Энэ өдрийн зурхай /2017.11.15/


Энэ өдрийн зурхай /2017.11.15/

 

Өнөөдөр аргын тооллын 2017 оны аравнэгдүгээр сарын 15. Лхагва гараг. Билгийн тооллын XVII жарны "Алтан унжлагат" хэмээгч Гал тахиа жилийн Намрын адаг цагаан нохой сарын 27. Буд гараг. Тугчин одтой, долоон улаан мэнгэтэй, улаан морь өдөр.

                          Барилдлага: Үл зохилдох 
                          Шүтэн барилдлага: Өтлөх үхэхүй
                          Суудал: Төмөр         

Өдрийн наран 8 цаг 05 минутад мандан, 17 цаг 18 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн хэмээжээ.

Үс шинээр үргээлгэх буюу засуулбал өлзийтэй сайн...

* * *ӨРНИЙН ЗУРХАЙ * * *


ХОНЬ (3/21-4/19)

Үйл ажиллагаандаа дүн шинжилгээ хийж, тунгаан бодоход таатай өдөр. Ёс суртахууны асуудалд анхаарлаа төвлөрүүлж үйл ажиллагаанаасаа эрхэм дээд сэтгэлийн тайлбар олохоор тэмүүлнэ. Амьдралыг хааяа ч гэсэн зоосны нүхээр харахгүй байх нь зөв бясалгал болно.


ҮХЭР (4/20-5/20)

Хянагдах аргагүй эрч хүчтэй ид шидийн гэмээр өдөр. Сэтгэл зүйгээ дайчилж байнга өөрчлөгдөх зан авиртай байна. Өнөөдөр ямар ч амлалт бүү өг. Гэрээ хэлэлцээрээ бүү зөрч. Хоосон амлалт үүргээс зайлсхийхийг од эрхэс танд зөвлөж байна.


ХАМТАТГАХ (5/21-6/21)

Бодож байснаас маш сүрхий зөрчил үүсч болзошгүй. Хувийн эрх чөлөөгөө хадгалж үлдэхийн тулд гэр бүлийн харьцаагаа бүү муутга. Хээнцэр зүйл сонирхон жижиг сажиг зүйлд их мөнгө үрэх хэрэггүй.

 


 МЭЛХИЙ  (6/22-7/22)   

Хариуцлагатай өдөр. Та өнгөрсөн үеэ анхааралтай ажигладаг. Сэтгэл санаагаа өөдрөг байлгаж, өөрчлөлт шинэчлэлт хий. Гэр орны цэмцгэр тохилог байдал чухал. Гэр бүлийнхэндээ бүгдэд нь бэлэг гардуул. Сүмд очихыг зөвлөж байна.


АРСЛАН (7/23-8/22)   

Сарын дундуур таны төлөвлөгөө гэнэт өөрчлөгдөж болзошгүй. Та улсын шинж чанартай эсвэл гадаадын хөрөнгө оруулалттай холбоотой чухал даалгавар авч магадгүй. Ихээхэн ачаалалтай, шуурга мэт ажиллах болно. Зөвхөн найдвартай хариуцлагатай түншүүдтэй гэрээ хэлцэл байгуул.


ОХИН (8/23-9/22)

Өөрийн хүсэл зоригийг хязгаарлахгүй хөнгөн хийсвэр загнаснаасаа болж бүсгүйчүүл сэтгэлтэй хүнтэйгээ муудалцана. Харин эрчүүд бүсгүйдээ илүү дотно хандах хэрэгтэй. Та хоёрын хооронд гарч буй зөрчил таны бүрэг, нэрэлхүү зангаас болно.


ЖИНЛҮҮР (9/23-10/22)   

Олон санаа бодлоос өөрт хэрэгтэйг оновчтой сонгох нь хялбар биш. Үр ашиггүй эхлэлээс болж бүх хүчээ алдаж болно. Маш нарийн тооцоотой бай. Ажил хэргээ дотны хэн нэгнээс бусдад бүү мэдэгд. Бизнест шийдвэртэй алхам хийх цаг хараахан болоогүй байна.


ХИЛЭНЦ (10/23-11/21)   

Дотоод нөөц бололцоогоо нээн илрүүлж өөрийгөө ялах өдөр. Уулыг эргүүлж усыг урсгах хүчтэй мэт танд санагдана. Элдэв саад бэрхшээлээс бүү болгоомжил. Өнөөдөр хувь заяа танд хамгийн зоригтой, шийдэмгий алхам хийж эрс шийдвэр гаргахад туслана.


НУМ (11/22-12/21)

Энэ өдрийн үйл явдлууд ямар нэгэн байдлаар санхүүтэй холбоотой байна. Хэн нэгэн нь өв залгамжлах тухай мэдээ авна. Нөгөө нэг нь мөнгөө ашигтай хөрөнгө оруулах хувилбар олно. Санхүүгийн асуудалд эрсдэл бүү гарга.


МАТАР (12/22-1/19)

Та даргатай харилцах аз дайрна. Тэр бүх хүчээ дайчлан ажилладаг ба бусдаас ч мөн тийм байдлыг шаарддаг. Тэр таны ажил хэргийнхээ амжилтад үргэлж итгэдэг. Түүний гавъяаг магтаж, эрч хүчээр нь бахарх. Та хамгийн өндөр цалинтай ажилтнуудын нэг байх болно.


ХУМХ (1/20-2/18)

Энэ өдөр багагүй алдаа гаргана. Болж өгвөл алдаагаа тэр даруй засаарай. Та өнөөдөр уурлах бухимдах хэрэггүй. Бүх юм сайнаар эргэнэ. Хөндлөнгийн хүмүүсийн зэвүү дургүй хүргэсэн үйлдлүүдэд хариу бүү өг. Стресст орохоос сэрэмжил. Тайвширч, сайтар унтаж авахыг танд зөвлөе.


ЗАГАС (2/19-3/20)

Гадаад түншүүдтэй тогтоосон харьцаа мэргэжлийн хүрээнд амжилтад хүргэнэ. Зээл хөрөнгө оруулалт бүтэлтэй байх боловч нэр хүнд бүхий хүмүүс, ялангуяа алс буй хүмүүс таныг хууран мэхлэхийг оролдоно. Өнөөдөр хүний хөл ихтэй газраас хол байж олон нийтийн арга хэмжээнд оролцох хэрэггүй. Олуулаа хэлэлцэн шуугиж байснаас ямар нэгэн асуудал дээр ганцаараа төвлөрөх хэрэгтэй.



Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.