"Миний бие Монгол улсын Ерөнхийлөгчийн Япон улс хариуцсан биет төлөөлөгчөөс өөрийн хүсэлтээр чөлөөлөгдөж байгааг үүгээр мэдэгдэж байна" хэмээн Асашёрюү Д.Дагвадорж аварга жиргэжээ. 

Ерөнхийлөгч Х.Баттулга 2017 оны наймдугаар сард захирамж гаргаж Хөдөлмөрийн баатар, гавьяат тамирчин Д.Дагвадоржийг бие төлөөлөгчөөрөө томилсоноо зарласан. Ингэхдээ түүнийг Монгол Улс, Япон Улсын хамтын ажиллагааны асуудал хариуцсан бие төлөөлөгчөөр нэг жилийн хугацаатай томилсугай хэмээн зарлигдсан байдаг юм. 

Дараа нь түүний нэр Ерөнхийлөгчийн охинтой хүртэл холбогдож байсан удаатай. Гэвч тухайн үед энэ мэдээг нэлээд бухимдангуй үгүйсгэсэн.

Харин энэ удаад Аса аварга ийнхүү үүрэгт ажлаасаа чөлөөлөгдсөн гэдгээ мэдэгдлээ.

Ажлаас чөлөөлөгдсөн шалтгаанаа "ковид" гэж тайлбарласан байна.

Мөн өнгөрсөн хугацаанд тэрээр үүрэгт ажлынхаа хүрээнд танилын халуун царайгаа багагүй ашигласан гэхээс өөр тодорхой хариулт өгөөгүй түүнийг "дарга болох уу" гэдэг хардлага давхар явж харагдана лээ. 

Сонирхуулахад, түүнийг өнгөрөгч дөрөвдүгээр сарын 3-ны өдрийн Токио-Улаанбаатар чиглэлийн тусгай онгоцоор Японоос ирэхэд нь Корпорейт зочид буудалд бус ХӨСҮТ-д тусгаарлалаа гэж багагүй хэл ам татлаад авсан билээ.