Сэлэнгэ аймагт уулын уруу өнхөрч байсан автомашинд дайруулж нас барсан харамсалтай хэрэг гарчээ. Тодруулбал, Цагдаагийн байгууллагат өчигдөр /2025.03.19/ "автомашинд хүн дайруулж, нас барсан” гэх дуудлага, мэдээлэл бүртгэгдсэн байна. Дуудлагын дагуу шалгалтын ажиллагаа явуулахад 17 настай иргэн “А” нь уулын уруу өнхөрч байсан Hyundai Porter маркийн автомашиныг зогсоох гэж байгаад дайруулж, нас барсан байж болзошгүй нөхцөл байдал тогтоогдсон байна.
Осол болсон газар Сэлэнгэ аймгийн Цагаан худгийн даваа гэх нэртэй газар байжээ.
Иймд жолооч, иргэдийг тээврийн хэрэгслийнхээ бүрэн бүтэн байдлыг тогтмол шалгаж, уруу газар байршуулахдаа аюулгүй байдлыг ханган болзошгүй эрсдэлээс урьдчилан сэргийлэхийг Цагдаагийн байгууллагаас анхаарууллаа.
Сэтгэгдэл