Эдгээр ресторан нь Хойд Солонгосын Элчин сайдын яамнаас гаргасан шинэ журмын дагуу Өмнөдийн иргэдэд үйлчлэхгүй байх хатуу бодлого баримталж байна.

Хилийн Дандон хот дахь Рьюгён рестораны нэгэн ажилтан хэлэхдээ ойр хавийн ресторанууд он гарснаас хойш өмнөд солонгосчуудад үйлчлэх хориотой болсон гэжээ. Мөн Бээжин дэх зарим ресторан хэрэглэгчдийг үүдээр орж ирэх үед "Та солонгос хүн үү" гэж асуудаг болсон байна. Хэрвээ үйлчлүүлэгч Өмнөд Солонгос гэж хариулах юм бол "Та ийшээ орох боломжгүй. Бид танд үйлчлэх боломжгүй. Уучлаарай, та явна уу. Бид зөвхөн хятад хүмүүст л үйлчилдэг" гэж хэлдэг. Энэ нь байнгын үйлчлүүлэгчдийг гомдоох болсон ч бизнес эрхлэгчид хоригийг мөрдсөөр байна.

Энэхүү хориг нь хойд солонгосчууд Өмнөд Солонгосыг хамтын ажиллагааны боломжит түнш гэхээсээ илүү дайсан гэж үзэж буйг илэрхийлнэ гэж шинжээчид үзэв.

"Умардууд өмнөдөөс ирж буй дарамт шахалтыг ашиглан дотооддоо эв нэгдлээ бэхжүүлж байна. Тиймээс хилийн чанадад үйл ажиллагаа эрхэлдэг ресторануудад Өмнөдийн эсрэг үзлийг эрчимжүүлэх зааварчилгаа өгсөн байх магадлалтай" гэж эх сурвалж мэдээллээ.

Эх сурвалж: NEXT SHARK