Дорнод аймгийн Матад суманд "Петро Матад" компанийн хууль бусаар эзэмшиж байсан газрыг чөлөөлүүлэх шийдвэрийг Дорнод аймгийн Засаг дарга өнгөрсөн аравдугаар сарын долоонд гаргажээ. Гэтэл "Петро Матад" компани уг захирамжийг биелүүлэхээс татгалзаж Захиргааны хэргийн шүүхэд хандсан юм байна. Дорнод аймгийн Захиргааны хэргийн шүүх уг нэхэмжлэлийг хэлэлцээд газар чөлөөлөх захирамжийг хүчингүй болгох шаардлагагүй гэж үзжээ. Тиймээс "Петро Матад" ХХК-ийн хууль зөрчин ашиглаж буй газрыг чөлөөлөхгүй бол нутгийн захиргааны байгууллагаас албадан чөлөөлүүлэх ажиллагаа хийх юм байна.

Эх сурвалж: eagle.mn