Энэ сарын 11-нээс эхлэх хөл хорионы үеэр зайлшгүй ажиллах шаардлагатай 10 салбарын ажилтнууд л нийтийн тээврээр үйлчлүүлнэ. Мөн эдгээр салбарын ажилчид хувийн машинаараа зорчиж болно.   

Хөл хорионы үеэр бусад иргэдэд нийтийн тээвэр үйлчлэхгүй. Иргэд гэрээс гарахгүй байх зарчим баримтална. Нийтийн тээвэрт цөөн тооны иргэд зорчино. Зөвхөн цонхон талд суухыг зөвшөөрнө. Амны хаалт, бээлий заавал өмссөн байхыг шаардана. Жолооч, хянагчид үүнд  хяналт тавина.