Кофег тааруулж хэрэглэвэл эрүүл мэндэд ашиг тустай гэдэг нь аль хэдийн тодорхой болсон. Энэ ундаа зүрх судасны өвчин, чихрийн шижин, паркинсоны өвчнөөс сэргийлж, сэтгэл санааг сэргээдэг. Тэгвэл кофег их хэмжээгээр уусан ч ашиг тустай аж. Ийм дүгнэлтэд Америкийн эрдэмтэд хүрсэн байна. 

Мэргэжилтнүүд хагас сая гаруй хүний мэдээлэлд дүн шинжилгээ хийжээ. Кофе уудаг хүмүүсийн хувьд нас барах магадлал илүү бага байсныг судлаачид олж мэдэв. Өдөрт найман аяга кофе уудаг хүмүүс ч ажиглалтын үе шатанд нас барах магадлал бусдаас бага байсан аж. Судлаачид цаашид нарийвчилсан судалгаа хийхээр болжээ.