Scandal.mn

Х.Баттулга Есөн хөлт цагаан туганд хүндэтгэл үзүүллээ

2018/02/16

Х.Баттулга Есөн хөлт цагаан туганд хүндэтгэл үзүүллээ

Author: saikhnaa on 16-02-2018, 16:42

XVII жарны "Тийн унжлагат” хэмээх Шороон нохой жилийн хаврын тэргүүн сарын шинийн нэгний өглөө 09:00 цагт Монгол Улсын Ерөнхийлөгч Х.Баттулга Монгол Улсын төр өнө мөнхөд мандан бадарч, төр улс, түмэн олон амар төвшин аж төрөхийн бэлгэдэл болсон Төрийн есөн хөлт цагаан туганд хүндэтгэл үзүүллээ.

Үүний дараа УИХ-ын дарга М.Энхболд, Монгол Улсын Ерөнхий сайд У.Хүрэлсүх нар алд цэнхэр хадаг дэлгэн Төрийн тэргүүний амар мэндийг эрэн золгож, хөөрөг зөрүүлэн мэнд мэдэлцэж, налгар хавартай золгож байгаа талаар ярилцлаа.

Төрийн золголтын дараа Ардын жүжигчин, Монгол Улсын Соёлын гавьяат зүтгэлтэн ерөөлч, магтаалч Ц.Цэрэндорж төрийн хан хуурын хөг аялгууг тааруулж, хан хуурыг эгшиглүүлэн тухайн жилийн жаврыг үргээх ёслол үйлдлээ.

Ардын жүжигчин, Монгол Улсын Соёлын гавьяат зүтгэлтэн ерөөлч, магтаалч Ц.Цэрэндорж Хан хуурын эгшиг дор аялгуулан хэлсэн магтаалдаа:

"Хан хуураа цэнгүүлэн баясуулъя.

Хайрт эх орон, эрхт түмэндээ дуурсгая.

Зэ хө, төгөлдөр Монгол орныхоо

Төрийн магтаалыг аялгуулан айлтгая.

Эх орон тусгаар тогтнолоо

Эрхэм төрөө, тамга, сүлдээ

Алтан соёмбот далбаагаа

Агуу жавхлант төрийн сүлдээ

Эцэг тэнгэр, эх газартаа

Эзэн их Чингис хаандаа

Есөн цагаан тугандаа

Сүслэн дээдэлж даатгая.

Ашид мөнхийн Нууц товчоогоо

Аялгуу эгшиглэнт хан хуураа

Хайрлан сахидаг Үндсэн хуулиа

Хар сүлд, Төрийн ордноо

Эцэг тэнгэр, эх газартаа

Эзэн их Чингис хаандаа

Есөн цагаан тугандаа

Сүслэн дээдэлж даатгая.

Ханат Монгол, хагаан Чингисээ биширтүгэй.

Өрхт Монгол өрнөн дэвжсээр хөгжтүгэй.

Эзэн түмэн эв эетэй амгалан байтугай.

Эрэлхэг Монгол мөнх тэнгэрийн хүчин дор мандан бадартугай” хэмээн ерөөж гурвантаа уухайлав. Төрийн өндөрлөгүүд хан хуурын хөг эгшиг сайхан зохирч, цээл сайхан дуугарч байгаад бэлгэшээж байна гэлээ.

Үүний дараа Монголын бурхан шашинтны төв Гандантэгчэнлин хийдийн тэргүүн хамба лам, гавж Д.Чойжамц, Дашчойлин хийдийн тэргүүн хамба Ч.Дамбажав нар Төрийн хүндэтгэлийн өргөө гэрт морилон ирж Монгол Улсын Ерөнхийлөгч, УИХ-ын дарга, Монгол Улсын Ерөнхий сайд нарт бараалхан золгож, ирж буй шороон нохой жилийн өнгийг хэлэлцэв.

Төрийн золголт дууссаны дараа Монгол Улсын Ерөнхийлөгч Х.Баттулга Төрийн есөн хөлт цагаан тугны өмнө хүрэлцэн ирж:

"Ирж буй шороон нохой жилд иргэдийн аж амьдрал өөдлөн дээшлэх сайхан жил болоосой. Та бүхэн Сар шинэдээ сайхан шинэлээрэй” гэв.

More 287 0

Category: Онцлох / Нийгэм

Нийслэлийн иргэдээ даатган хотын удирдлагууд мандал өргөлөө

2018/02/16

Нийслэлийн иргэдээ даатган хотын удирдлагууд мандал өргөлөө

Author: tonshuul on 16-02-2018, 12:11

Жил бүрийн сар шинийн баяраар нийслэлийн иргэдийнхээ ирэх жилийн заяа буян, хийморь лундааг даатган ном айлдуулж, мандал өргүүлдэг уламжлалтай. Энэхүү уламжлал, ёсын дагуу тахиа жилийн өвлийн адаг сарын битүүний өдөр Нийслэлийн Иргэдийн төлөөлөгчдийн хурлын дарга С.Амарсайхан, нийслэлийн Засаг дарга бөгөөд Улаанбаатар хотын захирагч С.Батболд болон хотын удирдлагууд Гандантэгчэнлин хийдэд Гүсэн түгийн мандал өргөж, ирэх цагийн сайн сайхан бүхнийг нийслэлийн иргэддээ ерөөн, ирж буй тийн унжлагат хэмээх шороон нохой жилдээ хийх аливаа үйл хэрэг, ажил үйлсийг нь даатган ном хурууллаа. Мөн нийслэлийн Засаг даргын орлогч П.Баярхүү, Ш.Анхмаа, Д.Энхтөр нар Дамбадаржаа, Мамба дацан, Дашчойлан, Түвдэнпэлжээлин хийдүүдэд нэгэн зэрэг мандал өргөв.

Гүсэн түгийн мандал гэдэг нь бие, хэл, сэтгэлээр үйлдсэн нүгэл хилэнцийг ариусгах, санасан ажил хэрэг нь сэтгэлчлэн бүтэхийн тухайд бурханы лагшин зарлиг, таалалд мандал өргөдөг зан үйл юм.

Мандал өргөх ёс нь одоо, ирээдүй гурван цагийн буянаа туулсан бодийн угт зориулан өргөж буй зан үйл юм. Ямарваа буянт үйл үйлдсэнийхээ дараа уг буянаа Бурхан, бодьсадва нарын буянд зориулан өргөдөг ёстой. Буяны үйл нь цувирч барагддаг буян, цувирч барагддаггүй буян гэж байдаг. Бурхан, бодьсадва нарын буян нь цувирч барагддаггүй буян учраас үйлдсэн буянаа тэдэнд зориулбал барагдахгүй бөгөөд улам арвидаж байдаг гэж үздэг тул буяны үйл үйлдсэнийхээ дараа заавал зориулга, ерөөл, гүйцэтгэдэг ёстой аж хэмээн нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

More 313 0

Category: Онцлох / Улс төр / Нийгэм

Хөөрөг зөрүүлэн мэндлэх ёсон

2018/02/15

Хөөрөг зөрүүлэн мэндлэх ёсон

Author: saikhnaa on 15-02-2018, 17:35

Цагаан сар бол Монгол түмний хүндэтгэл бахархлын их баяр байдаг. Энэхүү баяраар Монголчууд эхлээд ахмад настнуудынхаа амарыг эрж золгож мэндэлчхээд суудалд сууж хөөргөө зөрүүлж
-Сар шинэдээ сайхан шинэлж байна уу?
-Таны бие лагшин тунгалаг уу?
-Даага далантай, бяруу булчинтай, Сүрэг мал онд мэнд тарган тавтай оров уу?
хэмээн хөөргөө харилцан солилцож тамхилж мэндээ мэдэлцдэг.

Монголын ард түмэн хөөрөг, гаанс эд өлгийн дурсгалт үнэт зүйлийг хэрэглэн эрт дээр үеэс өнөө үе хүртэл сайн сайхан санааг асууж амар мэндээ мэдэлцэж хөөрөг зөрүүлэн тамхилж ирсэн заншилтай. Мэндлэх гэдэг бол хүндлэх болон ёс зүйт хүний сэтгэлээр элгэмсэг хандаж байгаагаа илэрхийлэх жинхэнэ Монгол үндэсний нэг илэрхийлэл юм. Монголчууд хөөргөөр тамхилахдаа ярилцаж ойлголцдог ар түмэн билээ.

Хөөрөг зөрүүлж мэндлэхдээ хөөрөгнийхөө толгойг султгаж тус тусынхаа хөөргөө алгандаа барьж бөөр бөөрөөр нь харилцан зөрүүлж золгодог. Хөөрөгтэй тамхийг авч хамартаа хүргэн үнэрлээд буцаан солилцдог. Энэ бол харилцан бие биенээ хүндэтгэсэн нөхөрсөг харилцааны илэрхийлэл болдог ажээ.

Монголчууд дунд ихэд дэлгэрсэн мэндчилгээний нэг хэлбэр нь хөөрөг солилцон мэндчилэх ёс юм. Хөөрөг солилцох ёс бол ирсэн угтсан бүгдээрээ эв найртай халуун дотноор бие биедээ хандаж буй дохио илрэл юм.

Ирсэн зочин гэрт орж суусны дараа гэрийн эзэнтэй хөөргөөр тамхилах эртний ёсыг баримтлан хөөрөг солилцон мэндэлдэг. Хөөргийг "Тамхилдаг заяатай шар”, "Мэндийн шар”, "Мэнд сайхны тамхи” хэмээн нэрлэж эрэгтэйчүүд биедээ авч аван тамхилж хөөрөг зөрүүлэн мэндчилдэг ёстой.
Монголчуудын эртний уламжлалт хөөрөг солилцон тамхилах ёсыг хөөрөг зөрүүлэх, хөөрөг тамхи барих, хөөрөг солилцох, хөөргөөр тамхилах гэх зэргээр нэрлэж иржээ.

Мэндлэхдээ ахмад буюу төрийн хүндэт хүнд эхэлж мэндчилж тамхилна. Настан буурал, хүндэт зочныг суудлаа эзэлсний дараа дүүмэд хүн хөөргөө гараараа өргөн биеэ бага зэрэг мэхийсхийн барьдаг.

Нөгөө хүн ч энэ үед өөринхөө хөөргийг даалингаасаа гаргаж баруун гараараа өгөхөд дүүмэд хүн нь хоёр гараараа тосон авч хамартаа хүргээд буцааж бариад өөрийн хөөргийг авдаг байна. Ингэж солилцохдоо хөөрөгнөөхөө толгойг нь бага зэрэг султган нар зөв гурав эргүүлж, өөрөө нэг үнэрлээд гарддаг. Тэр нь чөлөөтөй харилцах санаа, харилцан ойлголцох, эв найртай явахын бэлгэдэл болдог байна. Хөөргийг авсан хүн тамхинаас зохих хэмжээгээр халбагадан татах буюу үнэрлээд хүлээн зөвшөөрч байгааг илтгэн илэрхийлдэг.

Хөөрөг солилцон мэндлэхдээ дээлийн товчоо тайлах буюу ханцуй шамлах, сугалдарлахыг цээрлэдэг.

More 296 0

Category: Нийгэм

МЭНДЧИЛГЭЭ

2018/02/15

МЭНДЧИЛГЭЭ

Author: saikhnaa on 15-02-2018, 16:55

Өөдлөн дэвжихийн

Өлзий билэг дэмбэрэлтэй

Өгөөж баян тансаг

Өмнийн их говийнхоо хөдөлмөрч хичээнгүй ард түмэндээ 17-р жарны тийн унжлагат хэмээх шороон НОХОЙ жилийн сар шинийн баярын мэндийг дэвшүүлж, хотол түмнээрээ сайхан шинэлэхийн ерөөл өргөе.

Улиран одож буй гал ТАХИА жилд говь сайхан нутагт маань ажил хөдөлмөр оргилсон, хөрөнгө оруулалт бүтээн байгуулалтын ажлууд ундарсан, салбар тус бүртээ ахиц дэвшил гарсан, үр өгөөжөө өгсөн сайхан жил байлаа.

Айлчлан ирж буй шороон НОХОЙ жилд бид илүү ихийг хичээж бүтээх, ХӨРӨНГӨ ОРУУЛАЛТ БҮТЭЭН БАЙГУУЛАЛТЫН жил, ЭРҮҮЛ МЭНДИЙН САЛБАРЫГ ДЭМЖИХ жил болгон зарлаж хамтдаа бүтээлцэх их үйлсийн төлөө урагшилж байна.

Дэлхийн өнцөг булан бүрт суугаа элэг нэгт Монголчууд болон Өмнийн их говиороо овогтой эрхэм та бүхэндээ уламжлалт сар шинийн мэндчилгээг өргөн дэвшүүлж элгээрээ энх амгалан, төрлөөрөө түвшин сайхан байхын ерөөл дэвшүүлье.

ӨМНӨГОВЬ АЙМГИЙН ЗАСАГ ДАРГА Н.НАРАНБААТАР

More 301 0

Category: Мэдээ мэдээлэл / Нийгэм

АМЬДДАА БИЕ БИЕЭ ХАЙРЛА ХҮМҮҮСЭЭ

2018/02/15

АМЬДДАА БИЕ БИЕЭ ХАЙРЛА ХҮМҮҮСЭЭ

Author: saikhnaa on 15-02-2018, 13:44

Өнөөдөр 2018 оны 02 сарын13-өөс 14шилжих шөнө яг одоо шөнийн 01:00 болж байна цамбагарвын автобусны буудал дээр буюу Соёмбо кино тетарын өмнө зүс таних 30-40 насны ах тасарсан,аль эсвэл бие нь өвдөөд унасан нь үл мэдэгдэх шалтгаанаар хэвтэж байх юм.шөнө орой болсон ч их хотын хөл хөдөлгөөн тасраагүй байна.ах ямарч мэдээгүй хүйтэн цэментэн дээр эвхрэлдэн хэвтэнэ.

Хэн ч түүнийг үл тоон халуун партай,дулаан гэрлүүгээ яарна,гадаа бараг л 30градусын хүйтэн байна.би ч гэрлүүгээ яарч явлаа гэтэл,ахыг хараад яасан ийсэнийг мэдхийн тулд хэсэг ажгиллаа.энэ их хүйтэнд ах бараг л хөлдсөн мэт хэвтэх нь надад нэгч гэсэн монгол хүний алтан амь хайран санагдаад,103руу залгасан боловч заавал цагдаад буюу 102т мэдэгдэх ёстой гэнэ.

102луу залгасан боловч ачаалал ихтэй байна одоо гарлаа гэнэ.би бараг 20ид миниут ахын хажууд хүлээсэн боловч ахыг хөлдчих вий гэсэндээ дахин 102луу залгаж эмнэлэг бараадуулах зөвшөөрөл авлаа.

Ер нь бол тийм хүнд гар хүрч болдоггүй хөдөлгөж болдоггүй юм байна,заавал цагдаа эмнэлгийн зөвшөөрөлтэй гар хүрэх ёстой юм байна.би ч цагдаа эмнэлгээс нь яаралтай зөвшөөрөл аваад аль болох ойр эмнэлэгт хүргэх шийдвэр авлаа.хамгийн харамсалтай нь яасан гээч,би 5,6 машин зогсоосон боловч ах бид 2г хүргэж өгхөөс бүгд төвөгшөөсөн.би үнэн учраа хэлээд гуйсан.энэ ах хөлдөх нь би км-н мөнгийг нь өгөнө ойрхон эмнэлэг оруулаад өгөөч гэхэд бүгд дургүйцсэн.

Тэр зогоссон машин дотор эхнэр хүүхдээ суулгасан гэр бүлээрэй явж байгаа хүмүүс хүртэл байсан,Би өөрийн унаатай явсан бол ахыг чирч оруулаад аль ойр эмнэлэгт хүргэж өгч чадах л байсан, гэхдээ надад машин байсангүй ,энүүгээрээ юу хэлэх гээд байна вэ гэвэл монголчуудаа бие биенээ жааханч гэсэн хайрлаачээ таний ах, таний аав,таний хань ижилд ийм зүйл тохиолдвол яах вэ?

Хэнч таний тэр эрхэм хүмүүсд жаахан ч гэсэн сэтгэл гаргахгүй орхиод явбал хөлдөөд үхсэн бол яах вэ?тийм болохоор амьддаа бие биеэ хайрлъя.тэр хүн тасарсан байж болно,тэр хүн бие нь өвдөөд унасан байж болно,яагаад жижигхэн сэтгэл гаргаж болохгүй гэж.харин азаар нэг жолооч зогсож би ахыг аваад цамбгарвын эмнэлэг оруулж өглөө.

Тэр жолооч залууд маш их баярлалаа бас эмнэлгийн үүдэн дээр таарч ахыг надтай хамт өргөлцөж эмнэлэг дотор оруулж өгсөн залууд баярлалаа.хүлээж авсан эмч,цагдаа нарт баярлалаа,ах хүү гайгүй байхаа гэж найдаж байна.

More 332 0

Category: Нийгэм

Шороон нохой жилийн зүг, мөр гаргах зурхай

2018/02/15

Шороон нохой жилийн зүг, мөр гаргах зурхай

Author: saikhnaa on 15-02-2018, 12:47

XVII жарны "Тийн унжлагат” хэмээх шороон нохой жилийн зүг, мөр гаргах албан ёсны тайлбарыг Монголын бурхны шашинтны төв Гандантэгчинлэн хийдийн танилцуулснаар хүргэж байна.

                                         ШОРООН НОХОЙ ЖИЛИЙН ШИНЖ

Хаврын амьсгал орсон өдрийн махбодыг гол болгон жилийн ноён нурууг шинждэг аргын дагуу "Шороон үхэр”-ийн шинжээр дүрсэлбэл "Үхрийн толгой болон бие шар, эвэр чих, сүүл, омруу, туурай нь улаан, шийр, ходоод, ногт нь ногоон, цулбуур нь хөх, амаа ангайж сүүлээ зүүн тийш шарваж явна. Үхэр хариулаач нь ногоон царайтай, үсээ зүүн тийш чихний ар, баруун чихний урдуур унжуулсан, цагаан дээлтэй, улаан бүстэй, улаан хос гутлаа зүүн бүсэндээ зүүсэн. Малгайгаа баруун гартаа барьсан, улаан бургасан иштэй, унгасан шилбүүр барьсан, хүч чадал ихтэй, хөл нүцгэн идэр залуу үхрийнхээ өмнө яаравчлан гүйж явна” гэж дүрсэлжээ. Энэхүү зураглалаас жилийн байцыг ажвал "Залууст хийгээд дунд сууталтанд сайн, нялхаст, олон түмэнд дунд, өвгөд хөгшдөд болон өндөр дээд суудалтанд муу. Их хүмүүн амгалан сайн, санаснаа бүтээх эзэд, түшмэл, улс гэрийн байдал тайван бус. Хямрал их, амгалан түвшин дунд зэрэг байх хэдий ч үйлс бүхэн дэлгэрэх нигууртай. Иргэдийн байдал амар амгалан, тайван байх ажээ. Төр иргэдийн харилцаа ихэд тааламжтай байх тул иргэдээ онцгойлон энхрийлүүштэй. Залуу хүний үйлс сайн болох ба үр ач дэлгэрнэ.

Хаврын сүүл хагас, зуны эхэнд сайн шим авч, өвс ургамлын гарц сайжирна. Гэвч зуны дунд сард гантай. Хур бага орох боловч, мөндөр, аянга цахилгаан элбэг. Жилийн эхэн ба адаг сард салхи маш их байх юм байна.

ШИНИЙН НЭГНИЙ ӨГЛӨӨ ЗҮГ МӨРӨӨ ГАРГАХ ТУХАЙД:

Энэ жилийн шинийн нэгэн нь туулай өдөр, баасан гаригт тохиож байна. Нар өглөө 08:25 минутад мандана. Нар мандахаас өмнө амжиж зүг мөрөө гаргах газраа очсон байвал зохилтой. Хөдөөд морины уяанаас цааш, орон сууцныхан гурваас есөн алхмаас зүг мөрөө гаргахаа эхлүүлж болно. Энэ ёслолыг хүндэтгэж аль болох шинэ хувцсаа өмсөж, малгай, бүстэй, товчоо товчлоорой. Хэрэв та хүсвэл ойр зуур өргөлийн идээ, цагаа бэлдэн мөр гаргахаар товлосон газраасаа сүсэглэж явдаг бүхэндээ хандан өргөж, сайн сайхныг ерөөнө. Гэрээсээ төмөр, мод мэтийн цээр гаргах домын зүйлээ бэлдэж гаргаарай. Мөр гаргах цэгээс заасан зүг рүү гурваас есөн алхам яваад цээр гаргах домоо зааврын дагуу хийж зохих тарниа долоо ба 21 удаа давтаж уншина. Гэр бүлийн гишүүдээс 13-ны жил нь ороогүй багачуул заавал зүг мөрөө гаргах шаардлагагүй. Мөн настан, хэвтрийн хүмүүсийн өмнөөс садан төрөл нь өөрийн мөрийг гаргах ялдамдаа нэр ус, жилийг нь сэтгэлдээ шивнэж даган баясаж буйгаа илэрхийлдэг ажээ. Зүг гаргагч нь хийморийнхоо зүгт яваад нар зөв тойрон анхны цэг дээр буцаж ирдэг. Энэ замд тань хогийн сав, үнс зэрэг таагүй зүйл байгаа эсэхийг урьдчилаад харчих нь зүгээр.

Уншигч та бүхэнд илүү ойлгомжтой болгох үүднээс таны төрсөн он, сар, өдөр яг ямар суудал дээр буйг нарийвчлан дэс дараалуулан он оноор нь гаргаж өглөө.

Жишээ нь та 1962 онд төрсөн байлаа ч тэр жилийн цагаан сарын өмнөхөн мэндэлсэн бол 1961 оныхны суудалтай хамт зүг мөрөө гаргах нь.

Тэгэхээр нэг, хоёрдугаар сард төрсөн хүмүүс дараахь хүснэгтэд байгаа тухайн жилийн шинийн нэгний өдрийг хараарай.

ГАЛ СУУДАЛ

Зүүн урд гарч, урд зүгээс ирнэ. "Ум базар пагма дагийний хум мамаа бизьяа суухаа” гэсэн тарни уншина. Зүүн хойд зүгт шүдэнз зураад цацна. Энэ жилдээ халиун өнгийн эд, малгай, цамц авахыг цээрлэнэ.

ШОРОО СУУДАЛ

Баруун зүгт гарч, баруун урд зүгээс ирнэ. "Ум бадмаа дагийний хум мамаа бизьяа суухаа” гэсэн тарни уншина. Зүүн урд зүгт гарч шороо, чулуу хөдөлгөнө. Энэ жилдээ шар толгойтой хонь авахыг цээрлэнэ. Эмийн хорлолоос сэрэмжил.

ТӨМӨР СУУДАЛ

Баруун зүгт гарч, баруун зүгээс ирнэ. "Ум раднаа дагийний хум мамаа бизьяа суухаа” гэсэн тарни уншина. Төмөрт хүрч, эсвэл нугалан хойд зүгт хаяна. Энэ жилдээ өөрийн болоогүй эд бараа бүү ав. Бухын мах идэхийг цээрлэнэ.

ОГТОРГУЙ СУУДАЛ

Зүүн хойд зүгт гарч, баруун хойд зүгээс ирнэ. "Ум пагма дагийний хум мамаа бизьяа суухаа” гэсэн тарни уншина. Зүүн зүг рүү цаас хийсгэнэ. Энэ жилдээ нохой тэжээх, бусдын хуучин хувцас, эдлэл авахыг цээрлэнэ.

УС СУУДАЛ

Зүүн зүгт гарч, хойд зүгээс ирнэ. "Ум гармаа дагийний хум мамаа бизьяа суухаа” гэсэн тарни уншина. Баруун зүгт ус цацна. Энэ жилдээ нохой тэжээх, бусдын хуучин хувцас, эдлэл авахыг цээрлэнэ.

УУЛ СУУДАЛ

Баруун зүгт гарч, зүүн хойноос ирнэ. "Ум будда дагийний хум мамаа бизьяа суухаа” гэсэн тарни уншина. Баруун зүгт гарч шороо, чулуу хөдөлгөнө. Энэ жилдээ үхэр үл зарах, хувраг хүнээс аяга таваг авах, газар хөндөх, өндөрт гарахыг цээрлэнэ.

МОД СУУДАЛ

Хойд зүгт буй цог хийморийн зүгтээ гараад "Ум базар дагийни хум мама бизъяа суухай" тарнийг 7-21 уншаад баруун урд зүгт мод, шүдэнз хуралж хаяад зүүн зүгээс ирнэ.

ХИЙ СУУДАЛ

Урд зүгт гарч, зүүн урдаас ирнэ. "Ум базар пад дагийний хум мамаа бизьяа суухаа” гэсэн тарни уншина. Баруун зүгт гарч шороо, чулуу хөдөлгөнө. Энэ жилдээ лам, хуврагаас аяга хэрэгсэл авах, газар хөндөх, зэвсэг, алт эрдэнэс авахыг цээрлэнэ.

                                ТА ЭНЭ ЖИЛ АЛЬ СУУДАЛ СУУСАН БЭ

Төрсөн он

Тухайн жилийн шинийн нэгэн

Суудал

Эр

Эм

1913

Шороо

Огторгуй

1914

Гал

Ус

1915

Хий

Уул

1916

Мод

Мод

1917

Уул

Хий

1918

Ус

Гал

1919

Огторгуй

Шороо

1920

Төмөр

Төмөр

1921

Шороо

Огторгуй

1922

Гал

Ус

1923

Хий

Уул

1924

1924.02.05

Мод

Мод

1925

19925.02.24

Уул

Хий

1926

1926.02.13

Ус

Гал

1927

1927.02.03

Огторгуй

Шороо

1928

1928.02.22

Төмөр

Төмөр

Гал

1929.02.10

Шороо

Огторгуй

Хий

1930.01.30

Гал

Ус

Мод

1931.02.18

Хий

Уул

Уул

1932.02.07

Мод

Мод

1933

1933.02.25

Уул

Хий

1934

1934.02.14

Ус

Гал

1935

1935.02.04

Огторгуй

Шороо

1936

1936.02.23

Төмөр

Төмөр

1937

1937.02.12

Шороо

Огторгуй

1938

1938.02.01

Гал

Ус

1939

1939.02.20

Хий

Уул

1940

1940.02.09

Мод

Мод

1941

1941.01.28

Уул

Хий

1942

1942.02.16

Ус

Гал

1943

1943.02.05

Огторгуй

Шороо

1944

1944.02.25

Төмөр

Төмөр

1945

1945.02.13

Шороо

Огторгуй

1946

1946.02.03

Гал

Ус

1947

1947.02.21

Хий

Уул

1948

1948.02.10

Мод

Мод

1949

1949.01.29

Уул

Хий

1950

1950.02.17

Ус

Гал

1951

1951.02.07

Огторгуй

Шороо

1952

1952.02.26

Төмөр

Төмөр

1953

1953.02.15

Шороо

Огторгуй

1954

1954.02.04

Гал

Ус

1955

1955.02.23

Хий

Уул

1956

1956.02.12

Мод

Мод

1957

1957.01.31

Уул

Хий

1958

1958.02.19

Ус

Гал

1959

1959.02.08

Огторгуй

Шороо

1960

1960.02.27

Төмөр

Төмөр

1961

1961.02.16

Шороо

Огторгуй

1962

1962.02.05

Гал

Ус

1963

1963.02.25

Хий

Уул

1964

1964.02.14

Мод

Мод

1965

1965.02.02

Уул

Хий

1966

1966.02.21

Ус

Гал

1967

1967.02.10

Огторгуй

Шороо

1968

1968.01.30

Төмөр

Төмөр

1969

1969.02.17

Шороо

Огторгуй

1970

1970.02.07

Гал

Ус

1971

1971.02.26

Хий

Уул

1972

1972.02.15

Мод

Мод

1973

1973.02.04.

Уул

Хий

1974

1974.02.23

Ус

Гал

1975

1975.02.12

Огторгуй

Шороо

1976

1976.02.01

Төмөр

Төмөр

1977

1977.02.19

Шороо

Огторгуй

1978

1978.02.08

Гал

Ус

1979

1979.02.27

Хий

Уул

1980

1980.02.17

Мод

Мод

1981

1981.02.05

Уул

Хий

1982

1982.02.24

Ус

Гал

1983

1983.02.13

Огторгуй

Шороо

1984

1984.02.02.

Төмөр

Төмөр

1985

1985.02.20

Шороо

Огторгуй

1986

1986.02.09

Гал

Ус

1987

1987.01.30

Хий

Уул

1988

1988.02.18

Мод

Мод

1989

1989.02.07

Уул

Хий

1990

1990.02.26

Ус

Гал

1991

1991.02.15

Огторгуй

Шороо

1992

1992.02.04.

Төмөр

Төмөр

1993

1993.02.22

Шороо

Огторгуй

1994

1994.02.11

Гал

Ус

1995

1995.01.31

Хий

Уул

1996

1996.02.19

Мод

Мод

1997

1997.02.08

Уул

Хий

1998

1998.02.27

Ус

Гал

1999

1999.02.17

Огторгуй

Шороо

2000

2000.02.05

Төмөр

Төмөр

2001

2001.02.24

Шороо

Огторгуй

2002

2002.02.13

Гал

Ус

2003

2003.02.02

Хий

Уул

2004

2004.02.21

Мод

Мод

2005

2005.02.09

Уул

Хий

2006

2006.01.30

Ус

Гал

2007

2007.02.18

Огторгуй

Шороо

2008

2008.02.08

Төмөр

Төмөр

2009

2009.02.25

Шороо

Огторгуй

2010

2010.02.14.

Гал

Ус

2011

2011.02.03

Хий

Уул

2012

2012.02.22

Мод

Мод

2013

2013.02.11

Уул

Хий

2014

2014.01.31

Ус

Гал

2015

2015.02.19

Огторгуй

Шороо

2016

2016.02.09

Төмөр

Төмөр

2017

2017.02.27

Шороо

Огторгуй

2018

2018.02.16

Гал

Ус

More 286 0

Category: Онцлох / Мэдээ мэдээлэл / Нийгэм

Монгол бахархал

2018/02/15

Монгол бахархал

Author: tonshuul on 15-02-2018, 11:38

Эзэн Чингис хаан мэндэлсний ойг орон даяар үндэсний хэмжээний баяр болгон тэмдэглэж эхэлснээр "Монгол бахарал” хэмээн урд өмнө төдийлөн бахархаж |хэрэглэж| байгаагүй төр, нийгмийн хэмжээний том ойлголт бий болж байна. Энэ санаачлага улам өргөжин өсвөр үеэ хамруулж буй нь тун сайшаалтай. Бахархал олон янз л даа. Эх орноороо, эцэг эхэээрээ, үр хүүхдээрээ, эрэлхэг дайчдаараа, алдар цуутнуудаараа, хурдан хүлэг морьдоороо ... гэх мэт.

Харин "Монгол бахархал” гэвээс улс үндэсний хэмжээний болж байгаа юм.

Энд төрийн сүлд, тусгаар улс эх орны аюулгүй байдал, улс үндэстэн, өв соёл, нэр төр, мэргэн зохиолчийн маань хэлснээр бол хэл, хил, мал гуравтайгаа багтаж буй. Баяр цэнгэл шагнал болж, уриа хашгирах бол нэг хэрэг. Бид аливаа үйлийг хийхдээ гадна өнгөн талаас нь бус, дотоод утга чанарт нь ач холбогдол өгч түүндээ тууштай байвал сая мөн чанараа олно. Аливаад мөн чанарыг нь олж сурах бол том ойлголт юм. Монгол бахархалын өдрийг санаачлан хэрэгжүүлж буй төр маань өөрөө эзэн Чингисийнхээ сургаал үгээ санаж "Алд бие алдрахыг тэвчин, ахуй төрөө алдруулахгүй” байхыг ёсчлон хэрэгжүүлэх нь үеийн үед монгол төрийн бодлогын суурь нь байх учиртай юм. Ингэж чадваас төр өөрөө иргэд олны итгэл, үнэмшил олж үндсэн үүргээ биелүүлэх боломтой болно. Энд Монгол төрийн бахархал оршино.

Энэ сайхан оронд монгол хүн болж төрснөөрөө бид бахархдаг. Монгол улс бол байршлийн хувьд үнэхээр онцгой, өргөн уудам нутагтай, асар олон мал сүрэгтэй, арвин их баялагтай, яаж ч бодсон ядуу байхын учиргүй амьдралд ээл түшигтэй орон юм. Энд байгалийн элдэв аюулаас хол, дайн дажин, нийгмийн аюулт халдварт өвчин, далайн хар шуурга, цунами, их үер, газар хөдлөлтийн гамшиг болдоггүй, илэрхий дайсан, алан хядагчид, цагаачид байхгүй эргэн тойрондоо хоёр хүчирхэг гүрэн дунд амар тайван амьдарч байнаа бид. Энэ сайн байршил боломжоо ашиглан түймэр, малын халдварт өвчин, утаа болон оффшорчтоос салж ард иргэдээ ядуурлаас гаргах төрийн шийдэл хэрэгтэй. Энэ бүх боломж улс дотроо, бидний гар дор байгаа зүйл. Иргэний дайн хийгээд элдэв аюулд автаж буй бусад газар орон ямар байгааг бид харж байгаа. Хүн гэдэг амьтан цаг үеийг сонгож төрдөггүй, тохиосон цаг үе, орон зайд төрөөд өөрийн боломжоор хөдөлмөрлөн үр хүүхдээ өсгөн амьдарч байгаад дараа нь хорвоог орхидог жамтай. Иймээс бид эл таатай нөхцөлд төрж амьдрах хугацаандаа эв найртай байцгааж, бүтээлч хөдөлмөрөөрөө улсаа орноо хөгжүүлж сайн сайхан амьдралд хүрэх учиртай юм. Энэ бол ийм байршил, ийм цаг үед амьдарч буй бидэнд бурханаас заяаж буй онцгой боломж, энэ оронд монгол хүн болж төрсөний хувь тавилан юм. Энэ бүхнийг хэрэгжүүлж чадвал монгол хүний бахархал болно

Хөгжлийн хөдөлгөгч хүч болсон залуусаараа бид бахархдаг. Хөгжье гэвэл бид хар ажлаар бус мэдлэг боловсролоороо өрсөлдөх ёстой. Өсвөр хойч үеэ бид мэдлэг боловсролтой, бүтээлч, хүч чадалтай болгохын зэрэгцээ эх оронч хүмүүжилтэй, шударга, ёс жудагтай монгол иргэн болгож амьдралд гаргах учиртай юм. Хотыг нь харлуулж, халаасыг хоосолж байгаад бэлдэж гаргасан боловсон хүчнээ гадаадад хар ажил хийлгэхээр илгээх бус тэднийг ажлын байраар хангах үүргийг төр хуулиар хүлээж орон сууц болон бусад хөнгөлөлт үзүүлэх нь монгол төрийн оновчтой бодлого зөв шийдэл болно. Иймээс залуусаа бид төрийн мэдлийн их, дээд сургуулиуддаа сургалтын төлбөргүйгээр мэргэжил боловсролтой болгоё. Тэд төгсөөд төрсөн нутагтаа очин өөрсдөө ажлын байртай болж мөн нэмж бусдад бий болгосноор орон нутгаа хөгжүүлж бид залуусаараа бахархах учиртай юм.

Энэ бүхний ард Монгол бахархал гэдэг ойлголт бат суурьтай орших болно.

Өчүүхэн галын дөл байвчиг түнэл харанхуйг гийгүүлдэг. Тэр гэрэл гэгээ орон гэрт тань, сэтгэл зүрхэнд тань өнө мөнхөд оршиж байхын өлзий төгс ерөөл дэвшүүлж, бүх монголчууд, дэлхийн олон улс оронд ажиллаж, амьдарч, сурч буй улаан залаат, хөх толбот монгол түмэн, сонин.мн болон ФБ-ийн өргөн олон уншигч Танаа гарч буй шороон нохой жилийн мэнд дэвшүүлэн амар мэндийн цэнхэр хадгаа дэлгэн энэхүү "Монгол бахархал” хэмээх бичвэрээ өргөн баръя.

Хүндэт Уншигч Та бүхэн Сар шинэдээ сайхан шинэлээрэй.

Найдансүрэнгийн Бадарч

More 251 0

Category: Нийгэм

2018 оны нэгдүгээр сард хөрөнгө завших гэмт хэрэг 3 дахин өсжээ

2018/02/14

2018 оны нэгдүгээр сард хөрөнгө завших гэмт хэрэг 3 дахин өсжээ

Author: saikhnaa on 14-02-2018, 16:29

Улсын хэмжээнд 2018 оны 1 дүгээр сард 4,019 гэмт хэрэг бүртгэгдсэн нь өмнөх оны мөн үеэс 1,246-гаар буюу 44.9 хувиар өсжээ.
Өмнөх оны мөн үеэс нийт гэмт хэрэг өсөхөд

Хулгайн гэмт хэрэг 674 (79.0%),
Залилах гэмт хэрэг 308 (2.5 дахин),
Дээрмийн гэмт хэрэг 116 (2.9 дахин),
Хүний амьд явах эрхийн эсрэг гэмт хэрэг 82 (63.6%),
Хүний эрүүл мэндийн халдашгүй байдлын эсрэг гэмт хэрэг 66 (7.4%),
Хөрөнгө завших гэмт хэрэг 43 (3.1 дахин)-аар өссөн нь голлон нөлөөлөв.

Улсын хэмжээнд 2018 оны 1 дүгээр сард 5,999 хүн эрүүлжүүлэгдэж, 703 хүн баривчлагдсан нь өмнөх оны мөн үеэс эрүүлжүүлэгдсэн хүн 1,509-өөр буюу 20.1 хувиар буурч, харин баривчлагдсан хүн 74-өөр буюу 11.8 хувиар өссөн байна.

Эх сурвалж: ҮСХ

More 512 0

Category: Нийгэм

Нэг удаа газар үнэгүй өмчлөх эрхтэй иргэд 0.07 га газрыг 9 сая 240 мянган төгрөгөөр авах уу?

2018/02/14

Нэг удаа газар үнэгүй өмчлөх эрхтэй иргэд 0.07 га газрыг 9 сая 240 мянган төгрөгөөр авах уу?

Author: saikhnaa on 14-02-2018, 12:23

"Монгол Улсын иргэнд нэг удаа үнэгүй газар өмчлүүлнэ” гэж заалт Газар өмчлөлийн тухай хуульд бий. Хуулийн хугацаа нь 5 жил гэж анх заасан. Тэрчлэн 2003 оноос хойш2008, 2013 онд хоёр удаа хугацааг сунгасан. Энэ 2018 оны 5 дугаар сарын 1-нд хугацаа нь дуусгавар болж байна. Тэгснээр иргэд хуулийн хүрээнд үнэгүй газар өмчлөх эрх нь хаагдана гэсэн үг. Хэрэвзээ Засгийн газраас уг асуудлаар хуулийн төсөл боловсруулж, УИХ хэлэлцэж батлахгүй бол иргэн та 0.07 га газраа үнэгүй өмчилж авах эрхгүй болох юм.

Гэхдээ газрын албаны мэдээллээс үзэхэд газар өмчлөл явагдсан өнгөрсөн 15 жилийн хугацаанд Монгол Улсын иргэдийн дөнгөж 14 хувь нь газар өмчилж авчээ.Тэгэхээр хуулиар олгосон эрхээ иргэд хэрэгжүүлж чадаагүй байна гэдэг нь эндээс харагдаж буй. Иргэдийн идэвх санаачлагын байдал, төрийн байгууллагын үйл ажиллагаа зэрэг олон асуудал энд яригдаж таарах юм.

Хэрэв газар үнэгүй өмчлөх эрх хуулиар хаагдвал 0.07 га газрыг 9 сая 240 мянган төгрөгөөр өмчилж авна гэдгийг Нийслэлийн газрын албаны дарга Э.Болорчулуун хэлж байгаа юм. Газраа үнэгүй ав гэх заалт хуульд бий ч, хэрэг дээрээ газрын албаны хүнд суртал, үйлчилгээний удаан хойрго байдал сэлтийг бас л ярих хэрэгтэй.

Ипотекийн зээлд хамрагдах гээд урьдчилгаа төлбөрөө олж чадахгүй байгаа иргэд олонтой манай улсын тухайд 9 сая төгрөгөөр цаашид газраа өмчилнө гэдэг үнэндээ үлгэр болох юм. Тэгэхээр хуульд заасан заалтыг хэрэгжүүлэх хүсэл төрд бий бол хуулийн хугацааг сунгах л ёстой болов уу.

Эх сурвалж: Hunnu.mn

More 311 0

Category: Гол мэдээ / Нийгэм

ДЭЛХИЙН УЛС ОРНУУД ХАЙРЫН БАЯРЫГ ХЭРХЭН ТЭМДЭГЛЭДЭГ ВЭ?

2018/02/14

ДЭЛХИЙН УЛС ОРНУУД ХАЙРЫН БАЯРЫГ ХЭРХЭН ТЭМДЭГЛЭДЭГ ВЭ?

Author: tonshuul on 14-02-2018, 09:13

Гэгээн Валентины өдөр буюу 2-р сарын 14-ны өдрийг тохиолдуулан аз жаргалтайгаа учирсан хосуудад хайран баярын мэнд дэвшүүлье. Уг баярыг тэмдэглэх болсон түүхийг та бүхэндээ өгүүлье. III зууны үеийн эртний Ром-д Валентин гэдэг нэртэй нэгэн санваартан амьдарч байжээ. Тухайн үед II Клаудис хаан төр барьж байсан бөгөөд эзэнт улсаа хүчирхэг гүрэн болгохын төлөө нэгэн зарлиг буулгажээ. Уг зарлигт "Ромд амьдарч буй насанд хүрсэн ганц бие эрчүүдийг цэргийн албанд тат, хэрвээ хааны зарлигийг эс дагаваас цаазалсугай” гэжээ. Энэ зарлигийг хосууд эсэргүүцэн гэрлэлтээ баталгаажуулах гэж Христын сүмд очдог боловч ямар ч лам хааны зарлигийг зөрчиж эс чаджээ. Гэтэл хайр дурлалдаа шатсан залуу хосуудын хүслийг гүйцээхийн тулд хааны зарлигийг аймшиггүйгээр зөрчиж хосуудад гэгээн хайрынхаа зулыг асаах боломжийг Валентин гэгч санваартан олгон ариун сүмд гэрлэлтийг нь баталгаажуулах болсон аж. II Клаудис хаан үүнийг мэдээд ихэд хилэгнэж Валентиныг зарлиг зөрчин, залуусын гэрлэлтийг баталгаажуулж, цэрэгт явах залуусын тоог багасгаж, хаан эзнийг үл ойшоосон хэмээн түүнийг буруутган мөрдөн мөшгиж, гяндан шоронд хорьж, эцэс сүүлд нь 2-р сарын 14-нд цаазалжээ. Түүнээс хойш 2-р сарын 14-ний өдрийг Гэгээн хайрын өдөр буюу Валентины өдөр хэмээн хосуудын төлөө амиа зориулсан санваартаны нэрээр нэрлэн тэмдэглэх болсон байна. Эхлээд энэ баяр нь баруун Европоор тархаж сүүлдээ дэлхий нийтээр бүх хосууд тэмдэглэдэг болжээ.

Дэлхийн зарим орнууд энэ баярыг хэрхэн тэмдэглэдэг вэ?

Америк

Америкт ихэвчлэн хүүхдүүд бие биетэйгээ бэлэг солилцохоос гадна ангийн үдэшлэг зохиодог байна. Америкчууд Гэгээн Валентины өдрөөр нэг нэгэндээ ил захидал өгч түүнийгээ өөрийнхөө хүссэнээрээ чимэглэдэг гэнэ. (Далайн ургамал, хатаасан болон хиймэл цэцэг гэх мэтээр) Энэ өдөр хайртай хосууд бие биедээ ихэвчлэн цэцэг, шокалад, ил захидал, зурвас өгөхөөс гадна хайртай хосууд бие биедээ зориулан өөрсдийн гараар нэхсэн цамц, бээлий, ороолтыг бэлэглэдэг аж. Мөн зүрхэн хэлбэртэй дэрний уут ч хийж өгч бэлэглэж болдог байна. Энэ өдөр сэтгэлээсээ өгсөн бэлэг болгон аз жаргал, ариун нандин хайр сэтгэлийг шингээсэн байдаг ажээ.

Тайвань

Гэгээн Валентины өдрөөр залуу хосууд бие биедээ сарнай цэцэгс болон сэтгэл татсан хайрын нандин үгсээр дүүрэн чамин бэлэг сэлтийг илгээдэг аж. Тайваний ёс заншлаар нэг ширхэг улаан сарнай бэлэглэх нь "Ганцхан чамд хайртай” гэсэн утгыг агуулдаг бол 11 ширхэг сарнай нь "Чи надад таалагддаг” гэсэн санааг илэрхийлдэг байна. Мөн 99 ширхэг сарнай бэлэглэх нь "Yүрд хамт байгаач " гэсэн утгыг илэрхийлдэг учраас энэ өдөр сарнай цэцэг олоход маш хэцүү байдаг гэнэ шүү.

Япон, Солонгос

Япон, Солонгосчууд Гэгээн Валентины өдрийг 2-р сарын 14, 3-р сарын 14-ний өдрүүдэд тус тус тэмдэглэдэг гэнэ. Эхлээд 2-р сарын 14-нд эмэгтэйчүүд нь эрэгтэйчүүддээ бэлэг өгөөд харин 3-р сарын 14-нд эрэгтэйчүүд нь эмэгтэйчүүддээ хариу бэлэг өгдөг аж. Солонгосчуудын бэлэглэх дуртай бэлэг нь чихэр, харин Япончууд ихэвчлэн өөрийнхөө гараар хайртай хүндээ зориулж зүрхэн хэлбэртэй шокалад хийж бэлэглэдэг гэнэ. Солонгосчууд 3-р сарын 14-ныг "Гэгээн өдөр” гэж нэрлэдэг бөгөөд олон залуус бие биедээ хайраа илчилдэг байна. Мөн 4-р сарын 14-нийг хар буюу бүрхэг өдөр хэмээн тэмдэглэдэг аж. Энэ үеэр хар өнгийн хувцастай бөөнөөрөө цугларч хамтдаа Jajang гэдэг гоймон идэцгээдэг байна.

Герман

Германд Гэгээн Валентины өдрөөр гэрлэсэн болон гэрлээгүй хосууд бие биендээ цэцэг бэлэглэдэг. Yүнээс гадна зүрхэн хэлбэртэй эд зүйлс мөн хайраа илчилсэн зурвас буюу захиа, шүлэг бичиж өгдөг байна. Гэгээн хайрын өдрийг тэмдэглэдэггүй хосууд гэж байдаггүй гэнэ.

Испани

Испанид Гэгээн Валентины өдрөөр эрчүүд нь эмэгтэйдээ сарнай цэцгийн баглаа илгээдэг байна. Мэдээж энд мөн нандин хайрын үгс багтаж байгаа нь тодорхой.

Англи

Гэгээн Валентины өдрөөр Англид залуу хосууд бие биедээ зориулан хайрын үгстэй шүлэг, өгүүллэг бичдэг аж. Ёс заншилынх нь нэг хэлбэр нь хүүхдүүдийг дуу дуулуулж чихэр жимс, мөнгө өгдөг. Харин залуу хосууд бие биедээ жигнэсэн гурилан бүтээгдэхүүн, цэцэг, шокалад зэргийг өгдөг юм байна.

Итали

Италичууд Гэгээн Валентины өдрийг "Хаврын баяр” хэмээн тэмдэглэдэг аж. Урь унаж залуу хүмүүс ой модтой газар цугларан байгалийн сайханд хөгжим сонсож, шүлэг уншицгаадаг гэнэ. Харин Туринд үерхэж байсан хосууд 2-р сарын 14-н буюу Гэгээн Валентины өдрөөр сүй тавицгаадаг байна.

More 302 0

Category: Онцлох / Нийгэм