"Өчигдөр шинээр илэрсэн тохиолдлуудаас хавдартай иргэний биеийн байдал маш хүнд байна"

2021/01/14 12:01

"Өчигдөр шинээр илэрсэн тохиолдлуудаас хавдартай иргэний биеийн байдал маш хүнд байна" 

Коронавирусийн халдвар аваад эмчлэгдэж байгаа хүмүүсийн биеийн байдлын талаар ХӨСҮТ-ийн Тандалт, судалгааны албаны дарга А.Амбасэлмаа мэдээлэв.

 

Тэрбээр "Өнгөрсөн 24 цагийн хугацаанд ХӨСҮТ-өөс 16 хүн эмчлэгдэж, дараагийн шатны ажиглалт руу буюу Хан-Уул дүүргийн 300 ортой эмнэлэг рүү шилжлээ.

Өнөөдрийн байдлаар нийт 559 хүн эмчилгээнд байгаа. Тодруулбал,

ХӨСҮТ-д 244 хүн эмчлэгдэж байгаагаас,

  • Хөнгөн-184
  • Хүндэвтэр-53
  • Хүнд-6
  • Маш хүнд-1 хүн байна. Маш хүнд байгаа нэг иргэн нь хавдрын оноштой бөгөөд коронавирусийн халдварт өртсөн нь өчигдөр батлагдаж, ХӨСҮТ-д ирсэн бөгөөд одоогоор эрчимт эмчилгээний тасагт маш хүнд байдалтай байна.

Цэргийн төв эмнэлэгт-175 хүн эмчилгээнд байгаагаас,

  • Хөнгөн-134
  • Хүндэвтэр-34
  • Хүнд-6
  • Маш хүнд-1 хүн байна.

Хан-Уул дүүргийн 300 ортой эмнэлэгт 140 хүн байгаа бөгөөд бүгдийнх нь биеийн байдал хөнгөн байна" гэв.

Холбоотой мэдээ

Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.