Эдийн засгийн байнгын хорооны Монгол банкны 2012-2016 оны үйл ажиллагааг шалгах ажлын хэсгээс гарсан санал дүгнэлтийг УИХ-ын байнгын хороодоор хэлэлцүүлж байгаа билээ.

Тус ажлын хэсэгт ажилласан УИХ-ын гишүүн Ц.Даваасүрэн тухайн үед Төсвийн байнгын хорооны даргаар ажиллаж байхдаа бие даагч гишүүдийн хамт Монгол банкны ерөнхийлөгч Н.Золжаргалыг хариуцсан салбараа удирдах ажлын дадлага туршлага, чадваргүй, валютын ханшийг барьж чадаагүй зэрэг үндэслэлээр огцруулах саналыг хоёр удаа өргөн барьж байсан. Гэвч тухайн үеийн УИХ-ын дарга З.Энхболд түүнийг цээжээрээ хамгаалан албан тушаалд нь авч үлдсэн юм.

Тухайн үеийн УИХ-ын даргын энэ хууль бус үйлдэл үйлдэл нь Монгол улсын эдийн засгийг доройтуулах, төв банкны үйл ажиллагааг сулруулах ажлыг гүнзгийрүүлсэн болохыг өнөөгийн Монгол банкинд хийсэн шалтгалтын дүн харуулж байгаа билээ.