Монголын жүдо бөхийн шилдэг тамирчдын нэг Ц.Наранжаргал Professional Fighters League буюу PFL холбоонд шинэ гэрээ байгуулжээ.

Тус холбооны аварга нь жүдо бөхийн -78 кг-ын жинд зодоглож байсан АНУ-ын Кайла Харрисон юм.

Жүдо бөхийн насанд хүрэгчдийн 11 дэх удаагийн улсын аварга Ц.Наранжаргалын хувьд дотоодын MFC холбоонд тулалдаж, чөлөөт бөхийн залуу тамирчин Д.Цогзолмааг ялж, АНУ-ыг зорьж, тулалдах эрхээ авсан юм.

Тэрбээр жүдо бөхийн -70 кг-ын жинд өрсөлдөж, 2016 оны "Рио"-гийн олимпод оролцсон түүхтэй. Мөн багийн дэлхийн аваргын мөнгө, Азийн наадмын гурван хүрэл, Азийн аваргын алт, мөнгө, хүрэл медаль хүртэж байв.