Алан хядагч "Лалын улс” бүлэглэлийн тэргүүн Абу Бакр аль-Багдади өөрсдийн барьцаанд авсан 26 настай америк бүсгүй  Кайла Жин Мюллерийг секс боол болгон байнга хүчирхийлдэг нь тодорхой болжээ.
Хүмүүнлэгийн ажилтан Кайла Жин Мюллерийг сирийн Алеппо хотод ажиллаж байхад нь 2013 оны наймдугаар сард "Лалын улс”-ынхан баривчлан барьцаанд авсан юм. Тэгээд энэ оны хоёрдугаар сард олон улсын эвслийн хүчин агаараас бөмбөгдөх үеэр америк бүсгүй амь үрэгдсэн гэж "Лалын улс” бүлэглэлийнхэн мэдээлсэн. Гэтэл хагас жилийн дараа 26 настай америк бүсгүй амьд байгаагаар барахгүй эмгэнэлтэй байдалд байгааг америкийн тусгай албаныхан тодруулсан байна.

                                            Кайла Мюллер

Тусгай албаны төлөөлөгчийн хэлснээр бол америк бүсгүйтэй хамт хоригдож байгаад зугтаасан өөр нэг хоригдол, Мюллерийг "Лалын улс” бүлэглэлийн тэргүүн Абу Бакр аль-Багдади өөрөө секс боол болгон эзэмддэг гэдгийг баталжээ. Өнгөн дээрээ бол Кайла Мюллер "Лалын улс” бүлэглэлийн санхүүч Абу Сайяфа болон түүний эхнэрийн өмч гэнэ. Гэхдээ Багдади түүнийг нэг биш удаа авч хүчирхийлсэн гэдгийг "Лалын улс”-ынхны барьцаанд байгаад 2014 оны аравдугаар сард иракын Курдистанаас зугтаасан 14 настай езид охины яриа баталж байна.
Түүний яриагаар бол аль-Багдади Мюллерийг өөрийн хамтран зүтгэгч Абу Сайяфагийн гэрт очиж байнга авдаг байжээ. Тэрээр америк бүсгүйг хүчирхийлэхийн зэрэгцээ тамладаг байсан гэнэ.
Абу Сайяфагийн гэрт Кайлагаас  гадна гурван ч бүсгүй байдаг нь бүгд секс боол гэнэ.  Зарим бүсгүй нь зугтаж амжсан ч Кайла гадаад төрх нь хэн бүхэнд танигдах болохоор айгаад тэдэнтэй хамт зугтаагаагүй гэж охид ярьсан байна.
Эх сурвалж: www.assa.mn