Монгол Улсын Ерөнхийлөгч Х.Баттулгын захирамжаар бүрэн эрхийг нь түдгэлзүүлсэн хоёр шүүгчийг хорих 461 дүгээр ангид цагдан хорих талаар  ШШГЕГ-т мэдээлэл ирээгүй байгаа тухай бид мэдээлсэн. Тэгвэл сая ирсэн мэдээллээр Чингэлтэй дүүргийн Эрүүгийн хэргийн анхан шатны шүүхээс шүүгчдийг цагдан хорих арга хэмжээ авахаар болжээ. Шүүгчдийн тухайд хэн гэдэг нь тодорхойгүй байгаа гэдгийг хэлэв. Одоогоор Сонгинохайрхан дүүргийн Иргэний хэргийн анхан шатны шүүхийн Ерөнхий шүүгч Б.Цолмонбаатар, Захиргааны хэргийн давж заалдах шатны шүүгч Э.Халиунбаяр нарыг хорьсон гэдэг мэдээлэл тараад байгаа юм.