"Энхсаран” сувиллын газарт 21 хоног тусгаарлагдаж гараад, гэртээ хариад дөрөв хоносон олон улсын ачаа тээврийн жолооч болон гэр бүлийнх нь хүнээс коронавирусийн халдвар илэрснээр манай улс халдварыг дотооддоо алдаж, нөхцөл байдал хүндэрсээр байна.

Жолоочийн явсан маршрутыг тогтооход "UB palace” концертын танхимд эхнэр болон дүүгийн хамтаар тоглолт үзсэн нь тогтоосон билээ. Улмаар эхнэрийнх нь явсан маршрутыг тогтооход 3,4-р хорооллын "Дүүхээ” худалдааны төвөөр үйлчлүүлжээ. Иймээс "Дүүхээ” төвийн үйл ажиллагааг энэ сарын 11-нд түр хугацаагаар зогсоосон юм.

Тэгвэл эх сурвалжийн мэдээлснээр "Дүүхээ” төвийн гутлын тасгийн гурван ажилтныг тусгаарласан байна. Тус халдвартай жолоочийн эхнэр "Дүүхээ” төвийн гутлын тасгаар үйлчлүүлсэн нь маршрутаар тогтоогдсон юм.