Scandal.mn

Группийн мөнгөнд “шургалсан” намчирхал

2016/09/19

Группийн мөнгөнд “шургалсан” намчирхал

Author: saikhnaa on 19-09-2016, 11:02

2016 оны сонгуулийн дараа байгуулагдсан үнэмлэхүй ялагч МАН-ын Засгийн газар болж өгвөл хэмнэлт хийхийг хүссэн. Уг нь бол зөв бодлого. Бид хэмнэж болох бүхнээ хэмнэх л ёстой. Гэхдээ ард иргэд гэртээ идэж байгаа хоолныхоо ногоог цөөлж, хонины махаа ямааныхаар солих биш л дээ. Хүн гэртээ яаж хэмнэх нь өөрийн дур. Харин төрийн хэмжээнд өгч байгаа хавтгай халамж, зарж байгаа их мөнгөө л хасаж, танаж, хэмнэх ёстой юм.

Түүнийгээ эрх баригчид яг нарийн ойлгож чадахгүй байсан. Зарим гишүүд нь хэмнэлт гэхээр иргэд талхаа масло түрхэлгүй идэхийг хэлэх юм шиг ойлгоод, чуулганы танхимаас ард түмнээ загнаж ч байх шиг. Энэ мэтээр өрнөсөн хэмнэлт сүүлдээ эргэлт буцалтаар л дууссан. Гэвч ам нээснийх ганц нэг үр дүн гарч байгаа бололтой. Тухайлбал, хөдөө орон нутагт хавтгайрчихаад байсан группийн мөнгийг эмх цэгцэнд нь оруулж байгаа гэнэ.

Ер нь бол хөдөөд группийн мөнгийг таньдаг эмчээрээ магадлагаа бичүүлээд авдаг байдал хэрээс хэтэрчихсэн байсан. Худал хэлсэн хүнд цөөн хүн амтай жижиг сумын бүх иргэд группийн мөнгө авдаг байлаа. Хараа нь жаахан муу бол сохорчихсон мэтээр бичиг бичүүлээд л групп авна. Хөл нь жаахан доголдог бол хугараад, тасраад уначихсан, ажил хийх боломжгүй гэх мэтээр сүртэй магадлагаа таньдаг эмчээрээ бичүүлээд л төрөөс мөнгө "зулгаана”. Ингэж л халамжийг танил талаараа дамжуулж хавтгайруулж байлаа. Харин МАН-ын Засгийн газар энэ бүхнийг эмх цэгцэнд нь оруулж байгаа гэнэ ээ.

Маш зөв зүйтэй алхам. Харин энэ зөв ажилд нэг буруу жишиг тогтоод байна гэнэ ээ, цаана чинь. УИХ-ын гишүүд, сайд дарга нарт огт хүртээлгүй, дунд шатанд завхруулдаг заваан жишиг хаа сайгүй байгаа. Тэр дундаа суманд. Тэгвэл Засгийн газраас хавтгайрсан халамжийг халж байгаа энэ зөв бодлогыг суманд завааруулж, МАН-ын гишүүн бол эрүүл байсан ч группт оруулж байна гэнэ. Харин АН-ын хүн бол өрөөсөн хөлтэй байсан ч группийнх нь мөнгийг хасаад, намаар нь хувааж буй сурагтай. Ийм заваан намчирхалаа болиулаач ээ, нөхдүүд ээ.

Тэр дундаа дунд шатанд байгаа "хурган дарга” нарын хуудуутай, муйхар, тэнэглэл нь хэрээс хэтэрсэн үйлдлүүдийг хянадаг, цагддаг болмоор байна аа, гишүүд ээ. Төр засгийнхан нь хуралдаж хуралдаж, нэг шийдвэр гаргаад, зөв зүйтэй ажил хийх гэдэг. Гэтэл дунд шатандаа очоод л намчирхал, танил тал, авлига хээл хахуулын "тор”-нд орооцолдож, гацчихаад байна, тэр ажил чинь. Ерөөс бүхий л ажил дунд шатанд очиж замхардаг, балардаг жишиг улс орныг "алж” байна. Манайхан болохоор хэдэн гишүүд, сайд нартайгаа л үзээд байдаг.

Гэтэл завсарт нь дунд шатны зувчуулаачид чинь төрийн ажлаар тоглож гүйцлээ. Угаасаа манай улсад халамжийн хавтгайрлыг халах цаг болсон. Бүгд ядуу болох гэж оролдож, танил талаараа дамжуулж бичиг цуглуулаад, халамж авдаг. Төрөөс өгч байгаа мөнгөөр гэдсээ цатгачихаад, юу ч хийхгүй хэвтэж байдаг нөхдүүд хаа сайгүй болчихсон. Тэр дундаа суманд. Тиймээс л сум орон нутаг хөгжиж, жижиг, дунд үйлдвэрлэл урагшаа ахихгүй байна. Хаанаас, ямар халамж өгч байна, тэр болгоныг ямар нэг аргаар аваад сурчихсан баячууд хүртэл байгаа шүү дээ. Энэ бүхнийг зоригтойхон халах нь зөв.

Харин тэр бодлоготоо намчирхал хутгачих юм бол тэгээд л сүйрч байна гэсэн үг. АН намынх бол үгээгүй ядуу, өрөөсөн хөлтэй ч байсан халамжийг нь хасаад. МАН намынх бол өнгөтэй өөдтэй, өвчин зовлонгүй ч байсан халамжлаад явчихвал төрийн бодлого хадуурчихаж байгаагаас ялгаа юун. Эрхэм сайдууд, бодлого гаргагчид шийдвэр гаргачихаад, дараа нь дунд шатанд юу болж байгааг нэг хяначихдаг тогтолцоотой болмоор юм даа.

Эх сурвалж: Mminfo.mn

More 286 0

Category: Гол мэдээ / Мэдээ мэдээлэл

Гудамжинд загас наадуулсан беларусь хосод нэг жилийн хорих ял оноожээ \14+\

2016/09/19

Гудамжинд загас наадуулсан беларусь хосод нэг жилийн хорих ял оноожээ \14+\

Author: zulaa on 19-09-2016, 10:55

More 367 0

Category: Мэдээ мэдээлэл

Хөрөнгө оруулагчид өрөнд баригдсан Монголоос дайжиж байна

2016/09/19

Хөрөнгө оруулагчид өрөнд баригдсан Монголоос дайжиж байна

Author: saikhnaa on 19-09-2016, 09:59

Дэлхийн санхүү, бизнесийн нөлөө бүхий "Wall street journal” сэтгүүлд Каролин Күй, Жули Верну нарын бичсэн ийм нийтлэл хэвлэгджээ.

Хөрөнгө оруулагчид нэмэлт орлого олохын төлөө явдаггүй газар энэ дэлхий дээр ховор. Гэвч Монгол руу зүглэх нь тэд нарт дэндүү эрсдэлтэй болжээ. Уг нь дэлхийн санхүүгийн менежерүүд хүн ам сийрэг, алтаар баялаг энэ орон руу тэмүүлж байсан нь саяхан. Хэдий тийм ч хөрөнгө оруулагчид өнгөрсөн долдугаар сард Монголын өр зургаан хувиар өсч, уул уурхайн бүтээгдэхүүний үнэ унасны дараа өөр улсууд руу дайжих болжээ.

Дээр нь Монголын Сангийн сайд дэлхийн хөрөнгө оруулагчдыг айлган мэдэгдэл хийхдээ, төлөвлөж байсан 55 хувиас тус улсын Засгийн газрын өр ДНБ-ий 78 хувьд хүрснийг зарласан билээ. Үүний дараа Монголын зах зээлд ам.доллартай холбогдсон өр сарын дотор 7.7 хувиар өсч, хөгжиж буй орнуудын дотор энэхүү үзүүлэлтээрээ "тэргүүлсэн”.

Олон улсын санхүүгийн дээд сургуулийн Ази, Номхон далайн тэргүүн эдийн засагч Бежой Дас Гупта хэлэхдээ,”Саяхан хүртэл Монгол Улс хөрөнгө оруулагчдыг хамгийн ихээр татагч байсан юм. Гэхдээ зах зээлийн байдал өөрчлөгдөнгүүт бүгд энэ улсаас маш хурдан дайжсан” гэжээ.

Уг нь Монгол Улс дэлхийн зах зээл дээр нэлээд үр ашигтэй өрийн зээлийн бичиг үйлдэх цөөхөн улсуудын нэг байсан юм. 2011 онд тус улс зэс, алт, төмрийн хүдрийн зах зээл дэх үнэ өссөний улмаас эдийн засгийн өсөлтөөрөө 17 хувиар дэлхийд тэргүүлж байсан билээ.

Тийм ч учир гадаадын хөрөнгө оруулагчид тус улсын Засгийн газар, банк, уул уурхайн компаниудыг мөнгөөр дэмжсэн билээ. "Ройтерс Томсон”-ий сүүлийн мэдээллээр бол тэдний дунд, "BlackRock Inc.”, "Franklin Templeton”, "Goldman Sachs Group Inc.”, "UBS Global Asset Management” зэрэг компани байгаа аж.

Энд тэмдэглэхэд, 2015 он хүртэл сүүлийн таван жилд Монголын өр 264 хувь буюу дэлхийд хамгийн ихээр нэмэгдсэн гэж "Moody’s Investors Service” тооцоолсон байна.

Ер нь, дэлхийн уул уурхайн бүтээгдэхүүний үнэ 2011 оноос хойш унасан юм. Иймээс АНУ-ны хөрөнгө оруулагчид хөгжиж буй улс орнуудын бондыг худалдан авах сонирхол буурсан билээ.

Энэ жилийн эхний улиралд гэхэд Монголын гадаад өр 22.6 тэрбум ам.долларт хүрсэн бөгөөд энэ нь тус улсын эдийн засгийн 11.8 тэрбум ам.долларын өртөгөөс ямархуу өндөр үзүүлэлт гэдгийг төсөөлөөрэй.

ОУВС-ийн мэдээллээр бол, нийгэм, бизнесийн хувийн салбарын хоёр тэрбум ам.долларын 500 сая ам.долларыг тус улсын 21 аймгийг холбох дуусаагүй замын хөтөлбөрт зарцуулжээ.

Хэдий тийм ч гадаадын хөрөнгө оруулагчид алт, зэсний маш их баялагтай уул уурхай тус улсын эдийн засгийг өөд нь татна гэдэгт найдаж байна. 2015 оны арванхоёрдугаар сард Монголын Засгийн газар "Рио Тинто” корпорацитай дөрвөн жил хэлэлцсэний эцэст дэлхийн хамгийн том зэсийн нөөцтэй гэгддэг Оюутолгойн зэс, алтны 4.4 тэрбум ам.доллар бүхий гэрээг байгуулсан билээ. Гэхдээ хэлэлцээ дэндүү сунжирсан бөгөөд энэ үеэр дэлхийн зах зээл дэх зэсийн үнэ унасан юм.

Монголын эдийн засгийн байдал хүндэрч эхлэнгүүт Засгийн газар нь яаралтай арга хэмжээ авч эхэлжээ. Өнгөрсөн наймдугаар сард Монголын Засгийн газар нийгмийн, цэргийн салбарынхнаа цалинг тавьж чадахгүйд хүрснээ албан ёсоор зарлаж, банкны бодлогын хүүгээ 4.5 хувьд хүргэсэн байна.

Иймээс ч "Moody’s” агентлаг Монгол Улсын зээлжих эрхийг бууруулжээ. "Standard & Poor’s” ч ийм алхам хийсэн юм.

Хөгжиж буй зах зээлд, үүний дотор Монголын зах зээл есөн тэрбум ам.долларын хөрөнгө эргүүлдэг "Aberdeen Asset Management”-ийн Кевин Дэйли, "Хэрэв Монгол Улс ОУВС-д хандвал хөрөнгө оруулагчид тус улс өрөө төлөх боломжтой болно гэдэгт итгэлтэй болно” гэжээ. Ингэхэд, өнгөрсөн наймдугаар сард ОУВС-ийн төлөөлөгчид Монголд айлчилсан билээ.

Гэхдээ Монголын байдал хөгжиж буй бусад орнуудын зах зээлээс эрс ялгаатай. Юу гэвэл, энэ оны эхний найман сарын байдлаар хөгжиж буй орнуудын зах зээлд 80 тэрбум ам.долларын хөрөнгө цутгажээ. Үүнээс хөрөнгө оруулагчид 14.7 хувийн ашиг олсон байна.

Жөгжиж буй орнуудад 456.19 тэрбум ам.долларын хөрөнгө оруулалтын эрх бүхий "Schroder Investment Management Ltd”-ийн захирал Жим Барринугийн хэлж буйгаар, "АНУ-ын Холбооны нөөцийн газар бодлогынхоо хүүг нэмэгдүүлснээр, дэлхий даяар санхүүгийн байдалд нөлөөлөн хөгжиж буй орнуудын санхүүгийн ил тод байдалд таагүй нөлөө үзүүлнэ” гэжээ.

НҮБ-ын Худалдааны жилийн тайланд, Монгол Улс 2015 онд экспортынхоо 45 хувийг зэсийн худалдаанаас олсон гэсэн байна.

"Gramercy Funds Management LLC”-ийн шинжээч Катрин Эксам, "Өнөөгийн зах зээлийн нөхцөл байдал болон ОУВС-ийн байр сууринаас үүдвэл Монгол Улсад хөрөнгө оруулагчид нааштай хандах төлөвтэй. Гэхдээ суурь үнэлгээгээр бол Монголд хөрөнгө оруулах нь дэндүү үнэтэй харагдаж байна” гэжээ.

Эх сурвалж: "Зууны мэдээ” сонин

More 432 0

Category: Мэдээ мэдээлэл

Цагдаа нар баривчилгааны үеэр галт зэвсэг ашиглажээ

2016/09/17

Цагдаа нар баривчилгааны үеэр галт зэвсэг ашиглажээ

Author: saikhnaa on 17-09-2016, 16:00

Энэ сарын 15-16-нд шилжих шөнийн 04:00 цагийн орчимд Эрүүгийн цагдаагийн газрын Хар тамхитай тэмцэх хэлтсийн алба хаагчид Сүхбаатар , Чингэлтэй дүүргийн нутаг дэвсгэрээс хар тамхи хууль бусаар зарж борлуулдаг, хэрэглэдэг бүлэг этгээдүүдийг баривчилсан байна.

Баривчлах ажиллагааны үеэр сэжигтнүүд автомашинтайгаа зугтахыг оролдож, улмаар цагдаагийн алба хаагчийн биед халдаж албаны автомашин мөргөсөн байна. Тиймээс Хар тамхитай тэмцэх хэлстийн алба хаагчид баривчилгааны үеэр галт зэвсэг хэрэглэн саатуулжээ.

Сэжигтнүүд нь Улаанбаатар хотын харьяат 18-35 насны нийт долоон хүн байжээ. Хэргийн газраас эд мөрийн баримтаар, айс буюу мөс, каннабисийн ургамалын төрөл буюу боловсруулсан шавар, мансуурууулах сэтгэцэд нөлөөлөх экстази болон эдгээрийг хэрэглэх гуурс, мөнгөн цаас зэрэг хэрэгслүүд хураан авсан байна.

Баригдсан этгээдүүдийн гурав нь өмнө нь хар тамхины хэрэгт холбогдон шалгагдаж, хавтаст хэрэг нь прокурорын газарт хянагдаж байх үед давтан гэмт хэрэг үйлдсэн нь тогтоогджээ. Тэднийг ШШГЕГ-ын харьяа цагдан хорих 461-р ангид хорьж, хар тамхи хууль бусаар худалдан борлуулж хэрэглэсэн, давтан үйлдлээр гэх үндэслэлээр Монгол улсын Эрүүгийн хуулийн 192.2, 230.1 зааснаар хэрэг үүсгэн шалгаж байна.

В.Бат

More 435 0

Category: Гол мэдээ / Мэдээ мэдээлэл

104 тэрбум төгрөг хаашаа яаж оров!

2016/09/17

104 тэрбум төгрөг хаашаа яаж оров!

Author: saikhnaa on 17-09-2016, 13:56

"2012-2016 онуудад гэр хорооллын дахин төлөвлөлтөөр 24 баршилд 34 төсөл хэрэгжүүлэгч сонгон шалгаруулалтаар шалгарсан. Одоогийн байдлаар 18 төсөл хэрэгжүүлэгчийн ажлын явц зогссон, 3 нь огт барилгын ажлаа эхлүүлээгүй, ажил удааширсан байдалтай байна. Нийтдээ дахин төлөвлөлтийн хүрээнд 78 мянган орон сууц барихаар төлөвлөж байсан ч өнөөдөр нэг хувьд ч хүрэхгүй байна. Ажил ингэж удааширч, гацах болсон шалтгаан нь гэр хорооллын дахин төлөвлөлтөөр газраа чөлөөлсөн иргэдийг түр суурьшуулах зориулалттай барьсан 300 айлын орон сууцыг зориулалтаар нь ашиглаагүйтэй холбоотой. Мөн олон бүс нутагт тархай, бутархай маягаар төлөвлөж, төлөвлөлтийн бүсүүдэд шугам сүлжээ татахад хүндрэл үүссэнтэй холбоотой” гэх мэдээллийг Гэр хорооллын дэд бүтцийн газрын дарга М.Ганбаатар хэлж байна.

Гэр хорооллыг дахин төлөвлөх ажлыг 2010 онд эхлүүлэхдээ Улаанбаатар хотын ерөнхий төлөвлөгөөний дагуу эхлээд 7 дугаар хорооллоос төлөвлөлтийг эхлүүлж багц багцаар нь барилгажуулахаар шийдвэрлэж, газраа чөлөөлсөн иргэдийг түр суурьшуулах зориулалтай 300 айлын орон сууцыг барьж ашиглалтад оруулжээ. Яг ийм байрыг дүүрэг бүрт барихаар төлөвлөж байсан боловч 2012 онд энэ төлөвлөлтийг өөрчилсөн байна.

2012-2016 онд гэр хорооллын дахин төлөвлөлтөөр 7000 барилга барина гэж байсан ч таван мянга нь шугам сүлжээ болон бусад асуудлаас болж зогсонги байдалтай, амины орон сууц бүхий хороолол энэ хугацаанд огт баригдаагүй. Хашаа байшингаа байраа солихоор газраа чөлөөлсөн иргэдээс 615 нь түрээсийн сууцанд амьдарч байгаа бол 400 иргэн гэр оронгүй, гудамжинд гарчихаад байна гэсэн юм. Мөн өнгөрсөн 4 жилийн хугацаанд дахин төлөвлөлтийн инженерийн шугам сүлжээнд зориулан нийслэлийн төсвөөс 104 тэрбум төгрөг зарцуулсан байна. Харин бодит байдал дээр энэ хөрөнгө юунд зарцуулагдсан нь бүрхэг. Энэ мөнгөөр 10 мянган айлын орон сууцанд урьдчилгаа төлбөр болгон өгөх боломжтой, одоо бариад гацчихсан 5000 байрны 20 хувийнх нь шугам сүлжээг нь шийдчих боломжтой гэдгийг тэрээр мөн хэллээ.

Гэр хорооллын дахин төлөвлөлтөд зориулж 104,0 тэрбум төгрөг зарцуулчихсан хирнээ өнөөдөр ямар ч үр дүнд хүрээгүй байгаа нь үнэхээр харамсалтай байна. Ер нь энэ хөрөнгө хаашаа яаж оров, юунд зарцуулагсан бэ гэдгийг шалгах хэрэгтэй. Иргэдэд энэ талаар бодит мэдээлэл өгч, дахин төлөвлөлтийг цаашид яаж үргэлжлүүлэх, иргэдээ хохиролгүй болоход бид анхаарч ажиллах хэрэгтэй гэсэн саналыг НИТХ-ын Тэргүүлэгчид хэлж байлаа.

НИТХ-ын дарга Ц.Сандуй "2008 оноос эхлэн гэр хорооллын дахин төлөвлөлтийн ажил эхэлсэн. Гэр хорооллын айлууд дахин төлөвлөлтөөр газрынхаа ашиг шимийг хүртэх ёстой байсан. Гэтэл өнөөдөр энэ үйл ажиллагаанд оролцсон иргэд хохирогч болчихоод байгаа нь энэ хөтөлбөр буруу явсныг харуулж байна. Эргээд төрийн нуруун дээр энэ ачаа бууж байгаа учраас буруу шийдвэр гаргасан хүмүүст хариуцлага тооцох хэрэгтэй. Мөн иргэдийг хохирлогүй болгох, гэр хорооллын дахин төлөвлөлтийн хүрээнд зарцуулсан хөрөнгийг шалгах ажлын хэсгүүдийг байгуулах хэрэгтэй” гэсэн юм. НИТХ-ын Тэргүүлэгчид нэн тэрүүнд орон гэргүй болон 400 айлын асуудлыг шийднэ гэдгээ хэлж гэр хорооллын дахин төлөвлөлтийн явцын талаар үнэн бодит мэдээллийг иргэдэд танилцуулж, НИТХ-ын нэгдсэн хуралдаанаар хэлэлцүүлэх ёстой гэсэн байр суурьтай байв.

Тэгэхээр дуулиан шуугиантай эхэлсэн хэрнээ бүрэн дүүрэн ажил хэрэг болж чадаагүй уг асуудлыг шийдэх талаар ийн ярьж эхэлж байна.

Эх сурвалж: Шуурхай.мн

More 520 0

Category: Мэдээ мэдээлэл

Орон сууцны 20 барилга ашиглалтын шаардлага хангахгүй нь тогтоогдлоо

2016/09/17

Орон сууцны 20 барилга ашиглалтын шаардлага хангахгүй нь тогтоогдлоо

Author: saikhnaa on 17-09-2016, 13:50

Мэргэжлийн хяналтын газрын Улсын байцаагчийн дүгнэлтээр ашиглалтын шаардлага хангахгүй, газар хөдлөлтөд тэсвэргүй болсон, дахин төлөвлөж барилгажуулах шаардлагатай орон сууцны 20 барилгын жагсаалтыг Нийслэлийн Мэргэжлийн хяналтын газраас танилцуулж байна. Орон сууцны тухай хуулийн дагуу эдгээр барилгуудыг буулгах, дахин төлөвлөх, шинээр орон сууц барих талаар нийслэлийн Засаг даргын шийдвэр гарснаар тухайн орон сууцыг мэдээллийн нэгдсэн сангаас хасч, ашиглах эрх дуусгавар болох аж.

АШИГЛАЛТЫН ШААРДЛАГА ХАНГАХГҮЙ, ГАЗАР ХӨДЛӨЛТӨД ТЭСВЭРГҮЙ БОЛСОН, ДАХИН ТӨЛӨВЛӨЖ БАРИЛГАЖУУЛАХ ШААРДЛАГАТАЙ НИЙТИЙН ЗОРИУЛАЛТТАЙ
ОРОН СУУЦНЫ БАРИЛГЫН ЖАГСААЛТ

№	Орон сууцны барилгын нэр, байшил	Харьяалах байгууллага /СӨХ/	Хүчин чадал, /айлын тоо/	Давхар тоо	Зоорьтой эсэх	Ашиглалтанд орсон огноо	Барилгын хийц, бүтэц	Хяналт шалгалтын байгууллагын өмнө онуудад гаргаж байсан дүгнэлт	Инженерийн төвлөрсөн шугам сүлжээнд холбогдосон эссэх	Ашиглалтын төлөв байдал	Холбоо барих утас
0	1	2	3	4	5	6	7	8	9	10	11
ХАН-УУЛ ДҮҮРЭГ
1	ХУД-ийн 3 дугаар хороо, АШ-31 дүгээр байр	Байхгүй	18 айл	2	зоорьгүй	1949 он	Чулуут шугам суурьтай, тоосгон гадна хана 51-64см болон хөндлөн даацын хана 51см, айл хоорондын хамар ханыг 20см зузаантай модоор, 20х20м огтлолтой модон дам нурууг 1 метрийн алхамтай тавьж млдлн бамбайгаар хучсан, шувуу нуруут төмөр дээвэртэй	2016.04.28 өдрийн 02-07-092/522	Дулаан, цэвэр, бохир ус төвлөрсөн шугам сүлжээнд холбогдсон	Ашиглалтын шаардлага хангахгүй
2	ХУД-ийн 11 дүгээр хороо, Удирдлагын академийн 36А байр	Байхгүй	18 айл	2	зоорьгүй	1957 он	Чулуут суурьтай, тоосгон гадна хана болон хөндлөн даацын хана, давхар дундын болон адрын модон хучилттай, шувуу нуруут төмөр дээвэртэй	2016.06.22 өдрийн 02-07-092/527	Дулаан, цэвэр, бохир ус төвлөрсөн шугам сүлжээнд холбогдсон	Ашиглалтын шаардлага хангахгүй
3	ХУД-ийн 11 дүгээр хороо, Удирдлагын академи 36Б байр	Байхгүй	18 айл	2	зоорьгүй	1957 он	Чулуут өрлөгт шугам суурьтай, тоосгон гадна хана болон хөндлөн даацын хана, давхар дундын болон адрын модон хучилттай, шувуу нуруут төмөр дээвэртэй	06.28 өдрийн 02-07-092/527	Дулаан, цэвэр, бохир ус төвлөрсөн шугам сүлжээнд холбогдсон	Ашиглалтын шаардлага хангахгүй
4	ХУД-ийн 11 дугаар хороо, Сүрьегийн эмнэлгийн ажилчдын орон сууцны 20-р байр	СӨХ-гүй	36 айл	3	зоорьгүй	1956 он	Чулуут бетон шугаман суурьтай, 64 см-ийн тоосгон гадна хана, 38 см-ийн дотор даацын хана, шавардлагатай модон хамар хана, давхар дундын болон адрын модон хучилт, шувуу нуруут төмөр дээвэртэй	2015.09.18-ны өдрийн 02-07-388/1434 дүгээр дүгнэлт	Дулаан, цэвэр, бохир ус төвлөрсөн шугам сүлжээнд холбогдоогүй	Ашиглалтын шаардлага хангахгүй, газар хөдлөлтөд тэсвэргүй
СОНГИНО ХАЙРХАН ДҮҮРЭГ
5	Сонгинохайрхан дүүргийн 18 дугаар хороо орон сууцны 01-р байр	Мөнгөн цом СӨХ	27 айл	3	Зоорьгүй	1962	Чулуут бетон суурьтай Тоосгон даацын ханатай Модон хучилттаЙ барилга	2014.05.21 өдрийн 02-07-90/800 2016.04.28 өдрийн 02-07-097/524	Холбогдсон	Ашиглалтын шаардлага хангахгүй
6	Сонгинохайрхан дүүргийн 18 дугаар хороо орон сууцны 02-р байр	Мөнгөн цом СӨХ	38 айл	3	Зоорьгүй	1962	Чулуут бетон суурьтай Тоосгон даацын ханатай Модон хучилттаЙ барилга	2014.05.21-ний 02-07-90/800 2016.04.28 02-07-097/524	Холбогдсон	Ашиглалтын шаардлага хангахгүй
7	Сонгинохайрхан дүүргийн 18 дугаар хороо орон сууцны 04-р байр	Мөнгөн цом СӨХ	27 айл	3	Зоорьгүй	1911196196232621	Чулуут бетон суурьтай Тоосгон даацын ханатай Модон хучилттаЙ барилга	2014.05.21 өдрийн 02-07-90/800 2016.04.28 өдрийн 02-07-097/524	Холбогдсон	Ашиглалтын шаардлага хангахгүй
8	Сонгинохайрхан дүүргийн 19 дүгээр хороо орон сууцны 1-48-р байр	Тулга 21 СӨХ	48 айл	3	Зоорьгүй	6196019	Чулуун дүүргэгчтэй бетон суурьтай 64 см тоосгон даацын ханатай Хучилт нь модон дам нуруут бамбайтай Модон шувуун нуруун , ган хучлагатай дээвэртэй.	2010.12.17-ны 07-303/4252 дугаартай дүгнэлт. 2016 оны 03 дугаар сарын 09-ний өдрийн 02-07-091/260 дугаартай дүгнэлт үйлдсэн.	Холбогдсон	Ашиглалтын шаардлага хангахгүй
9	Сонгинохайрхан дүүргийн 19 дүгээр хороо орон сууцны 2-48-р байр	тттАХХөөаааарТ Тулга 21 СӨХ ТаммишТ Тулга-21	48 айл	3 давхар	Зоорьгүй	61960	Чулуун дүүргэгчтэй бетон суурьтай 64 см тоосгон даацын ханатай Хучилт нь модон дам нуруут бамбайтай Модон шувуун нуруун , ган хучлагатай дээвэртэй.	2014.05.21-ний 02-07-90/800 2016.04.21 02-07-097/523	Холбогдсон	Ашиглалтын шаардлага хангахгүй
10	Сонгинохайрхан дүүргийн 18 дугаар хороо орон сууцны Ст 5-р байр	Мөнгөн цом СӨХ	40 айл	3 давхар	Зоорьгүй	1960	Угсармал бетон гулдмай шугаман суурьтай Гадна даацын 64 см , дотор 38 см-ийн тоосгон ханатай, Модон хучилттай хавтгай дээвэртэй	2014.05.21-ний 02-07-90/800	Холбогдсон	Ашиглалтын шаардлага хангахгүй
11	Сонгинохайрхан дүүргийн 18 дугаар хороо орон сууцны Ст 3-р байр	Мөнгөн цом СӨХ	36 айл	3 давхар	Зоорьгүй	1960	Угсармал бетон гулдмай шугаман суурьтай Гадна даацын 64 см , дотор 38 см-ийн тоосгон ханатай, Модон хучилттай хавтгай дээвэртэй	2015.05.04 02-07-90 / 575	Холбогдсон	Ашиглалтын шаардлага хангахгүй
12	Сонгинохайрхан дүүргийн 27 дугаар хороо орон сууцны 12-1-р байр	СӨХ-гүй	Нийтийн байр 12 айл	1 давхар	Зоорьгүй	1956	Чулуун шугаман суурьтай, Даацын тоосгон ханатай Модон хучилттай Шувуу нуруу бүхий долгиот хуудсан хучлагатай	2016 оны 05 дугаар сарын 17-ны өдрийн Барилгын ашиглалтын төлөв байдлын тухай 02-07-097/638 дугаартай дүгнэлт үйлдсэн. /2 барилгад 1 дүгнэлт/	—-	Ашиглалтын шаардлага хангахгүй
13	Сонгинохайрхан дүүргийн 27 дугаар хороо орон сууцны 12-2-р байр	СӨХ-гүй	Нийтиийн байр 12 айл	1 давхар	Зоорьгүй	1956	Чулуун шугаман суурьтай Даацын тоосгон ханатай Модон хучилттай		—-	Ашиглалтын шаардлага хангахгүй
14	Сонгинохайрхан дүүргийн 27 дугаар хороо Хангай захын баруун талд орон сууцны 33-р байр	СӨХ-гүй	16 айлын орон сууц	2 давхар	Зоорьгүй	1957	Чулуун шугаман суурьтай Даацын тоосгон ханатай Модон хучилттай	2016 оны 05 дугаар сарын 20 ны өдрийн Ашиглалтын төлөв байдлын тухай 02-07-097/650 дугаартай дүгнэлт гаргасан.	Холбогдсон	Ашиглалтын шаардлага хангахгүй
15	Сонгинохайрхан дүүргийн 27 дугаар хороо махны 16-р байр	СӨХ-гүй	16 айлын орон сууц	1 давхар	Зоорьгүй	1956	Чулуун шугаман суурьтай Даацын тоосгон ханатай Модон хучилттай	2016 оны 05 дугаар сарын 18 ны өдрийн 02-07-097/639 дугаартай дүгнэлт гаргасан.	Холбогдсон	Ашиглалтын шаардлага хангахгүй
БАЯНГОЛ ДҮҮРЭГ
16	БГД. 16 дугаар хороо, 2-60 дугаар байр.	Гандан-60 СӨХ	60 айл	5	зоорьтой	1967-1968	Цутгамал бетон шугам суурьтай, даацын тоосгон хана, модон хамар хана, давхар дундын болон адрын модон хучилттай, шувуу нуруун төмөр дээвэртэй.	2015.10.09 өдрийн 02-07-92/1625 дугаартай дүгнэлт, 2016 оны 05 дугаар сарын 25-ны өдрийн 02-07-092/749 тоот, дүгнэлт. .	холбогдсон	Ашиглалтын шаардлага хангахгүй газар хөдлөлтөд тэсвэргүй	Захирал Эрдэнэбат
БАЯНЗҮРХ ДҮҮРЭГ
17	Баянзүрх дүүрэг 3 дугаар хороо, орон сууцны 48 дугаар байр		48	3	зоорьгүй	1960	Бетон суурьтай, тоосгон ханатай, модон хучилттай, модон шувуу нуруу, төмөр хучлагатай дээвэртэй	2016.04.19-ний өдрийн 02-07-112/475 дугаар дүгнэлт	Дулаан, цэвэр, бохир ус төвлөрсөн шугам сүлжээнд холбогдсон	Ашиглалтын шаардлага хангахгүй
СҮХБААТАР ДҮҮРЭГ
18	СБД 4-р хороо, Орон сууцны Худаг усны 36-р байр	"Эвт -4” СӨХ	36 айл	3	зоорьгүй	1962	Чулуут бетон шугаман суурьтай, даацын тоосгон ханатай, давхар дундын болон адрын модон хучилттай төмөр дээвэртэй	2011.08.-ны 07-161/1437, 2012.06.26-ны 02-07-84/1121, 2015.01.26-ны 02-07-81/85, 2016.03.21-ны дугаартай дүгнэлт	Холбогдсон	Ашиглалтын шаардлага хангахгүй, газар хөдлөлтөнд тэсвэргүй	СБД, 4 дүгээр хороо Саранчимэг Цэндсүрэн 99840010
19	СБД 4-р хороо, Дулааны 18 айл 18-р байр		18 айл	3	зоорьтой	1962	Чулуут бетон шугаман суурьтай, даацын тоосгон ханатай, давхар дундын болон адрын модон хучилттай барилга	2016.04.27-ны 02-07-094/509 дугаартай дүгнэлт	Холбогдсон	Ашиглалтын шаардлага хангахгүй	Чинзориг 99070700 350426
20	СБД-ийн 6 дугаар хороо, 21 дүгээр байр	6-р хороо	18 айл	2	зоорьгүй	1954	Чулуут бетон шугам суурьтай, тоосгон гадна хана болон даацын хөндлөн хана, давхар дундын болон адрын модон хучилттай, шувуу нуруут төмөр дээвэртэй

More 888 0

Category: Мэдээ мэдээлэл

Энхийг сахиулагчид эх орондоо ирлээ

2016/09/17

Энхийг сахиулагчид эх орондоо ирлээ

Author: saikhnaa on 17-09-2016, 13:40

Тавдугаар ээлжийн мотобуудлагын батальоны хурандаа Б.Баатар захирагчтай цэргийн алба хаагчид БНӨСУ дахь НҮБ-ын энхийг сахиулах ажиллагаанд оролцоод эх орондоо ирлээ. Энхийг сахиулагчдыг ЗХЖШ-ын Ажиллагааны удирдлагын газрын дарга, бригадын генерал Д.Ганзориг угтан авсан бөгөөд үүргээ нэр төртэй гүйцэтгээд ирсэн дайчдаараа бахархаж буйгаа илэрхийлж, батальоны захирагч, хурандаа Б.Баатар түүнд эх орон, Зэвсэгт хүчний удирдлагын өмнө хүлээсэн үүргээ манай цэргийн баг амжилттай гүйцэтгээд ирлээ гэдгээ илтгэлээ.

Хурандаа Б.Баатар захирагчтай тавдугаар ээлжийн мотобуудлагын батальон нь Монгол Улсын Зэвсэгт хүчний түүхэнд хамгийн удаан буюу 13 сарын хугацаатайгаар үүрэг гүйцэтгээд ирж байгаа нь энэ юм.

More 476 0

Category: Мэдээ мэдээлэл

Эцэг эхийг нь торгож эхэллээ

2016/09/16

Эцэг эхийг нь торгож эхэллээ

Author: saikhnaa on 16-09-2016, 15:20

Замын хөдөлгөөний аюулгүй байдлын тухай хуулийн шинэчлэлээр 10 хүртэлх насны хүүхдийг заавал эцэг эх, асран хамгаалагчтай авто зам гарах тухай зааж, хэрэв хүүхэд асран хамгаалагчгүйгээр зам хөндлөн гарч осолд өртвөл эцэг, эхэд нь хариуцлага тооцох шийтгэлийг хэрэгжүүлж эхлээд байна.

Монгол Улсын замын хөдөлгөөний аюулгүй байдлын тухай хуулийн 54.6 заасны дагуу хөдөлмөрийн хөлсний доод хэмжээтэй тэнцэх мөнгөөр буюу 192 мянган төгрөгөөр торгох заалтаар шинэ жил эхэлснээс хойш хүүхдээ асран хамгаалагчгүй явуулснаас замын осолд орсон хоёр эцэг, эхэд торгуулийн арга хэмжээ авчээ. Мөн хүүхдийг эцэг эхийн гарт хүлээлгэж өгөөгүй гурван багшид хариуцлага тооцсон байна. Энэхүү хуулийн заалтыг мэдэхгүйгээс зарим эцэг торгууль төлөхгүй гэх тохиолдол ч гарчээ. Замын цагдаагийн газрын Урьдчилан сэргийлэх хэлтсийн ахлах мэргэжилтэн Л.Амаржаргал " Хуульд зааснаар Монгол Улсын иргэн эцэг эх, хэн ч байсан торгуулах ёстой. Торгуулийн 192 мянган төгрөгийн цаана хайртай үрийн чинь амь амьдралын аюулгүй байдал хамаатай гэдгийг л эцэг эхчүүд ойлгох хэрэгтэй байна” гэж тайлбарлав. Сүүлийн үед бага насны хүүхэд зам тээврийн осолд өртөх явдал буурахүй, өсөх ч шинжтэй. Энэ оны эхний найман сарын байдлаар гэхэд улсын хэмжээнд 37 хүүхэд зам тээврийн ослоор амиа алдаж, 675 хүүхэд гэмтэж бэртсэн байна. Гэмтэж бэртсэн хүүхдийн 70 хувь нь зам хөндлөн гарах үедээ осоолд өртсөний дийлэнх нь буюу 302 нь 8-14 насных, үлдсэн 277 нь 0-7 насных байна. Зөвхөн шинэ хичээлийн жил эхэлснээс хойшхи 15 хоногт 47 хүүхэд замын осолд өртсөн н харамсалтай. Тиймээс эцэг, эхчүүд, асран хамгаалагчдыг торгох ажлыг эрчимжүүлнэ гэж ЗЦГ-ын Урьдчилан сэргийлэх хэлтсийн ажилтнууд ярьж байна.

Ж.Батсайхан

Эх сурвалж: МОНЦАМЭ

More 521 0

Category: Гол мэдээ / Мэдээ мэдээлэл

Айл өрхүүдийн халаалтыг өгч эхэллээ

2016/09/16

Айл өрхүүдийн халаалтыг өгч эхэллээ

Author: saikhnaa on 16-09-2016, 12:50

2016-2017 оны халаалтын улирал эхэлсэнтэй холбогдуулан "Улаанбаатар дулааны сүлжээ” ТӨКХ 2016 оны 09 дүгээр сарын 15-ны байдлаар 890 орон сууцны барилга, 24 цэцэрлэг, 14 сургууль, 13 эмнэлэг, 140 аж ахуйн нэгжид халаалт өгөөд байна.

Харин Орон сууц нийтийн аж ахуйг удирдах газар 1801 орон сууцны барилга, 38 цэцэрлэг, 19 сургууль,140 аж ахуйн нэгжид халаалт өгсөн бол Хэсэгчилсэн инженер хангамжийн удирдах газар 15 халаалтын зуух, 2 тусгай зөвшөөрөлтэй аж ахуйн нэгж, алслагдсан дүүргийн 2 зуухыг галлагаанд оруулаад байна гэж Улаанбаатар хотын Шуурхай удирдлага зохицуулалтын төвөөс мэдээллээ.

More 305 0

Category: Мэдээ мэдээлэл

“Итгэлийн зээл” олгож, үрийн аж ахуй байгуулахыг дэмжинэ

2016/09/16

“Итгэлийн зээл” олгож, үрийн аж ахуй байгуулахыг дэмжинэ

Author: saikhnaa on 16-09-2016, 11:44

Сэлэнгэ аймагт томилолтоор ажиллаж буй Ерөнхий сайд Ж.Эрдэнэбат Цагааннуур, Зүүнбүрэн, Шаамар сумын нутагт үйл ажиллагаа явуулдаг "Атар трейд”, "Гацуурт”, "Гэгээлэг трейд” компанийн тариалангийн талбайд зочилж, үр тариа, хүнсний ногооны хураалт, хадгалалтын байдалтай танилцан тариаланчидтай уулзлаа.

Шаамар сумын ногоочин Ц.Нацагдоржийн ногооны талбайд болсон уулзалтад нутгийн иргэд, ногоочид оролцон санал бодлоо солилцов. Тэд ногоогоо нийслэлд хүргэж нэг кг-ийг нь 200 төгрөгөөр ченжүүдэд өгдөг, үнэ хямдарснаас хавар, зуны их ажил нь үр дүнгээ өгдөггүй, хүн хүчний боломжоос шалтгаалж хотод болдог яармаг худалдаанд оролцож чаддаггүйгээ ярилаа. Мөн зээлийн хүү өндөр байгааг дурдаж байв.

"Засгийн газрын үйл ажиллагааны хөтөлбөрт газар тариалангийн даатгалын эрх зүйн орчин бий болгоно. Өвөл, зуны хүлэмжийн аж ахуйг хөгжүүлнэ. Жижиг, дунд үйлдвэрлэлийг дэмжих "Итгэлийн зээл” олгож, үйлдвэрлэл эрхлэх бололцоогоор хангах зорилт туссан. Үндэсний үйлдвэрлэл, аж ахуйн нэгжүүдээ дэмжиж, эх орныхоо хөрсөнд ургасан төмс, хүнсний ногоо худалдан авч хэрэглэж байхыг иргэддээ уриална” гэж Ерөнхий сайд хэллээ.

Ногоочдын хувьд ганцхан намрын улиралд бус бүтэн жилийн турш төмс, хүнсний ногоогоо борлуулдаг байвал амьдрал ахуйд нь дэмтэй. Энэ нь ногооны төвлөрсөн зоорьтой болох ёстой гэсэн үг. Иймээс "Итгэлийн зээл” олгох чиглэлд Засгийн газар анхаарна. Энэ зээлээр үрийн аж ахуй байгуулж, шинэ сортын үрийн ногоо тариалж, импортын төмс, хүнсний ногоотой үнэ, чанараар өрсөлдөх ёстой гэдгийг хэллээ.

Ерөнхий сайд Ж.Эрдэнэбат өнөөдөр Дархан-Уул аймагт ажиллана гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

More 452 0

Category: Мэдээ мэдээлэл