УИХ-ын гишүүн Ш.Адьшаа Үнэн ба зөв намын дарга А.Отгонбаатарыг зөвлөхөөрөө ажиллуулахаар тушаал гаргажээ. Түүнийг 2021 оны хоёрдугаар сарын 1-нээс уг албан тушаалд ажиллуулах саналыг УИХ-ын Ерөнхий нарийн бичгийн дарга Л.Өлзийсайханд хүргүүлсэн байна. Ийнхүү Үнэн ба зөв намын дарга А.Отгонбаатар УИХ дахь АН-ын бүлгийн гишүүний зөвлөхөөр ажиллах нь тодорхой боллоо.
Өчигдөр буюу нэгдүгээр сарын 20-нд болсон жагсаалд А.Отгонбаатар идэвхтэй оролцож, УОК, Эрүүл мэндийн яамны удирдлагуудыг огцрохыг шаардаж төв талбайд хамгийн эхэнд очсон.
Талбайд цугларсан олны дотор сайн дураараа очсон залуус их байсан ч энэ мэт намын харьяалалтай, ман-ыг турхирсан нөхдийн төлөөлөл ч нэлээдгүй байсанг эл үйлдэл гэрчлэх мэт. Жагсаал цуглааныг улс төржүүлэх гэж хичээсний үр дүнд төрийн албан хаагч болжээ. Дахиад л нэг амбиц хөөсөн нөхөр төрийн албаны суудалд сууснаар ард иргэдийн төлөө ажиллаж чадах уу гэдэг эргэлзээтэй. Нөгөө талаас дээрх явдал эрхийнхээ төлөө зогссон олон залуусын урмыг хугалж байгаа аж.
Сэтгэгдэл