх их аварга Хакухо М.Даваажаргал 35 дахь удаагаа түрүүлэн өчигдөр эх орондоо ирлээ.

 

Түүний "Хөдөлмөрийн баатар" цол хүртсэний талархал хүндэтгэлийн баяр наадам маргааш Зуунмод хотноо эхэлнэ. Өнөөдөр бөх, морины бүртгэл явагдах юм. Наадмын үеэр хүчит 128 бөх барилдаж, их нас болон дааганы уралдаан болно.

 

Мөн түүний гэргий Саёоко Вадагийн санаачилгаар Төв аймгийн Эрүүл мэндийн газарт иж бүрэн тоноглосон түргэн тусламжийн машин бэлэглэх юм. Дашрамд дурдахад, Их аваргатай хамт мэргэжлийн сумогийн олон бөх хүрэлцэн иржээ.