Баянзүрх дүүргийн 26 дугаар хорооны нутаг дэвсгэрт байрлах “Дүнжингарав” худалдааны төвийн замд 2024 оны нэгдүгээр сарын 23-наас 24-нд шилжих шөнө гарсан ослын улмаас ГССҮТ-д 90-95 хувийн түлэгдэлтэй эмчлүүлж байсан иргэн Б өнөөдөр 2024.01.31/ 10:30 цагт нас баржээ.

Ингэснээр галын ослоос үүдэлтэй түлэгдэж, гэмтсэн хоёр иргэн эмнэлгийн тусламж үйлчилгээ авах явцдаа нас барсан тохиолдол боллоо.

Одоогоор 4 хүн хүнд, Түлэнхийн тасагт эмчлүүлж байсан 1 хүн эмнэлгээс гарсан, 3 хүний биеийн байдал тогтвортой,  БЗДЭМТ-д эмчлүүлж байсан 2 хүн эмнэлгээс гарсан, 1 хүний биеийн байдал тогтвортой, Цэргийн төв эмнэлэгт эмчлүүлж байсан 1 хүн эмнэлгээс гарсан. Эмчлүүлж байгаа 8 хүний биеийн байдал тогтвортой, эмчилгээ үргэлжлэн хийгдэж байна.

Нэмж мэдээлэхэд тус галын хэрэгт ажлын хэсэг байгуулсан. Ажлын хэсэгт Нийслэл, Тээвэр, дүүргийн прокурорын газрын 4 прокурор, цагдаагийн байгууллагын 115 мөрдөгч багтаж, шалгалтын ажиллагааг явуулахаар болсон байна.