Улаанбаатар /МОНЦАМЭ/. Монгол Улс Үндэсний эрх чөлөө, тусгаар тогтнолоо сэргээн мандуулсаны 106 жилийн ой, Ерөнхийлөгчийн цомын төлөөх үндэсний бөхийн барилдаан энэ сарын 29-нд болно.

Бөх сонирхогчдын хүсэн хүлээсэн тус барилдаанд чансаа өндөр 128 бөх зодоглоно. Энэхүү барилдаан анхудаа 2011 онд болоход аварга С.Мөнхбат түрүүлсэн бол 2012 онд улсын заан М.Өсөхбаяр, 2013 онд улсынзаан Б.Пүрэвсайхан, 2014 онд аварга С.Мөнхбат, 2015 онд заан Б.Пүрэвсайхан, 2016 онд арслан Р.Пүрэвдагва нар тус тус түрүүлж байв.