Олон улсын сансрын станцад сансрын хөлгийн гадна үйл ажиллагаа явуулах “Teledroid” туршилтын роботуудыг 2020 оноос угсарч эхэлнэ гэж ОХУ-ын технологийн “Android” компанийн гүйцэтгэх захирлын үүрэг гүйцэтгэгч Евгений Дудоров мэдэгджээ. 

“Энэ оны эцэс гэхэд бид загварын онцлох тодорхойлолтуудыг боловсруулж дуусган ирэх оноос роботуудын анхны загваруудыг угсарч, үйлдвэрлэж эхэлнэ” гэж Е.Дудоров мэдэгдсэн байна. Олон улсын сансрын станц дээр үүрэг гүйцэтгэх “Teledroid” туршилтын загварт зориулсан техникийн даалгаврыг 2019 эхээр баталсан бөгөөд 2022 он гэхэд роботын эцсийн хувилбарыг хүлээж авахаар тооцоолжээ.

Т.Есүхэйтөмөр