Кени улсын "Chyulu Hills" амьтны хүрээлэнгийн судалт тахь /эрээн тахь/ нэгэн хачирхалтай унага төрүүлсэн нь биеийнхээ зарим хэсгээр толбогүй байжээ. Иймээс "Sheldrick Wildlife Trust" мал амьтныг аварч, асран хамгаалах байгууллагын ажилчид унагыг шалгаж үзээд судалт тахь, илжиг хоёрын эрлийз буюу "zonkey" болохыг нь тогтоосон байна. Эх судалт тахь нь өнчин бөгөөд орон нутгийн үхэр сүрэг дунд амьдарч байхад нь амьтан асран хамгаалах байгууллагын ажилчид олсон байна. "Chyulu Hills" амьтны хүрээлэн нь ихэвчлэн өнчин заан, хирс зэрэг амьтдыг асран хамгаалдаг аж. Судалт тахийг 12 сартай хээлтэй байхад нь хүрээлэнгийн ажилчид хэрхэн хээлтсэнийг нь мэдэхээр судалж эхэлсэн ба хүрээлэнд ирэхээс өмнө байсан түүний үхэр сүрэгт илжиг байсан талаар олж мэджээ. Хүрээлэнгийн ажилчдын хэлснээр энэ нь маш ховор тохиолдол бөгөөд судалт хөлтэй илжгэн биетэй байгаа нь хэвийн амьдрахад нь төдийлөн нөлөөлөхгүй аж.

А.Эрхэмбаяр

Эх сурвалж: CNN