БНСУ-д оршин сууж буй гадаад иргэдийн тоо жилээс жилд нэмэгдэхийн хирээр нийгмийн цөөнх болсон эдгээр иргэд гэмт хэргийн хохирогч болох тохиолдолд мөрдөн байцаалтын явцад эдлэх эрх, авч болох эрхзүйн туслалцааны талаарх мэдээлэл хангалтгүй байдаг. Иймд БНСУ-ын Прокурорын газраас “Гэмт хэргийн хохирогч болсон гадаад иргэдийн эрх болон эрх зүйн туслалцаа авах тогтолцооны талаарх мэдээлэл”-ийг боловсруулан ирүүлжээ.