Д.Жигжиднямаа өргөдлөө өгч Г.Сэрээнэндоржийн зөвшилцөх бичиг Москва руу явжээ

Улаанбаатар төмөр зам /УБТЗ/ ХНН-ийн дарга Д.Жигжиднямаа гадаадад урт хугацаанд эмчлүүлэх шаардлагатай болсон тул, албан тушаалаасаа чөлөөлөгдөх өргөдлөө энэ долоо хоногт гаргасан гэх мэдээлэл байна.

Учир нь тэрээр эрүүл мэндийн шалтгааны улмаас олон сарын өмнөөс Герман улсыг зорьсон гэх бөгөөд, түүнийг ийнхүү эзгүй хойгуур, УБТЗ ХНН нэгдсэн удирдлагаар дутагдаж зарим өртөөнд гарсан вагоны осол ч үүнтэй холбоотой байж болзошгүй гэх эх сурвалжуудын мэдээлэл байгаа юм. Иймд түүний оронд өмнө нь УБТЗ-ийн даргын үүрэг гүйцэтгэгч асан Г.Сэрээнэндоржийг томилуулахаар Зам тээвэр, хөгжлийн сайд Л.Халтар ОХУ руу зөвшилцөх бичиг явуулсан байж болзошгүй гэх мэдээлэл байна. Учир нь, УБТЗ ХНН-ийг ОХУ, Монгол Улсын Засгийн газрууд хувь тэнцүү эзэмшдэг юм.

Г.СЭРЭЭНЭНДОРЖ НЬ УБТЗ ХНН-Т БАЙХДАА АЛБАН ТУШААЛЫН БАЙДЛАА ХЭТРҮҮЛСЭН ХЭРЭГТ АТГ-Д ШАЛГАГДАЖ БАЙВ УУ

Гэтэл 2012 онд Зам тээврийн сайдаар А.Гансүхийг ажиллаж байх үед xУБТЗ ХНН-ын даргын үүрэг гүйцэтгэгчээр тус нийгэмлэгийн ерөнхий инженерээр ажиллаж байсан Г.Сэрээнэндоржийг томилсон байдаг. АН-ын гишүүн бөгөөд 100% одоогийн ерөнхийлөгч Х.Баттулгын хүн юм. Ийм ч учраас МАН-ын гишүүдийг ажлаас нь халах явдал элбэг байсан бөгөөд МАН-ын үед УБТЗ-ын даргаар томилогдох лобби яригдаж байгаа нь шууд ганцхан Сэрээнэнгийн хийчихдэг ажил биш бөгөөд үүнд Ерөнхийлөгчийн лобби байгаа гэдэгт эргэлзэх зүйлгүй байна. Харин Г.Сэрээнэндоржийн хувьд УБТЗ ХНН-ийн даргын үүрэг гүйцэтгэгчээр ажиллаж байхдаа тус нийгэмлэгээс Жаст групп-т төлөх өглөгийн хэмжээнд дүйцсэн вексель буюу 4 сая ам.долларын векселийг 2013 оны хоёрдугаар сарын 18-нд бичиж өгсөн хэрэг АТГ-т шалгагдаж байсан юм. Харин АТГ-ын Мөрдөн шалгах хэлтсээс Г.Сэрээнэндоржийг сэжигтнээр тооцох тогтоол 2015 оны нэгдүгээр сарын 27-нд гарч, тэрээр өөрөө гарын үсэг зурж зөвшөөрсөн гэдэг. Мөн дээрх ажлыг хийж байхдаа албан тушаалаа урвуулан хөрөнгө завшсан байж болзошгүй гэх хэрэгт Г.Сэрээнэндоржийг буруутгасан байдаг. Тодруулбал, дур мэдэн УБТЗ нийгэмлэгт 800 сая төгрөгөөр зүтгүүр худалдаж авсан. Ингэхдээ албан тушаалын байдлаа урвуулан ашиглаж, өөрт ашигтай байдлаар сонголт хийн, хувьдаа их хэмжээний мөнгө завшсан байж болзошгүй. Уг зүтгүүр нь тээвэрт ашиглах боломжгүй, зөвхөн вагонуудыг сэлгэж залгахад ашиглаж болох зүтгүүр байсан гэх мэдээлэл байдаг.

Г.СЭРЭЭНЭНДОРЖ 1 ЖИЛ ХОРИХ ЯЛААР ШИЙТГҮҮЛЖ, ӨРШӨӨГДӨЖ БАЙВ УУ

2017 оны гуравдугаар сард Баянгол дүүргийн Эрүүгийн хэргийн анхан шатны шүүхээс дараах шийдвэрийг гаргасан байж болзошгүй байна. Эрүүгийн хуулийн ерөнхий ангийн 77 дугаар зүйлийн 77.1, Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай Монгол Улсын 2015 оны 08 дугаар сарын 11-ний өдрийн хуулийн 4 дүгээр зүйлийн 4.1-д зааснаар Г.Сэрээнэндоржид Эрүүгийн хуулийн тусгай ангийн 266 дугаар зүйлийн 266.2-т зааснаар оногдуулсан тодорхой албан тушаал эрхлэх эрхийг 02 жил хүртэл хугацаагаар хасч, 1 /нэг/ жил хорих ялыг өршөөн хэлтрүүлсүгэй зэрэг шийдвэрийг анхан шатны шүүхээс гаргаж байжээ. Иймд анхан шатны шүүхийн шийдвэрийг эсэргүүцэж давж заалдах шатны шүүхэд гомдол гаргахад Анхан шатны шүүхийн шийтгэх тогтоолыг хэвээр үлдээж шийдвэрлэв" гэжээ.

Сонирхуулахад Эрдэнэт үйлдвэр, УБТЗ ХНН зэрэг манай томоохон байгууллагуудын удирдлагыг томилохдоо салбарын сайд нь дур шийддэггүй гэлцдэг. Учир нь тус томилгоог төрийн томчууд болох Ерөнхийлөгч, Ерөнхий сайд нар зөвшилцөж, тохирч шийддэг байхыг үгүйсгэхгүй. Иймд УБТЗ ХНН-ийн даргад Г.Сэрээнэндоржийг томилохоор зөвшилцөх саналыг ОХУ-руу илгээсэн нь төрийн өндөрлөгүүд тус томилгоог тохирсон байхыг үгүйсгэхгүй юм. Нөгөөтэй Г.Сэрээнэндоржийг тус албан тушаалд ОХУ-ын тал зөвшөөрсөн ч, түүний ашиг сонирхлын зөрчлийг АТГ-аас хянаж үзээд, өмнө нь ял шийтгэл авч байсан тул, тус албанд тохирохгүй гэж шийдвэрлэж магадгүй юм.

Эх сувалж : iSEE.mn

Холбоотой мэдээ

Сэтгэгдэл Cancel reply