Scandal.mn

Маск, бакцин хоёр мань мэтийг аврана

2020/08/03

Маск, бакцин хоёр мань мэтийг аврана

Author: saikhnaa on 3-08-2020, 13:39

Цар тахлын дэгдэлтийн энэ үед хоёр асуудал дээр ноцтой анхаарахгүй бол болохоо байжээ. Бусад улс орнуудад өдөрт хэдэн зуугаараа гэрлийн хурдаар өсч байгаа аюулт вирус Монголд дотроо алдахгүй гэх баталгаа байхгүй юм. Тиймээс энэ үеийг даван туулах энгийн алхам бол юун түрүүнд маск. Мөн вакцин гарч байж энэ тахал багасана гэж олон улсын Эрүүл мэндийн судлаачид туршсаар байгаа билээ. Ингээд та биднийг аюулт вирусээс холуур гэтлэгэх хоёр зөвлөгөөг хүргэе.

1-рт маск зүүх явдал эрс багасаад удлаа, хөдөө орон нутагт зүүх нь нийслэлээс бага байна. Одоо маскийг зүүлгэхийн тулд шийдвэртэй арга хэмжээ авах хэрэгтэй болжээ. Хэрэв аюул болж гэмээнэ, амаа бариад нэг их нэмэр болохгүй шүү.

2-рт туршилтын шатанд байгаа вакцинийг эсэргүүцэж, дотор нь чип хийгээд зомби болгох гээд байна, генийг өөрчилж монгол хүн биш болгох гээд байна гэсэн цуурхал, эсэргүүцэл их байна. Ийм ямар ч утгагүй зүйл 21-р зуунд ярихаа больё. Энэ цуурхлын эсрэг шийдвэртэйарга хэмжээ авъя. Хэрэв маскаа зүүж, вакцинаа хийлгэвэл хүн төрөлхтөн аймшигт тахлыг ялах цаг холгүй шүү.

У.МАНДАХ

More 328 0

Category: Эрүүл мэнд / Зөвлөгөө

Цахим ажил, цалинтай чөлөө үргэлжлэх үү?

2020/08/03

Цахим ажил, цалинтай чөлөө үргэлжлэх үү?

Author: saikhnaa on 3-08-2020, 12:33

Коронавирусын дэгдэлтийн улмаас манай улс өндөржүүлсэн бэлэн байдал зарлаад хагас жил гаруй боллоо. Энэ хугацаанд эрсдэлийг бууруулахын тулд цөөнгүй арга хэмжээ авсны нэг нь өнгөрсөн нэгдүгээр сард сургууль, цэцэрлэгийн үйл ажиллагааг түр зогсоож, энэ хугацаанд гэртээ үлдсэн хүүхдүүдийг хамгаалахын тулд хоёр сар гаруй хугацаанд жирэмсэн болон 0-12 насны хүүхэдтэй эцэг, эхчүүдэд цалинтай чөлөө олгоод байсан юм. Албан байгууллагууд ч ихэнх нь бага насны хүүхэдтэй ажилчдаа цахим болон богиносгосон цагаар ажиллуулсан. Тэгвэл хоёр сар гаруй үргэлжилсэн энэ арга хэмжээнд 30 гаруй мянган эцэг, эх хамрагдсан судалгааг Хөдөлмөр, нийгмийн хамгааллын яамнаас гаргалаа. Тус яамны албаны хүн ““Хүүхдийн эрхийг хамгаалах, эрсдэлээс урьдчилан сэргийлэх тухай” албан даалгаврыг батлуулж, аймаг, нийслэлийн Засаг дарга нар, ГБХЗХГ, Нийслэлийн ГБХЗХГ-т чиглэл хүргүүлсэн. 15 аймгийн Засаг даргын захирамж, 19 аймгийн ГБХЗХГ-ын даргын тушаал гарч төрийн байгууллагын 249 хүн, 966 аж ахуйн нэгж байгууллагын 15910 хүн богиносгосон цагаар ажилласан. Харин гэрээсээ ажиллах боломжоор 16 аймгийн Засаг даргын захирамж, 15 аймгийн ГБХЗХГ-ын даргын тушаал гарч, төрийн байгууллагын 262 албан хаагч, 1118 аж ахуйн нэгжийн 14158 хүн хамрагдсан” хэмээн хэллээ. Тэгвэл энэ тоо цаашид өсөх магадлалтай. Учир нь энэ хичээлийн жил ЕБС-иуд хоёр өдөр гэрээр хичээллэж, хоёр настныг цэцэрлэгт элсүүлэхгүй байх шийдвэр гаргасан. Мөн 3-4 настнуудын 60 хувь нь л цэцэрлэгт хамрагдах боломжтой гэдгийг салбарын яамнаас мэдэгдээд байгаа юм. Энэ хооронд гэртээ үлдэх хүүхдүүдийн хараа хяналт суларч, эцэг эхчүүдийн ажиллах нөхцөл улам хүндрэл учирна. Нас балчирдсаны улмаас гэрийн боловсролд шилжсэн тэднийг хэн халамжилж үлдэх вэ. Өвөө эмээ, танил ах дүү, аав ээжийн аль нэг нь яах аргагүй асарч үлдэх шаардлагатай. Тиймээс цахим ажил, цалинтай чөлөө үргэлжлэх үү гэсэн асуудал гарч ирж байгаа юм.

Манай улсын хэмжээнд цэцэрлэгийн насны 309 мянга 670 хүүхэд байна. Эндээс 77235 нь хоёр настнууд. Судалгаагаар 0-3 насны хүүхдүүд дунд гэдэсний болон амьсгалын замын өвчин өндөр байдаг. Тиймээс өвчлөх магадлал өндөр хоёр настнуудыг эцэг эхийн асаргаанд тэдний тусламжтайгаар теле хичээлдээ хамрагдах нь аюулгүй гэж үзсэн хэмээн БШУЯ мэдэгдэлдээ дурдсан.

Эцэг эхийн хараа хяналтад аюулгүй, эрсдэлгүй гэж байгаа боловч хэн ажиллаж, өрхийн санхүүгээ дэмжих вэ. Одоогоор хэчнээн насны хэдэн хүүхэд гэртээ үлдэх болсон тоо судалгаа гараагүй байна. Өмнөх журмын адил эцэг эхчүүдэд цалинтай чөлөө олгох, гэрээр ажиллах нөхцөл бүрдэх боломжтой эсэх талаар ГБХЗХГ-ын дарга М.Энх-Амараас тодруулахад “Энэ асуудлын талаар БШУЯ, ЭМЯ-тай ярьж байгаа. Цаашдаа гэртээ үлдэх нөхцөл бүрдсэн бага насны хүүхдүүдийнхээ эрүүл аюулгүй орчинд амьдрах, эцэг эх нь хүүхдээ яаж харах, тэдний ажлын цагийг богиносгох, цахимаар ажиллах боломж бүрдүүлэх зэрэг боломжит хувилбаруудыг судалж байгаад хамтын ажиллагааны журмаар шийднэ” гэж хариуллаа.

Сургууль, цэцэрлэгийн үйл ажиллагаа эхлэхэд сар хүрэхгүй хугацаа үлдсэн байна. Энэ хооронд гэртээ үлдэх бага насны хүүхдүүд тэдгээрийн нөхцөл байдлын талаар судалгаа, тооцоолол хийгдэх аж. Хичээлийн шинэ жилтэй уралдан бага насны хүүхдүүдийн хараа хяналтын талаарх шийдвэр, журмууд эхнээсээ тодорхой болох биз.

Б.Баярчимэг

Эх сурвалж: "Зууны мэдээ" сонин

More 180 0

Category: Эдийн засаг

Ардын хувьсгалын 100 жилийн ойгоор бага ял авсан хүмүүс ерөнхийлөгчийн зарлигаар инээгээд л суллагдана

2020/08/03

Ардын хувьсгалын 100 жилийн ойгоор бага ял авсан хүмүүс ерөнхийлөгчийн зарлигаар инээгээд л суллагдана

Author: saikhnaa on 3-08-2020, 12:12

Шүүхээс С.Баярт 5 жилийн ял өгч 5.5 тэрбумын хууль бус хөрөнгийг нь хураах боллоо гэж мэдэгдсэн. Гэхдээ нээлттэй дэглэмийн нөхцөлд ял эдлэх гэнэ. Тэр нь юу гэсэн үг вэ гэвэл тухайн үед буюу Засгийн газрын 2012 оны 193-р тогтоолын дагуу ял эдэлнэ!. Энэ нь гэртээ эрхэлж ажлаа хийсээр 5 жилийг жаргаж өнгөрөөнө гэсэн үг. Яагаад жаргана гэж? Тэгвэл бүгдээрээ энэ "гайхамшигт" 193-р тогтоолд нээлттэй дэглэмийн дор ял эдлэхийг юу гэж заасныг сонирхоё.

-Нээлттэй дэглэмийн онцлог нь ялтны хувийн зан төлөв, үйлдсэн хэргийн нийгэмд учруулах хор аюул, шинж чанар, хувь хүний нөөц боломжийг харгалзан нийгмээс бүрэн тусгаарлахгүйгээр тухайн хүнийг гэр бүл, хамт олон зэрэг эерэг нөлөөллийн дор ял эдлүүлэх". Улс төрчид өөрсөддөөө зориулж ингэж л хууль тогтоомж гаргаж өөрсдөө зөвхөн түүнийгээ эдэлдэг бодит жишээ бол С.Баярын хэрэг.

Ард түмэн буюу хамжлагат ардад энэ хууль үйлчлэхгүй. Бас тухайн ялтныг хөгжүүлэх талаар ингэж заасан байна. "Нээлттэй дэглэм нь ялтанд суралцаж ажиллаж байсан байгууллагад тодорхой хяналтын дор үргэлжлүүлэн суралцаж ажиллах, мөн тухайн ялтны эерэг чиг баримжааг нээн хөгжүүлэхэд чиглэгдсэн хяналт хязгаарлалт багатай орчинд ял эдлэх боломжийг олгодгоороо сэтгэл зүйн хувьд давуу тал олгодог" гэжээ. Энэ бол ямар ч ял биш.

Бараг амралт сувилалаас өөрцгүй гэхэд буруудахгүй. Гадуур зүгээр яваад ажлаад хийгээд сураад орой нь гэр бүлтэйгээ хонохыг ял гэхэд хэцүү. Ингэж л ард түмнийг хуурч байна. Энэ мэт хуулийн завхралаа засмаар байна. Нээлттэй дэглэмд ямар хэрэг хийсэн хүмүүс хамрагдах вэ. Хөнгөн хүндэвтэр хүнд гээд бараг л хэргийн хамаг зүйл анги орохоо шахсан байгаа юм.

ЗГ-ын 2012 оны 193-р тогтоол гэгч 2009 оны УИХ-ын 38-р тогтоол гэгчийг сайжруулж гаргасан нь энэ аж. Энэ цаг үеүд МАНАН дэглэмийн мандан бадарч байсан он жилүүдтэй яг таарч байна. Тэднийг цаазласан ч багадахаар байхад бараг өөрсдийнх нь дураар ял өгч таарав. Ирэх жил Ардын хувьсгалын 100 жилийн ойн баяраар ийм бага ял авч байгаа хүмүүс ерөнхийлөгчийн зарлигаар инээгээд л суллагдахад гайхах зүйлгүй.

https://www.facebook.com/photo.php?fbid=2691265867862311&set=a.2479459212376312&type=3&theater

More 179 0

Category: Гол мэдээ / Улс төр

SocialPay дижитал хэтэвч гадаадад төлбөр тооцоо хийх боломжтой анхны аппликэйшн боллоо

2020/08/03

SocialPay дижитал хэтэвч гадаадад төлбөр тооцоо хийх боломжтой анхны аппликэйшн боллоо

Author: zulaa on 3-08-2020, 12:10

SocialPay, UnionPay International олон улсын Төлбөрийн картын байгууллага хамтран EMV UnionPay QR олон улсын стандартын дагуу гадаадад болон

More 239 0

Category: Онцлох / Мэдээ мэдээлэл

А.Амбасэлмаа: 429 хүнд шинжилгээ хийхэд бүгдэд нь коронавирус илрээгүй

2020/08/03

А.Амбасэлмаа: 429 хүнд шинжилгээ хийхэд бүгдэд нь коронавирус илрээгүй

Author: saikhnaa on 3-08-2020, 11:34

Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг хийлээ.

ХӨСҮТ-ийн Тандалт судалгааны албаны дарга А.Амбасэлмаа: "Наймдугаар сарын 2-ны өдөр нийт 429 хүнд шинжилгээ хийхэд бүгдэд нь коронавирус илрээгүй. Эдгээр шинжилгээг задалж хэлбэл, долдугаар сарын 20-нд Сөүл-Улаанбаатар чиглэлийн нислэгээр ирсэн хүмүүсийн давтан шинжилгээ, ХӨСҮТ-д тусгаарлагдаж байсан гурван хүний давтан шинжилгээ, ажиглах байранд тусгаарлагдаж байсан найман хүний давтан шинжилгээ, Алтанбулагийн боомтоор орж ирсэн 30 ачаа тээврийн жолоочийн шинжилгээ байна" гэлээ.

ХӨСҮТ-ийн ерөнхий захирал Д.Нямхүү: "Өнгөрсөн хоногт 429 хүнд шинжилгээ хийхэд халдвар илрээгүй. Өнөөдрийн байдлаар манай улсад коронавируст халдварын 293 бүртгэгдсэн. Үүнээс 230 нь эдгэрсэн бол одоогоор ХӨСҮТ-д 63 хүн эмчилгээнд байна. Эмчилгээнд байгаа хүмүүсээс 60 хүний биеийн байдал хөнгөн, гурван хүний биеийн байдал хүндэвтэр байна" гэлээ.

More 196 0

Category: Онцлох / Эрүүл мэнд

Өмнөд Солонгост коронавирусийн халдвар тараасан сүмийн тэргүүнийг баривчилжээ

2020/08/03

Өмнөд Солонгост коронавирусийн халдвар тараасан сүмийн тэргүүнийг баривчилжээ

Author: saikhnaa on 3-08-2020, 11:01

Өмнөд Солонгосын коронавирусийн тахлын хамгийн том голомт болж байсан сүмийн тэргүүнийг өчигдөр өглөө цагдаа нар баривчилжээ.

Есүсийн Шинчонжи сүмийн тэргүүн, 88 настай Ли Ман Хэг чухал мэдээлэл нууж, вирусийн тархалттай тэмцэх үйл ажиллагаанд саад учруулсан гэж буруутгасан байна.

Түүний тэргүүлдэг шашны бүлгийн гишүүн 5,000 гаруй хүн коронавирусийн халдвар авсан нь Өмнөд Солонгост бүртгэгдсэн нийт тохиолдлын 36 орчим хувь болсон юм.

Сүмийн захиргаа Ли Ман Хэг гишүүдийнхээ хувийн мэдээллийг задруулахаас санаа зовж байсан хэдий ч засгийн газраас юуг ч нуугаагүй хэмээн тайлбарлаж байна.

Өмнөд Солонгост өнөөдрийн байдлаар 14,336 халдварын тохиолдол бүртгэгдэж, 300 хүн нас бараад байгаа.

Мөрдлөгийн явцад Ли Ман Хэгийн зарим баримт материалаа устгасныг батлах сэжүүр олдсон тул шүүхээс баривчлан сааатуулах шийдвэр гаргажээ.

Түүнийг бас хөл хорионы үеэр зөвшөөрөлгүй шашны цуглаан зохион байгуулсан, 5.6 тэрбум воны хөрөнгө хувьдаа завшсан хэрэгт буруутгасан байна.

Ли Ман Хэ нь Шинчонжи сүмийг 1984 онд байгуулж, өөрийгөө Есүсийн хойд дүр гэж зарлаж байжээ. Шинчонжи нь “шинэ диваажин ба газар дэлхий” гэсэн утгатай үг юм.

Тус сүм 230,000 орчим гишүүнтэй. Тэд Ли Ман Хэг ирээдүйд шилж сонгосон 144,000 дагагчийнхаа хамт диваажинд очино гэдэгт итгэдэг ажээ.

Энэхүү шашны байгууллага Өмнөд Солонгосоос гадна Хятад, Япон, Зүүн Өмнөд Азийн орнуудад нийтдээ 20,000 гаруй гишүүнтэй гэсэн мэдээлэл бий.

Эх сурвалж: BBC

Э.СЭМҮҮН, IKON.MN

More 135 0

Category: Дэлхий дахинд

С.Баяр ял шийтгүүлсэн нь 34 хувь уу, долоон хаус уу?

2020/08/03

С.Баяр ял шийтгүүлсэн нь 34 хувь уу, долоон хаус уу?

Author: khulan on 3-08-2020, 09:39

Яг арав хоногийн өмнө, Ерөнхий сайд асан С.Баярт анхан шатны шүүхээс таван жилийн хорих ял шийтгэв.

Гэхдээ С.Баяр энэ шийтгэлийг хүлээн зөвшөөрсөнгүй.

Шүүх дээр хэлсэн үгэндээ "...Оюутолгойн Хөрөнгө оруулалтын гэрээг хийхэд 34 хувийг тусгахаас өөр арга байгаагүй. Энэ 34 хувь байгаагүй бол С.Баярын хэрэг гэж үүсэхгүй байсан нь дамжиггүй. Оюутолгой төслөөс улбаатай энэ хэргийг битгий улстөржүүлээсэй билээ. Хуулийн дагуу шударга шийдээсэй" гэж хэлэв.

Мөн 2020 оны гуравдугаар сарын 18-ны өдөр Улсын ерөнхий прокурорт хандаж бичсэн захидалдаа "...Ганцхан зүйл тэмдэглэхэд, Монголын төрийн бодлого хэрэгжүүлж, Оюу толгой ордыг ашиглах гэрээ байгуулах гэж явахдаа хожим хойно шагнал авна гэж зүтгээгүй. Гэхдээ арай ч онц ноцтой гэмт хэрэгт буруутгагдан ял сонсоно гэж бодож байсангүй" хэмээн бичиж байлаа.

Ер нь бол С.Баяр өөрөө "...Улстөржилттэй холбоотой" гэдэг.

Тэр тусмаа гэрээнд 34 хувийг оруулснаас болсон гэж үздэг байна.

Гэтэл АТГ-аас Ерөнхий сайд асан С.Баярт 2017 оны арванхоёрдугаар сарын 13-ны өдөр Эрүүгийн хуулийн тусгай ангийн 22.10 дахь зүйлийн хоёр дахь хэсэгт зааснаар эрүүгийн хэрэг нээхдээ арай өөр баримт факт, үндэслэлүүдийг барьсан байдаг. Эдгээрийг нотлохын тулд их ч ажил болсон.

Тодруулбал, С.Баярын найз, "Петровис"-ийн Ч.Давааням нь түүний охин Б.Нандинтай хамтран АНУ-д таван компани үүсгэн байгуулсан. Тэд АНУ-д "GUNDEL”, "VODA”, "NEBO”, "DECHIN” компанийг байгуулснаас эхний дөрөв нь татан буугджээ.

Улмаар АНУ-д Сиэтл хотын 3020 14th Avenue W#A Seattle-Queen Anne. WA 98119, Нью Йорк хотын 16 W, 19th, Unit 10-b, Flatiron, NY 10011, Сиэтл хотын 4516 NE 38th Street, Seattle-University District, WA 98105, Сиэтл хотын 1710 N Dexter Avenue #A, Seattle, WA 98109, Сиэтл хотын 6539 SW 41st Ave, Seattle, WA 98136, Сиэтл хотын 9125 NE 15th Street, Clyde Hill, WA 98004 хаягтай долоон ширхэг үл хөдлөх хөрөнгө худалдаж авсан.

Эдгээрийг худалдаж авахын өмнө АНУ руу С.Баярын эхний эхнэр О.Гэрэлтуяа, найз Ч.Давааням нар нь их хэмжээний валютын гуйвуулга хийсжэ. О.Гэрэлтуяа 2007 оны гуравдугаар сарын 20-нд "Зоос" банкаар дамжуулан 435 000 ам.доллар, Ч.Давааням 2008 оны тавдугаар сарын 22-нд Худалдаа хөгжлийн банкаар 451 000 98 ам.доллар, 2008 оны тавдугаар сарын 26-нд Худалдаа хөгжлийн банкаар 196 мянган ам.доллар шилжүүлсэн. Ч.Давааням 2011 оны гуравдугаар сарын 1-нд "TRUE KIND LIMITED” компанийг Британийн Виржинийн арлуудын улсад үүсгэн байгуулсан. Энэ компанийнхаа 078213998838 дугаартай дансыг 2011 оны дөрөвдүгээр сарын 27-нд Хонгконгийн "HSBC” банкинд нээсэн байна.

Энэ данс руу нь 2015 оны зургадугаар сарын 2-ноос 2015 оны арваннэгдүгээр сарын 14-ний хооронд АНУ-ын "NONA ADAMS REALTY SERVICES”, "NEBO” компаниас 4 727 479 ам.доллар шилжсэн.

Харин Виржинийн арлуудын улс дахь "TRUE KIND LIMITED” компанийн Хонгконгийн "HSBC” банк дахь 078213998838 дугаартай данснаас 2012 оны есдүгээр сарын 4-нөөс 2012 оны аравдугаар сарын 29-ний хооронд таван удаагийн шилжүүлгээр 1 947 975 ам.долларыг Голомт банкны 1140000215 тоот данс руу шилжүүлсэн.

Мөн 2016 оны гуравдугаар сарын 31-нээс 2016 оны зургадугаар сарын 22-ны хооронд Puerto Rico улсын "ESORDIO HOLDINGS” LTD компани руу 4 727 446 ам.доллар, 2017 оны есдүгээр сарын 5-наас 2017 оны есдүгээр сарын11-нд Ч.Даваанямын өөрийнх нь Голомт банкны данс руу 4 386 3 50 ам.долларыг шилжүүлсэн.

"FOREST BERRIES LTD”-ийн Хонгконгийн "HSBC” банкны данснаас Ч.Даваанямын Голомт банкны данс руу 2011 оны тавдугаар сарын 16-наас 2011 оны тавдугаар сарын 20-ны хооронд 3 999 840 ам.долларыг шилжүүлсэн.

Нөгөөтэйгүүр Ч.Даваанямын эхнэр С.Шагдардуламын нэр, данс ч С.Баярын хэрэг дэх "Петровис” болон охидтой нь холбоотой мөнгөн гүйлгээнд ихээхэн оролцоотой байдаг.

С.Шагдардуламын үүсгэн байгуулсан "Рома Инвестмент” ХХК-иас 2013 оны тавдугаар сарын 3-нд С.Баярын охин Бадамхандад 27 000 ам.доллар шилжүүлсэн.

С.Шагдардулам нь Б.Бадамхандын нэрээр 2009 оны арванхоёрдугаар сарын 7-нд "Петровис” компанийн Голомт банк дахь 1102752600 данс руу 189 850 ам.доллар, мөн өдөр нь 1 775 314 ам доллар гуйвуулсан байдаг.

Энэ мөнгө тухайн өдөртөө "Петро стар” ХХК-ийн Голомт банк дахь 1103027086 данс руу шилжжээ.

Тус компаниас 2009 оны арванхоёрдугаар сарын 8-нд 1 775 000 ам.доллар, бас 325 000 ам.доллар "Монголиа Роснефть” компанийн Голомт банк дахь 2005000478 данс руу шилжсэн. 2009 оны арванхоёрдугаар сарын 9-нд "Монголиа Роснефть” компанийн Голомт банк дахь 2005000478 данснаас 7 270 375 ам.доллар гэрээний дагуу дамжиж, ОХУ-ын Сбербанк дахь "Роснефть” компанийн 40702840900020205321 дансанд шилжсэн.

Өөрөөр хэлбэл, С.Баярын охин Бадамхандын нэрээр "Петровис” компани руу шилжсэн нийт 1 965 164 ам.доллар хаанаас, яаж гарч ирсэн нь сонин.

Юутай ч ийм байдлаар С.Баярын охины шилжүүлсэн мөнгө "Петровис”-ын компаниудыг дамжсаар "Роснефть” рүү 7.3 сая ам.доллар болоод гараад явчихсан байдаг.

Ерөөс толгой эргэм энэ их мөнгөний сүлжээг С.Баяр тайлбарлаж чадаагүй.

"...Ч.Давааням миний охидтой хамтарч бизнес хийдэг байсан" л гэдэг.

Тиймээс шүүх хурлаас хойш явагдаж буй PR-ийн дүнд нийгэмд "...С.Баяр шийтгүүлсэн нь Оюутолгойн 34 хувиас болсон уу, АНУ дахь долоон хауснаас нь болчихов уу" гэдэг эргэлзээ бий болж чадсан.

Гэтэл С.Баяр хэргээ "гайтай 34 хувь"-тай холбодог ч шүүх, хуулийн байгууллага АНУ дахь долоо /С.Баяр өөрөө есөн байр гэсэн байдаг/-н хаус, үүнтэй холбоотой улс дамжиж шилжсэн их мөнгөний эх үүсвэрийг С.Баяр тайлбарлаж чадаагүй гэж үзсэн билээ.

Б.Дамдин-Очир

Эх сурвалж: "Зууны мэдээ" сонин

More 163 0

Category: Онцлох / Улс төр

Гадаадын зээл, тусламжийг юунд зарцуулж байгаа вэ?

2020/08/03

Гадаадын зээл, тусламжийг юунд зарцуулж байгаа вэ?

Author: khulan on 3-08-2020, 09:34

Монгол Улс 2020 оны 01 сараас "Ковид-19” цар тахлаас иргэдээ хамгаалах зорилгоор өндөржүүлсэн бэлэн байдалд шилжиж хилээ хаасан. Улмаар эдийн засаг зогсонги байдал орж экспорт эрс буурснаар төсвийн орлого 2020 оны эхний хагас жилийн байдлаар 1.2 их наяд төгрөгөөр тасраад байна. Засгийн газраас иргэдийнхээ эрүүл мэнд, орлогыг хамгаалах, аж ахуйн нэгжүүдээ дэмжих, эдийн засгийг сэргээх, эрчимжүүлэх чиглэлээр тодорхой арга хэмжээнүүдийг авч хэрэгжүүлэхийн зэрэгцээ шаардлагатай нэмэлт санхүүжилт дайчилж байгаа талаар мэдээллээ. Тухайлбал, хүүхдийн мөнгөн тэтгэмжийг 100 мянган төгрөг болгож нэмсэн, орлого багатай ядуу өрхүүдэд олгодог хүнсний бүтээгдэхүүн худалдан авах санхүүжилтыг хоёр дахин нэмсэн, орлого нь буурсан 6.9 мянган аж ахуйн нэгжийн 73 мянган хүнд сар бүр 200 мянган төгрөг, Нийгмийн халамжийн тэтгэвэр авдаг иргэд болон байнгын асаргаа шаардлагатай хүүхдэд олгодог тэтгэмжийг 100 мянган төгрөгөөр нэмсэн зэрэгт одоогийн байдлаар 768 тэрбум төгрөг нэмж зарцуулжээ.

Түүнчлэн иргэд, аж ахуйн нэгж, байгууллагуудын орлогыг хамгаалах зорилгоор нийт 1 их наяд 877.9 тэрбум төгрөгийн Нийгмийн даатгалын шимтгэл, Хувь хүний орлогын болон аж ахуйн нэгжийн орлогын албан татвар, түүний алданги, торгуулийг бүрэн чөлөөлсөн. "Ковид-19” цар тахал нийтдээ 2.5 их наяд төгрөгийн төсвийн дарамт бий болгоод байна. Төсвийн орлого их хэмжээгээр тасарч, төлөвлөөгүй зардал нэмэгдэн, нэмэлт эх үүсвэр зайлшгүй шаардагдаж байгаа ийм нөхцөлд Засгийн газар хөгжлийн түнш улс, олон улсын байгууллагуудтай идэвхитэй хэлцэл хийж нийт 301 сая ам доллар буюу 800 гаруй тэрбум төгрөгийн нэн хөнгөлттэй эх үүсвэрийг төсвийн дэмжлэг хэлбэрээр хүлээн авсан. Гадаадын зээл, тусламж болон төсвийн эх үүсвэрээр иргэд, олон нийтэд чиглэсэн цалин тэтгэвэр, халамж, хүүхдийн мөнгөн тэтгэмж, эрүүл мэндийн салбар зэрэг төрийн үйлчилгээний зардлуудыг төсвийн хуулийн дагуу цаг хугацаанд нь бүрэн санхүүжүүлж байна.

Тайлбар:

1. Азийн хөгжлийн банкнаас зээл 100 сая ам доллар.

Богино хугацаанд хэлэлцээр хийж, УИХ-аар соёрхон батлуулснаар 2020 оны 05 дугаар сарын 12-ны өдөр Төрийн санд хүлээн авсан.

2. ОУВС-аас зээл 99 сая ам доллар.

2020 06 дугаар сарын 08-ны өдөр хүлээн авсан.

3. Европын холбооноос буцалтгүй тусламж болох 50.8 сая евро буюу 59.7 сая ам доллар.

2020-2024 онд буюу 4 жилийн хугацаанд нийт 50.8 сая еврог буцалтгүй тусламжаар төсвийн дэмжлэг хэлбэрээр хүлээж авахаас 2020 онд 16 сая евро буюу 18 сая ам.доллар хүлээж авна. Хараахан орж ирээгүй байна.

Төсвийн дэмжлэгээс гадна Засгийн газар Ковид-19 халдвараас урьдчилан сэргийлэх, халдварыг оношлох, эмчлэх чадавхийг бүрдүүлэх зорилгоор эрүүл мэндийн салбарт нэн шаардлагатай тоног төхөөрөмж, багаж хэрэгсэл нийлүүлэх төслийн санхүүжилт хэлбэрээр нэн хөнгөлөлттэй зээл, тусламжийн эх үүсвэрүүд бүрдүүлсэн.

4. Дэлхийн банкнаас 26.9 сая доллар.

2020 оны 04 дүгээр сарын 09-ний өдөр Зээлийн хэлэлцээрт гарын үсэг зурсан. Ингэснээр Хан-Уул дүүрэгт байрлах 300 ортой төрөх эмнэлэг, АШУҮИС-ийн дэргэдэх сургалтын эмнэлэг, Улсын Гуравдугаар төв эмнэлэг болон Нийслэлийн 9 дүүргийн нэгдсэн эмнэлэг, орон нутаг дахь нэгдсэн эмнэлгүүдийг 1000 орчим нэр төрлийн 11 500 гаруй тоног төхөөрөмжөөр хангаж, 1000 ортой эмнэлэг дэлгэн ажиллуулах боломж бүрдэх юм. Төслийн хүрээнд тоног төхөөрөмж, багаж хэрэгслийн худалдан авалтыг Дэлхийн банкны журмын дагуу Эрүүл мэндийн яам зохион байгуулах бөгөөд санхүүжилт нь тоног төхөөрөмж нийлүүлэгч компани руу Дэлхийн банкнаас тухай бүр шилжинэ.

5. Японы Засгийн газраас 1.2 тэрбум иен буюу 9 сая 319 мянган ам доллар.

2020 оны 06 дугаар сарын 17-ны өдөр хоёр өөр тусламжийн нот бичигт гарын үсэг зурсан.

Эхний 1.0 тэрбум иенийг "Эдийн засаг, нийгмийн хөгжлийг дэмжихэд чиглэсэн буцалтгүй тусламж” хэлбэрээр буюу "COVID-19" цар тахалтай тэмцэхэд зориулан эмнэлгийн машин болон эмчилгээний аппарат, тоног төхөөрөмж, хэрэгсэл Япон Улсаас нийлүүлнэ. Эдгээрийг худалдан авах, тээвэрлэх, нийлүүлэх ажлыг JICS (Japan International Cooperation System) байгууллага шууд хариуцан гүйцэтгэх бөгөөд санхүүжилт нь Япон Улс дотроо шууд шилжинэ.

249 сая иенийг Япон Улсын их, дээд сургуулиудад Монгол Улсаас хүмүүс сургахад "Хүний нөөцийг хөгжүүлэх тэтгэлэгт хөтөлбөр”-ийн хүрээнд буцалтгүй тусламж хэлбэрээр зарцуулна.

6. АНУ-ын Элчин сайдын яамнаас 1.2 сая ам доллар.

2020 оны 03 дугаар сарын 24-ний өдөр АНУ-ын Засгийн газар КОВИД-19 халдварын эсрэг тэмцэхэд зориулж Засгийн газарт 1.2 сая ам. доллар буюу 3.3 тэрбум гаруй төгрөгийн дэмжлэг үзүүлэх болсон. Энэ дэмжлэгийг АНУ-ын Олон улсын хөгжлийн агентлагаар (ОУХА) дамжуулан Эрүүл мэндийн яам, Монгол дахь ДЭМБ, НҮБ-ын Хүүхдийн санд халдвараас сэргийлэх болон халдварын үеийн хяналтын тогтолцоог сайжруулах чиглэлээр олгоно.

7. НҮБ-ийн Хөгжлийн хөтөлбөрөөс 200 мянган ам долларын зээл тусламж авсан.

НҮБ-ын Хөгжлийн хөтөлбөр нь НҮБ-ын системийн байгууллагын хувьд ДЭМБ-тай нягт хамтран ажиллаж байгаа. НҮБ-ын системийн байгууллагууд УОК, ОБЕГ, ЭМЯ-тай Ковид-19 цар тахлын нөхцөл байдал үүссэн үеээс эхлэн шуурхай хамтран ажиллаж төрөл бүрийн шаардлагатай эм, эмнэлгийн хэрэгсэл, хамгаалах хэрэгсэл нийлүүлэх, халдвараас урьдчилан сэргийлэх, эмчлэх чадавхийг бэхжүүлэх хүрээнд дээрх тусламжийг үзүүлжээ.

More 220 0

Category: Онцлох / Эдийн засаг