Баруунсалааны замд цэвэрлэгээ хийж зогссон ТҮК-ийн ажилтны өмнө гялтганасан хар жийп машин зогсоод нэг ширхэг вакус, 20 мянган төгрөгтэй өгчихөөд хөдлөв.
ТҮК-ийн ажилтны шүүрээ бариад хойноос нь хараад л зогсоод байсан тэр харцны гайхсан, баярласныг ээ. Хэсэг хөшсөн мэт зогсоод бээлийгээ тайлж уур савссан гартаа атгасаар нямбайлан далд хийсэн тэр 20 мянгатын дэвсгэрт өдөржин энгэрээс нь халуу дүүгүүлсээр харих байх даа.
Гэрэл зурагт үлдээгүй, инстаграмм, фэйсбүүкийн сторинд ч хадгалагдахгүй ийм тус л хайруу өвлөөс илч дулааныг мэдрүүлж, хэн нэгний сэтгэлийн галыг насан туршид нь өрддөг байх.
Одоо тэр харих замдаа 20 мянган төгрөгөө гаднаас нь тэмтэрч нэг үзээд, гаргаж ирж имэрч нэг үзээд л, хожим "Нэг танихгүй хүн надад 20 мянган төгрөг өгөөд..." гэж өвөл, хаврын алинд ч өнгө өнгийн инээмсэглэлтэй хамт зурагласаар, ярьсаар л явна даа.
Сэтгэгдэл