Америкийн залуу дуучин Селена Гомез Канадын дуучин Жастин Бибертэй хар багаасаа үерсэн. 2010 оноос эхэлсэн тэдний харилцаа тийм ч дардан байсангүй. Олон удаа салж нийлсний эцэст бүр мөсөн салцгааж, Жастин Бибер ч нэг насны хайраа олж Холливүүдийн алдарт жүжигчний охин модель бүсгүй Хайли Балдвинтай нууцхан гэрлээд амжсан. Тэдний жаргалтай бал сарын зургууд цахим ертөнцөөр тараад байгаа нь Селенад таатай байхгүй нь ойлгомжтой.

Жастин Биберээс түр салахдаа Селана дуучин Вийкэндтэй хэсэгхэн хугацаанд үерхсэн. Тэдний харилцаа дуу хөгжим сонирхогчдын ярианы сэдэв болж байсан ч Селена эргээд Жастинтай нийлж Вийкэндийг орхисон юм. Төд удалгүй Жастин Бибер Хайли нарын тухай яриа тарж эхэлсэн билээ. Харин дуучин Вийкэнд өмнө нь үерхэж байсан Викториас Секрет шоуны супер модель Белла Хадидтай эргэн нийлж тэд хамтдаа Беллагийн 22 насны төрсөн өдрийг хамдаа тэмдэглэж байна. Ийнхүү Жастин, Вийкэнд нар өөр өөрсдийн жинхэнэ хайраа олж Селена цор ганцаараа үлджээ. Хоёр хоногийн өмнө болсон "American music awards”-т Селена ирсэнгүй. Тэрбээр сүүлийн хоёр долоо хоногийн дотор хоёр ч удаа эмнэлэгт хэвтсэн сурагтай.